Salmos 47:8 - Biblia Enxet

⁸ ¡Dios apteme Wesse' apwányam nepyeseksa apyókxoho pók aptémakxa énxet'ák! ¡Apheyk Dios ma'a néten aptaháno ektaqmalma nak!

Salmos 47:8 Referans Kwoze

1 Crónicas 16:31

¡Kalpayhekxa kélwáxok énxet'ák kélheykha nak néten tén han kélheykha nak keso náxop! Sa' etnehek énxet'ák se'e: ‘¡Wesse' egegkok apteme wesse' apwányam!’

Salmos 93:1

¡Wesse' egegkok apteme Wesse' Apwányam! Apcháhakkásamákpek Wesse' egegkok ma'a apkelyenma, aptémól'a nentaxno, apwakhésamakpek ma'a apmopwána ektémól'a nentétamáxche'! Apyennaqtéssamók appekkenma nélwanmeygkaxa m'a, yaqwayam enxoho megkayawheykha.

Salmos 89:14

Appekkenmeyk apkelánekxésso ektaqmalma apheykha énxet'ák ma'a aptémakxa nak wesse' apwányam, tén han ekpéwomo agko'; wetamaxcheyk segásekhayo, tén han mehenyenyaweykha eñama m'a aptémakxa nak chá'a aqsok apkelane.

Salmos 9:4

Xép apteme segyekpelchémo appéwomo: apheyk ma'a aptaháno ektaqmalma nak yaqwayam hélánekxések amya'a ekpéwomo.

Salmos 110:6

exének sa' chá'a yaqwánxa kólteméssesek ma'a apyókxoho énxet'ák; ethanchásekxak sa' mók kélhapák; ¡elpáxqátek sa' kélpátek ekyókxoho keso náxop!

Salmos 99:1

¡Wesse' egegkok apteme Wesse' Apwányam! ¡Yetnegkek aptaháno m'a apyetseksa'ák nak apkeláneykha ekha nak apxempenák! Énxet'ák kólpexyennem, tén han ekyókxoho xapop nak.

Salmos 97:1

¡Kalpayhekxa kélwáxok kélyókxoho kélheykha nak keso náxop! ¡Kalpayhekxa kélwáxok kélheykha nak ekyókxoho egkexe étkók! ¡Wesse' egegkok apteme Wesse' Apwányam!

Salmos 96:10

Kólteme sa' kólának pók aptémakxa énxet'ák se'e: “¡Wesse' egegkok apteme Wesse' apwányam!” Apyennaqtéssamók axta appekkenma nélwanmeygkaxa, yaqwayam enxoho megkayawheykha; aphéssamók han mók apkeltaqmelchesso m'a énxet'ák.

Salmos 94:20

Mopwanchek xép etnehek apkelxegexma'a énxet'ák segyekpelchémo megkapéwomo nak chá'a apkeltémakxa, ekmaso nak chá'a apkeltamheykha, apyetnakhasso nak chá'a segánamakxa;

Salmos 48:1

¡Apwányam apagko' Wesse' egegkok! ¡Payhawók kólteméssesek apcheymákpoho Dios egagkok ma'a tegma apwányam apagkok nak, tén han ma'a egkexe ekpagkanamaxche apagkok nak!

Salmos 99:2

Apwányam apagko' Wesse' egegkok ma'a Sión; apwányam apagko' Wesse' egegkok nepyeseksa m'a apyókxoho énxet'ák.

Zacarías 14:9

Cháxa ekhem yaqwánxa sa' etnehek Wesse' apwányam Wesse' egegkok ekyókxoho keso náxop. Wánxa sa' nahan xama etnehek ma'a Wesse' egegkok, xama sa' nahan katnehek ma'a apwesey.

Malaquías 1:14

Añássesagkohok sa' ko'o m'a séltennasso nak chá'a hegkések aptósso meyke ekmaso ekyókxa, keñe hegkések ma'a aptósso ekmaso nak ekyókxa. Ko'o sekteme Wesse' apwányam, héláwhok nepyeseksa m'a apyókxoho pók aptémakxa énxet'ák.” Cháxa sektáhakxa nak ko'o sekpeywa xa, sektáha nak Wesse' ekha sekyennaqte.