Salmos 47:2 - Biblia Enxet

² Hakte apcheymap ma'a Wesse' egegkok apteme nak Meyke Ekhémo; cha'a apteme Wesse' apwányam ekyókxoho keso náxop.

Salmos 47:2 Referans Kwoze

Malaquías 1:14

Añássesagkohok sa' ko'o m'a séltennasso nak chá'a hegkések aptósso meyke ekmaso ekyókxa, keñe hegkések ma'a aptósso ekmaso nak ekyókxa. Ko'o sekteme Wesse' apwányam, héláwhok nepyeseksa m'a apyókxoho pók aptémakxa énxet'ák.” Cháxa sektáhakxa nak ko'o sekpeywa xa, sektáha nak Wesse' ekha sekyennaqte.

Salmos 99:3

Kólpeykeshok sa' chá'a apwesey ekyawe, tén han mageysso nak agè'; ¡Dios apteme appagkanamap!

Salmos 95:3

Hakte Wesse' egegkok apteme Dios apwányam apagko', apteme Wesse' apwányam neyseksa m'a ekyókxoho aqsok ekha nak élmowancha'a.

Salmos 47:7

¡Kólmeneykmásses negmeneykmasso ektaqmalma m'a Dios, hakte cha'a apteme Wesse' apwányam ma'a ekyókxoho keso náxop!

Salmos 68:35

Yeykpok chá'a Dios, aphama nak ma'a tegma appagkanamap apagkok; Elmések chá'a apkelmopwancha'a, tén han apkelyennaqte énxet'ák apagkok ma'a Dios apagkok nak Israel. ¡Tásek sa' chá'a katnehek apxénamap ma'a Dios!

Deuteronomio 7:21

Nágkólyegwe aqsa apmonye'e xa énxet'ák nak, hakte apheyk kélnepyeseksa kéxegke m'a Dios Wesse' kélagkok, apteme nak Dios apyennaqte tén han mageysso agè'.

Salmos 65:5

Dios, Sẽlwagkasso nak teyp negko'o, egátegmowágkek negko'o exchep, yetlo ekyawe apkelane aqsok sentaqmelchessáseykekxo nak negheykha; megkólya'ásseykmok xép ekyókxoho keso náxop, ekweykmoho m'a énxet'ák apheykha nak makhawók agko', teyp wátsam ekwányam;

Nehemías 1:5

Axta ektemék seyánagkama s'e: “Wesse', Dios apha nak néten, apteme nak apwányam, tén han ekha kélaye, melwátésseyam nak elának ma'a ekhémo mók nélpaqhetchásamáxkoho apagkok, melyenyaweykha nak chá'a m'a ektáha nak apkelásekhayo, apkeláneykegkoho nak apkeltémókxa antéhek;

Salmos 145:6

Kaxénaxchek sa' chá'a m'a aqsok élyawe nak apkelane, negaye nak agweta', keñe sa' ko'o axének apteme apwányam.

Salmos 76:12

Hakte emasséssamhok chá'a kelwesse'e apkeláneykha nak chá'a apkelókxa', elyegwakkashok han ma'a kelwesse'e apkelwányam nak keso náxop.

Deuteronomio 28:58

“Sa' agkok kóllanak ekyókxoho ektémakxa nak segánamakxa eknaqtáxésamaxche s'e weykcha'áhak nak, tén han megkólekawo enxoho s'e ektémakxa nak eyeymáxkoho apwesey mageysso nak ageyk ma'a Dios Wesse' kélagkok,