Salmos 44:3 - Biblia Enxet

³ Háwe axta apmék, tén han sókwenaqte élmallahanchesso m'a ẽlyapmeyk; háwe axta apma xapop ma'a. ¡Xeyep apmopwána axta keñamak tén han apyennaqte! ¡Xeyep apha nepyeseksa axta keñamak, hakte apkelásekhayók axta!

Salmos 44:3 Referans Kwoze

Josué 24:12

Apqánet apkelwesse'e amorreos axta eyke megkólmenxenma kéxegke yetlo sókwenaqte tén han sawhéwa, élyegwakkassegkek axta eyke aqsa ko'o kélmonye'e kéxegke m'a, apkenyaheykegkek axta amonye' kélwayam ma'a.

Zacarías 4:6

Tén axta aptáha seyáneya s'e: “Keso Wesse' egegkok appeywa apcháphássesso m'a Zorobabel: ‘Nágyásenneykxa sẽlpextétamo, tén han apyennaqte, eyke m'a Espíritu ahagkok nak, axta aptáhak Wesse' egegkok ekha nak apyennaqte.

Salmos 77:15

Apmopwána axta keñamak apkelmeykekxo m'a énxet'ák apagkok, cham'a Jacob apketchek nak, tén han ma'a José.

Salmos 20:6

Ekya'ásegkók ko'o Wesse' egegkok egkések apmallanma m'a wesse' apwányam ektáha nak apkelyéseykha; ekya'ásegkók yátegmowagkok ma'a aphamakxa nak néten ekpagkanamaxche', ekya'ásegkók egkések ekxámokma apkelmalláneyak yetlo apmopwána.

Deuteronomio 10:15

Awanhók agko' axta eyke apmopmenyého Wesse' egegkok ma'a kélyapmeyk nano' axta kéxegke, apkelásekhayók axta nahan, tén axta natámen apkelyéseykencha'a nahan ma'a aptawán'ák neptámen nak, kéxegke m'a, nepyeseksa m'a apyókxoho pók aptémakxa nak énxet'ák, ekhawo negwet'a nak makham se'e negwánxa nak.

Éxodo 15:16

“Wesse' egegkok, ¡elyegwakkas!, ¡yána' yeygkok! ¡tásek exmakha aqsa ektémól'a kaxnagkok ma'a meteymog eñama xa apmopwána ekyennaqte nak, ekwokmoho sa' apkelyeyk'a m'a énxet'ák apagkok, cham'a énxet'ák apteme nak xeyep apagkok!

Salmos 42:11

¿Yaqsa katnehek ko'o kayaqhapwomhok ewáxok? ¿Yaqsa katnehek ko'o katneykha ewáxok? Élhaxanmeyk eyke aqsa m'a Dios, cham'a peya nak ko'o alenxanmohok sélpeykessamo. ¡Cha'a apteme ko'o Dios ahagkok ma'a, tén han Sewagkasso teyp!

Salmos 42:5

¿Yaqsa katnehek ko'o kayaqhapwomhok ewáxok? ¿Yaqsa katnehek ko'o katneykha ewáxok? Élhaxanmeyk eyke aqsa m'a Dios, cham'a peya nak ko'o alenxanmohok sélpeykessamo. ¡Cha'a apteme ko'o Dios ahagkok ma'a, tén han Sewagkasso teyp!

1 Samuel 12:22

Mekxáyhek sa' chá'a m'a Wesse' egegkok, eñama apkelmeyeykha apwesey; hakte apmenyeyk kéxegke etnehek énxet'ák apagkok.

Salmos 74:11

¿Yaqsa ektáha memako nak hempasmok? ¿Yaqsa ektáha peya henlanha aqsa?

Salmos 17:7

Hexekmós ko'o ektaqmalma m'a ektémakxa nak seyásekhayo, xép apkelwagkassamo nak chá'a teyp nepyeseksa apkelenmexma m'a apkelye'eykekxa nak chá'a yaqwayam kamyók ma'a apmopwána.

Salmos 4:6

Apxámok énxet apteme chá'a apkelpeywa s'e: “¿Yaqsa negko'o hegwetaksek ma'a ektaqmalma nak negheykha?” Wesse', ¡henlano negko'o yetlo ektaqmeleykha apwáxok!

Números 14:8

Taqmeláha sa' agkok apwáxok senlano m'a Wesse' egegkok, hempasmok sa' ólántexek ma'a xapop nak, hegmések sa' nahan. Apchókxa ényahamakxa weyke nagkeygmenek ma'a, tén han yányawhéna' apyegmenek, ektémól'a kanyehek ma'a yegmen.

Isaías 63:12

apkeltémo axta keytlawha apmopwána eyeymáxkoho m'a Moisés, apmeykáséykekxo axta neyseksa wátsam ekwányam apmonye'e m'a énxet'ák apagkok yaqwayam enxoho kólya'asagkohok chá'a ekyókxoho yókxexma, meyke néxa,

Salmos 80:16

Emasséssem yetlo aplo m'a ektáha nak chá'a apkelyaqténma, tén han ektáha nak chá'a apkelwatno;

Josué 3:10

Kólya'asagkohok sa' kéxegke apha kélnepyeseksa m'a Dios memassegwayam nak, peyk sa' agkok kólwomok kéxegke m'a yókxexma nak, Dios sa' emenxenchesek ma'a cananeos, tén han hititas, keñe han ma'a heveos, tén han ma'a ferezeos, tén han gergeseos, keñe han amorreos, tén han ma'a jebuseos.

2 Samuel 7:23

Keñe m'a Israel, énxet'ák apagkok nak xép, ¡méko pók énxet'ák aphawo keso náxop! Apkelwagkassegkek axta exchep teyp Dios, yaqwayam etnehek énxet'ák apagkok, payheykekxeyk axta exchep apwesey apkeláneya m'a aqsok magésso nak agè', tén han ma'a aqsok éltaqmalma nak. Apkelántekkessegkek axta chá'a exchep apmonye'e énxet'ák apagkok ma'a pók énxet'ák nak, tén han ma'a aqsok apkeláyókxa nak, cham'a apkelántekkesseykekxa axta m'a Egipto,

2 Crónicas 20:7

Dios egagkok, apkelántekkessegkek axta exchep nápaqta'awók énxet'ák apagkok Israel ma'a énxet'ák apheykencha'a axta s'e xapop nak, apméssegkek axta meyke néxa m'a Abraham aptawán'ák neptámen, apxegexma axta exchep.

Salmos 78:55

Apkelántekkessegkek axta nápaqta'awók Israel ma'a melya'áseyak nak Dios; apmelásektegkek axta xapop nepyeseksa m'a ektáhakxa nak chá'a énxet'ák apagkok, apkelheyáseykha axta han ma'a apheykegkaxa nak.

Salmos 80:9

Apchaxñássessegkek axta yaqweykenxa etnekxa', tén axta anmen yámet élatchesa kepmenák xapop, sawheykekxók axta apchókxa.

Salmos 111:6

Apxekmóssegkek énxet'ák apagkok ekyennaqte m'a aqsok apkelane, apméssama m'a xapop apagkok axta m'a pók énxet'ák nak.