Salmos 44:10 - Biblia Enxet

¹⁰ Apkeltamhók xép ónyahagkok apmonye'e m'a nélenmexma; ẽlmenyexchásegkek aqsok egagkok ma'a sẽltaqnagko nak, apkelsákxeyk ma'a apmakókxa enxoho chá'a elsakxa'.

Salmos 44:10 Referans Kwoze

Josué 7:8

¡Wesse' egegkok! ¡May'ásegkok ko'o yaqwánxa atnehek sekpeywa! Hakte apkenyahágkek kaxwók ma'a énxet'ák Israel eñama apmenxenma m'a katnaha apnámakkok.

Levítico 26:17

Alenmexekxak sa' ko'o kéxegke, emenxenek sa' kéxegke m'a kélenmexma nak; elmok sa' ma'a apkeltaqnagko nak chá'a, kólenyahagkok sa' aqsa, méko sa' eykhe kamenxenek.

Salmos 89:41

Elyeykhágwak chá'a énxet'ák ma'a, elmenyexek chá'a m'a apmakókxa enxoho chá'a elmenyexek; elesmaksek chá'a m'a apheykha nak nepyáwa'.

Josué 7:12

Cháxa keñamak ma'a énxet'ák nak Israel, mexók sa' elenmexek ma'a katnaha nak apnámakkok. Yenyahagkok sa' aqsa chá'a apmonye'e, hakte payhawók kaxwo' kólmasséssók ma'a énxet'ák Israel. Sa' agkok kólmasséssekmok kaxwók xa séltémo axta kéxegke kólmasséssók, maxek sa' chá'a makham kélnepyeseksa kéxegke.

Deuteronomio 28:25

tén han ekwokmoho apmenxena m'a kélenmexma nak. Tásek sa' katnehek kéleywékekxa kélxega peya enxoho kólenmexekxak ma'a, kólexpaqnek sa' eyke kólenyahagkok apmonye'e m'a, elyegweyk sa' nahan apyókxoho énxet'ák apheykha nak keso náxop apkelwet'a enxoho kéxegke.

Jeremías 20:8

Ekpaqmetchek agkok chá'a wánxa aqsa chá'a axének ma'a apkelyennaqteyáseykha nak chá'a apyempe'ék énxet'ák, tén han ma'a sẽlmassésseyam nak; megkayetyapwágweykmok sélya'ásseyam, tén han sésmésamaxche', hakte axének chá'a ko'o m'a appeywa.

Jeremías 15:13

Énxet'ák Israel, almések sa' ko'o kéxegke kélenmexma, ekyókxoho aqsok kélagkok tén han aqsok élmomnáwa kélagkok, tén han ma'a ekyókxoho aqsok ekhéyak nak kañe' xapop kélagkok, yaqwayam enxoho kólsakxak eñama m'a ekyókxoho kéltémakxa nak megkólya'assáxma.

Isaías 10:14

Élmeyk ko'o aqsok apagkok ekxámokma nak ma'a énxet'ák, ahagkok ektáhak ma'a ekyókxoho xapop, máxa m'a énxet apkellexchágwayam la'a náta axagkok elmok ma'a appok neyseksa megkótéyák, méko axta xama enxoho élyeykáseykha axempenák, méko axta xama enxoho ekmayheykha tén han ekpayheykha átog.”

Isaías 10:6

Eyáphássek ko'o ektamagkok ma'a apheykegkaxa nak énxet'ák megyáyo nak Dios, xama apheykegkaxa selókassamo nak chá'a ko'o, yaqwayam sa' elmenyexchesagkok tén han elyementamagkok ma'a aqsok apagkok ekxámokma élmomnáwa nak, yaqwayam sa' elteyammaha etnéssesek ma'a ektémól'a ólteyammaha yelpa' m'a ámay.

1 Samuel 4:17

—Apkenyahágkek apmonye'e israelitas ma'a filisteos —axta aptáhak apchátegmowágko m'a ektáha axta apseykekxésso amya'a—. Asagkek ektáhakxa aptekyawa énxet'ák, apkeletsekkek han ma'a apqánet apketchek nak, cham'a Hofní tén han Finees, apmeyk han filisteos ma'a Dios yántéseksek apagkok.

Levítico 26:14

“Sa' agkok kéxegke hélyahákxa', tén han megkóllana enxoho ekyókxoho m'a séltémókxa nak kóltéhek,

Números 14:42

Nágkólxeg aqsa, hakte metnahak apkelxegexma'a kéxegke m'a Wesse' egegkok. Emenxenek sa' kéxegke m'a kélenmexma nak.

Números 14:43

Apkelhaxneyk amalecitas ma'a kélmonye'e nak, tén han ma'a cananeos, yaqwayam elnapakpok kéxegke, tén han elnápok. Massék aptáha apkelxegexma'a kéxegke m'a Wesse' egegkok, eñama kélyamasma kéxegke.

Deuteronomio 31:17

Altaqnaweygkok sa' eyke ko'o xa énxet'ák nak, akxák sa'; megkeytnakhaksók sa' ewáxok xama enxoho, káhapwak sa' ekxámokma agko' ma'a aqsok ekmaso tén han ma'a nenlegeykegkoho nak, keñe sa' etnehek chá'a elpaqmésmakha s'e: ‘Hákho óllegagkohok se'e aqsok ekmaso nak, ñókxa ekmassa apha negyeseksa m'a Dios Wesse' egegkok.’

Salmos 60:12

Anlának sa' negko'o ekyawe agko' aqsok yetlo sempasmo m'a Dios; ¡elteyammaha sa' nélenmexma nak!

Salmos 89:39

Melanak ma'a aphéssamo axta mók apkelpaqhetchásamákpoho m'a apkeláneykha; apyenyókassek náxop ma'a apketchesso apqátek élyenma.

Salmos 89:43

Meyke ahamtek apteméssessók ma'a sókwenaqte apagkok, mepasmók han ma'a kempakhakma.