Salmos 42:9 - Biblia Enxet

⁹ Atnehek chá'a wának Dios, apteme nak semasma: “¿Yaqsa ektéma megkaxeyenma nak apwáxok ko'o? ¿Yaqsa katnehek ko'o kayaqhapmakha ewáxok, eñama setwáseykegkoho m'a sélenmexma nak?”

Salmos 42:9 Referans Kwoze

Salmos 38:6

Yókxoho ekhem ekyaqhápeykha ewáxok, sekháxaheykha, tén han sélapwayam.

Salmos 43:2

hakte xép apteme Dios ahagkok, tén han setaqmelchesso! ¿Yaqsa ektéma sétnakhassama nak ko'o? ¿Yaqsa katnehek ko'o kayaqhapmakha ewáxok, eñama setwáseykegkoho m'a sélenmexma nak?

Salmos 18:2

Xép apteme setaqmelchesso, sekyexánegweykekxexa', semallahanchesso, Dios ahagkok, semasma apyennaqte, seyáhakkásamáxche', sewagkasso teyp apmopwána, xép apteme sekyexanmomakxa netno' agko'.

Isaías 40:27

Israel, ¿yaqsa ektáha appaqméteyncha'a nak? Jacob, ¿yaqsa ektáha aptáha nak se'e? “Melányók ektémakxa sekha m'a Wesse' egegkok; mopmenyeyk hélanok ma'a Dios.”

Salmos 62:2

Wánxa apteme sewagkasso teyp ma'a, tén han setaqmelchesso. Meheltemessásekxeyk sa' kóneg, hakte cha'a apteme sekyexánegweykekxexa m'a.

Salmos 28:1

Wesse', apteme nak semasma, ekwóneyha ko'o exchep. ¡Heyátegmowák sa'! Sa' agkok heyátegmowágkok, axhok sa' ma'a énxet'ák apkeletsapma nak.

Isaías 49:15

¿Kalwagqámhoya chá'a étche xama kelán'a, ektáha nak chá'a étche agko'? ¿Kalwatéssamhoya nahan chá'a eyásekhayo? Kalwagqámak sa' eykhe chá'a m'a mehelwagqámhek sa' eyke ko'o exche'.

Eclesiastés 4:1

Élanawók axta ko'o énxet'ák ektémakxa apnaqtawáseykegkoho apnámakkok apheykha nak keso náxop. Ekwet'ak axta apkellekxagweyncha'a m'a énxet'ák kélnaqtawáseykegkoho nak, méko axta eyke élpeykessásekxo chá'a apkelwáxok; asagkók agko' axta chá'a apteméssesakxa m'a ektáha nak apnaqtawáseykegkoho, méko axta eyke élpeykessásekxo apkelwáxok.

Salmos 88:9

Máxa meyke ahaqta'ák ektemék eñama sélekxagweykha. Wesse', yókxoho ekhem ko'o exchep sekwóneykha, xép chá'a élya'ássessók néten emék.

Salmos 78:35

kaxénwakxohok axta han chá'a apkelwáxok apkelmasma m'a Dios Meyke nak Ekhémo, tén han apkelwagkassama teyp.

Salmos 77:9

¿Kelwagqakmeya Dios ma'a ektémakxa nak chá'a ektaqmeleykha apwáxok henlano'? ¿Aplo enxeykel'a keñamak ekmassa apmáheyo kapyóshok henlano'?

Salmos 13:1

Wesse', ¿háxko sa' ekwánxa kammok megkaxeyenma apwáxok ko'o? ¿Kamaskohok agko' ya sa' ekxeyenma apwáxok ko'o? ¿Háxko sa' ekwánxa katnégwók néxa séxánegkesso ko'o?

Salmos 92:3

yetlo nélpáwasso yát'axpog, tén han ekmátsa nempáwasso m'a arpa.