Salmos 48:1 - Biblia Enxet

¹ ¡Apwányam apagko' Wesse' egegkok! ¡Payhawók kólteméssesek apcheymákpoho Dios egagkok ma'a tegma apwányam apagkok nak, tén han ma'a egkexe ekpagkanamaxche apagkok nak!

Salmos 48:1 Referans Kwoze

Miqueas 4:1

Kólteméssesek sa' egkexe meyke ekhémo apyetnamakxa nak Wesse' egegkok tegma appagkanamap apagkok, cham'a amonye' sa' ektemegwánxa néxa ekhem. Katnehek sa' egkexe netnók agko', kalyeykhagkok sa' ma'a ekyókxoho egkexe nak. Apyókxoho pók aptémakxa énxet'ák sa' elmeyógmak ma'a;

Zacarías 8:3

Amyenták sa' ko'o makham ma'a Jerusalén, yaqwayam axek makham ma'a. Keñe sa' Jerusalén eltamhakpok Tegma Apwányam Meheyenseyam, keñe sa' ma'a egkexe ahagkok nak ko'o sektáha nak Wesse' ekha sekyennaqte, kaltamhaxchek sa' Egkexe Ekpagkanamaxche'.

Salmos 96:4

hakte Wesse' egegkok apteme apwányam apagko', payhawók ólteméssesek apcheymákpoho, ¡apcheymáp nahan neyseksa m'a ekyókxoho aqsok ekha nak élmowancha'a!

Salmos 46:4

Yetneyk xama wátsam ekpeykessáseykekxo nak apwáxok Dios tegma apwányam apagkok, tegma apkelyawe apkelpagkanamap apagko', apagkok nak ma'a Dios Meyke Ekhémo.

Salmos 145:3

Apwányam apagko' ma'a Wesse' egegkok, payhawók agko' nahan kólteméssesek apcheymákpoho; mogwanchek agya'asagkohok ekyókxoho m'a ektémakxa nak apteme apwányam.

Salmos 87:3

Dios tegma apwányam apagkok, tásók agko' nak la'a chá'a exchep katnehek apxénamap:

Salmos 99:9

Kólpeykesho Dios Wesse' egegkok, ¡kóltekxeyák kéltapnák ma'a amonye' nak egkexe apagkok ekpagkanamaxche'! ¡Appagkanamap ma'a Dios Wesse' egegkok, cham'a Wesse' egegkok nak!

Salmos 87:1

Apkeláneyak Dios tegma appagkanamap apagkok ma'a néten egkexe ekpagkanamaxche nak.

Salmos 86:10

Hakte xép apwánxa apagkok apteme Dios; ¡xép apteme apwányam, tén han apkelane chá'a aqsok sempelakkasso nak agweta'!

Salmos 78:68

Judá énxet'ák apagkok axta aqsa Apkelyesáha, tén han ma'a egkexe Sión, apchásekhayo apagko' axta chá'a.

Salmos 65:1

Oh Dios, apkeñama nak Sión, ¡payhawók xép kólteméssesek apcheymákpoho!, ¡payhawók xép kóllanaksek ma'a aqsok apkeltémo nak kóllanaksek,

Salmos 47:8

¡Dios apteme Wesse' apwányam nepyeseksa apyókxoho pók aptémakxa énxet'ák! ¡Apheyk Dios ma'a néten aptaháno ektaqmalma nak!

Salmos 46:1

Dios apteme negko'o segmasma, tén han segyennaqtésso, apteme han sempasmo ekwa'a enxoho ekmaso negha.

Salmos 2:6

“Élyéseyha ko'o xama wesse' apwányam ahagkok ma'a néten nak egkexe Sión, ekteme nak egkexe ahagkok sekpagkanma.”

Abdías 1:17

Ekpagkanamaxche sa' eyke katnehek ma'a egkexe ahagkok nak Sión, cham'a yaqwánxa sa' elyexánegwók nápakha énxet'ák. Emekxak sa' makham xapop apagkok ma'a Jacob aptawán'ák neptámen;

Jeremías 31:23

Aptáhak Wesse' ekha apyennaqte, Dios apagkok nak Israel se'e: “Ekyaqmagkassessek sa' agkok ko'o mók ektémakxa nak apheykha m'a énxet'ák Judá, apkelhákxo sa' makham ma'a xapop apagkok nak, tén han ma'a tegma apkelyawe apagkok nak. Sa' etnehek makham apkelpeywa s'e: ‘¡Etaqmelchesek sa' Wesse' egegkok se'e egkexe ekpagkanamaxche nak, ekyetnamakxa nak ekpéwomo nentémakxa!

Isaías 27:13

Kólpáwaksek sa' kélaqkahasso ekyennaqte ekpáwà xa ekhem nak, keñe sa' ma'a apkelxegánegwayam axta m'a Asiria, ekhawo nahan ma'a kélnaqleykekxa axta m'a Egipto, elmeyenták sa' Jerusalén elpeykessetámhok ma'a Wesse' egegkok, cham'a egkexe ekpagkanamaxchexa nak.

Salmos 147:5

Apwányam apagko' ma'a Dios egagkok, awanhek han apmopwána; méko néxa m'a apya'áseykegkoho.

Salmos 30:1

Wesse', ekteméssessek ko'o exchep apcheymákpoho, hakte emallahanchessek ko'o exchep aqsok ekmaso, megyahayók hésmaksek ma'a sélenmexma nak.

Nehemías 9:5

tén axta aptáha apkeláneya m'a levitas, cham'a Josué, Cadmiel, Binuy, Hasabnías, Serebías, Hodías, Sebaías, tén han Petahías: “Kólchempekxa néten, kólpeykesho Dios Wesse' kélagkok, yókxoho ekhem, megkatnégwayam néxa. ¡Kóltemésses apcheymákpoho, yetlo ektaqmalma kélxeyenma apwesey eyeymáxkoho meyke ekhémo!”

Salmos 42:1

Dios ahagkok, temék ko'óxa sétamso exchep ma'a ektémól'a xenaq hem eyaqhe étamsól'a wátsam.