Salmos 47:1 - Biblia Enxet

¹ ¡Kóltekpogmakha kélmék kélyókxoho kélheykha nak keso náxop! ¡Kólpeykesho Dios, yetlo kélwehéseykha kélátseykha!

Salmos 47:1 Referans Kwoze

Salmos 106:47

Wesse', Dios egagkok, ¡hẽlwagkas negko'o teyp! ¡heganchásekxa, hennaqlósawakxa negko'o m'a nepyeseksa nak pók aptémakxa énxet'ák, yaqwayam sa' ólpeykeshok apwesey ekpagkanamaxche', yaqwayam sa' kalpayhekxak egwáxok ólpeykeshok xép!

Salmos 98:4

Kólmeneykmásses Dios kélyókxoho kélheykha nak keso náxop yetlo ekpayheykekxa kélwáxok; kalpayhekxoho agko' kélwáxok, kólmeneykmásses negmeneykmasso.

Jeremías 31:7

Aptáhak Wesse' egegkok se'e: “Kólmeneykmásses ekmátsa tén han élpayheykekxa kélwáxok ma'a Jacob énxet'ák apagkok, aptamhéyak nak apkelámha apmonye' nepyeseksa m'a apyókxoho énxet'ák. Kóleyxchesho kélmeneykmasso, sa' kóltéhek se'e: ‘Apkelwagkassek teyp énxet'ák apagkok Wesse' egegkok, apkeleymomap axta m'a Israel.’

Isaías 55:12

“Kólántépok sa' kéxegke yetlo ekpayheykekxa kélwáxok ma'a, kólmeyekxak sa' makham kélókxa yetlo meyke ektáhakxa kélwáxok. Kelwet'ak sa' agkok ma'a meteymog élekhahéyak nak tén han ma'a egkexe nak, megkaleysagkók sa' kalmeneykmaksek kalpayhekxak awáxok, kaltekpagmakha sa' amék ekyókxoho m'a yenta'a élyawe élaqnéyak nak yókxexma.

Salmos 46:1

Dios apteme negko'o segmasma, tén han segyennaqtésso, apteme han sempasmo ekwa'a enxoho ekmaso negha.

Salmos 47:5

¡Apmeyákxeyk Dios Wesse' egegkok ma'a néten ekyetnamakxa nak aptaháno eyeymáxkoho, yetlo kélwehéseykha élpayheykekxa kélwáxok, tén han kélpáwasso kélaqkahasso!

2 Reyes 11:12

Keñe axta Joiadá aptekkesa m'a wesse' apwányam apketche, apketchessessek axta han apqátek apketchesso apqátek élyenma, tén han apmésa m'a magkenatchesso nak nenteme wesse' apwányam, keñe axta natámen apyegkenchesso apqátek pexmok égmenek apxéna apteméssesa wesse' apwányam. Tén axta apkeltekpagáncha'a apmék apyókxoho, axta aptáhak apkelyennaqtésawo apkelpeywa s'e: “¡Megkamassegwomek sa' apteme wesse' apwányam!”

2 Samuel 6:15

apwoncháseyha axta han yetlo ekpayheykekxa apwáxok apsákxo m'a Wesse' egegkok yántéseksek apagkok, tén han ma'a apyókxoho nak israelitas, yetlo apkelpáwasso apkelaqkahasso.

Zacarías 9:9

¡Kapayhekxoho agko' apwáxok xép, tegma apwányam Sión! ¡Enneykmés kapayhekxak apwáxok, xép tegma apwányam Jerusalén! Apya'aweykteyk xép, Wesse' apwányam apagkok Wesse' appéwomo, tén han segwagkassamo teyp, háwe eyke eyeymáxkoho apwáxok, yámelyeheykok apchánte, yámelyeheykok étkok.

Zacarías 4:7

¿Yaqsa exche' egkexe ekyawe? ¡Katnekxak sa' xe' xapop meyke élekhahéyak nápaqtók ma'a Zorobabel! Sa' elkok meteymog émha amonye' nak ma'a, neyseksa apteme apkelyennaqtéssamo apkelpeywa énxet'ák se'e: ¡Táse' nak la'a meteymog! ¡Tásók agko' nak la'a!’”

Salmos 98:8

wátsam, kóltekpogmakha kélmék; egkexe, kólyepetchekxa kélmók, kólwehesha kólátsaha

2 Crónicas 13:15

Xama axta apkelpáxameyncha'a ekyennaqte agko' apkempakha'a m'a énxet'ák Judá, apyaqmássek axta Dios ma'a Jeroboam yetlo m'a apyókxoho israelitas, nápaqtók ma'a Abiam, tén han Judá.

1 Samuel 10:24

Apkelmaxneyáha axta Samuel apyókxoho énxet'ák nak: —¡Kélwet'ak kaxwók apkelyéseykha axta Wesse' egegkok! ¡Méko xama enxoho israelitas aphawo s'e! —¡Megkatnégwomek sa' néxa apteme wesse' apwányam! —axta aptáhak apkelátegmowágko israelitas.

Sofonías 3:14

¡Kólmeneykmés kélheykha nak tegma apwányam Sión! ¡Kólwónches ekpayheykekxa kélwáxok, énxet'ák Israel! ¡Énxet'ák Jerusalén, kalpayhekxa kélwáxok, kalpayhekxoho agko' kélwáxok!

Salmos 42:1

Dios ahagkok, temék ko'óxa sétamso exchep ma'a ektémól'a xenaq hem eyaqhe étamsól'a wátsam.