Salmos 47:9 - Biblia Enxet

⁹ Apyepetchákxeyk kelwesse'e apkeláneykha nak apchókxa m'a Dios énxet'ák apagkok, cham'a Abraham nak Dios apagkok,

Salmos 47:9 Referans Kwoze

Salmos 89:18

¡Negáhakkásamaxche negko'o m'a Wesse' egegkok! ¡Wesse' apwányam egagkok ma'a Appagkanamap nak Israel!

Génesis 49:10

Méko keymentók ektémakxa apyennaqte Judá, méko han kawának keymentók aptémakxa nak ekha kélyaheykekxoho, ekwokmoho apwa'akto makham ma'a ektáha nak apagkok ma'a aptémakxa nak wesse', cham'a peya nak elyahakxohok ma'a énxet'ák.

Éxodo 3:6

Tén axta aptáha nahan apcháneya s'e: —Ko'o sekteme Dios apagkok ma'a apyapmeyk nano' nak xeyep. Ko'o sekteme Abraham, Isaac, tén han Jacob Dios apagkok. Appóssek axta nápat ma'a Moisés, hakte apchekak axta elanok ma'a Dios.

Proverbios 30:5

Eltaqmelcheshok Wesse' egegkok ma'a ektáha nak chá'a apcháyo, máxa xama negáhakkásamáxche etnehek; naqsók ma'a ekyókxoho aqsok apxeyenma nak chá'a.

Salmos 97:9

hakte xép Wesse', meyke nak ekhémo, apteme néten ma'a ekyókxoho aqsok nak keso náxop, tén han apteme néten agko' neyseksa m'a ekyókxoho aqsok ekha nak élmowancha'a.

Salmos 72:11

¡Apyókxoho kelwesse'e apkelwányam sa' eltekxeyagkok aptapnák apmonye'! ¡Apyókxoho pók aptémakxa énxet'ák sa' elyahakxoho'!

Salmos 46:10

“¡Kólwatés kélnápomáxche'! Kólya'asagkoho sektáha ko'o Dios! ¡Ko'o sekteme néten agko' nepyeseksa m'a pók aptémakxa énxet'ák! ¡Ko'o sekteme néten agko' ekyókxoho keso náxop!”

Isaías 49:23

Sa' katnehek ekteme yapmeyk ma'a kelwesse'e apkelwányam nak keñe sa' ektaqmelchesso chá'a m'a kelwesse'e kelwán'ák nak. Eltekxeyagkok sa' chá'a aptapnák xóp amonye' exche', ekwokmoho apkeltekxeya nápaqta'a xóp ekweykekxoho m'a kelwesse'e kelwán'ák nak, awanhók agko' sa' katnehek apcháyo. Keñe sa' kay'asagkohok ko'o sekteme Wesse', kay'asagkohok sa' nahan memegqáyhek chá'a m'a ektáha nak ko'o mehey'ásseyam.”

Isaías 49:7

Aptáhak Wesse' egegkok apcháneya énxet kélwanyémo kélagko' axta chá'a s'e, cham'a Dios Aptaqmalma nak Israel, segwagkassamo nak teyp, aptaqnagkamo apagko' axta chá'a m'a pók énxet'ák nak, aptéma axta chá'a apchásenneykha naqsa m'a kelwesse'e apkello nak: “Apwet'ak sa' agkok chá'a exchep ma'a kelwesse'e apkelwányam nak tén han ma'a pók kelwesse'e nak, elchempekxak sa' chá'a néten eltekxeyagkok aptapnák xóp apmonye' exchep hakte ko'o axta sélyéseykha exchep sektáha nak Wesse' Dios Sektaqmalma m'a Israel, alánhok chá'a ko'o m'a sekxeyenma nak alána'.”

Isaías 11:10

Kólhések sa' néten kólteméssesek aqsok magkenatchesso apagkok énxet'ák Jesé aptáwen neptámen xa ekhem nak; cham'a aphémo nak yámet éltektépeykekxa m'a kepmenák, elyo'ókxak sa' chá'a ektamok ma'a apyókxoho énxet'ák keso náxop, keñe sa' ma'a aphakxa nak katnehek ektaqmalma agko'.

Éxodo 3:15

Aptáhak axta anhan apcháneya Dios Moisés se'e: —Etne sa' nahan elának israelitas se'e: ‘Eyáphássek xeyk ko'o kélnepyeseksa kéxegke m'a Wesse', Dios apagkok nak ma'a kélyapmeyk nano', cham'a Abraham, Isaac, tén han ma'a Jacob nak Dios apagkok.’ Cháxa sekwesey megkatnégwayam néxa xa; sekwesey megkamassegwayam yókxoho apyeyam chá'a xa.