Salmos 42:4 - Biblia Enxet

⁴ Xénwákxók agkok chá'a ko'o ewáxok xa aqsok nak, mamágwakxeyk chá'a kalekxagwaha ewáxok. Kaxénwakxohok chá'a ewáxok sélyetlama chá'a énxet'ák, seknaqleykekxo axta chá'a Dios tegma appagkanamap apagkok, yetlo nélwehéseykha élpayheykekxa egwáxok, tén han negmésso ekxeyenma egwáxok Dios. ¡Awanhek axta chá'a katnehek élpayheykekxa egwáxok!

Salmos 42:4 Referans Kwoze

Isaías 30:29

Keñe sa' kéxegke, kólmeneykmaksek, ektémól'a kalanaxchek kélessawássessamo ektaqmalma axta'a; kalpayhekxak sa' kélwáxok, máxa sa' kóltéhek ma'a aptémól'a énxet apkelpáwassól'a yámámok neyseksa apkelxega elmahagkok ma'a Wesse' egegkok egkexe apagkok, apkelyexanmomakxa nak ma'a énxet'ák Israel.

Salmos 122:1

¡Kapayhekxa nak la'a chá'a ko'o ewáxok kéltáha enxoho hélának se'e: “Ólmeyekxak Wesse' egegkok tegma appagkanamap apagkok!”

Salmos 62:8

¡Énxet'ák ahagkok, nágkólya'ássem chá'a Dios! ¡Kóltennés chá'a ekyókxoho ektáhakxa kélwáxok! ¡Dios apteme negko'o segmasma!

Nahúm 1:15

¡Kóllano! ¡Apxegakmek apseykha nak amya'a meyke ektáhakxa egwáxok ma'a néten nak egkexe! Énxet'ák Judá, kóllána kélessawassamo; kóllána m'a kélxeyenma axta chá'a kóllána'. Wánxa sa' kaxwók apkelántaxno xapop kélagkok ma'a énxet'ák élmasagcha'a nak apkeltémakxa; hakte apmassegwokmek apyókxoho m'a.

Salmos 100:4

Kólántaxnegwata átog apagkok yetlo kélmeneykmasso kélpeykessamo, kólántaxnegwata apwáxok tegma appagkanamap apagkok, yetlo kélmésso ekxeyenma kélwáxok. ¡Kólmés ekpayheykekxa kélwáxok, kólxénmakha ektaqmalma m'a apwesey!

Salmos 55:14

sektémo nak chá'a sekxegexma m'a Dios tegma appagkanamap apagkok, yaqwayam ólpaqhetchesaxkohok yetlo éltaqmeleykha egwáxok, sektéma nak chá'a sekxegexma ólweynchamha nepyeseksa énxet'ák apxámokma!

Lamentaciones 2:19

Kaxnekxa néten, kalpáxamha axta'a, nágkalwátessem élpáxameykha; kaltennés ekyókxoho nápaqtók Wesse' egegkok ma'a ektémakxa nak, koho aqsa kaxog ektémól'a yegmen; kalya'ásses néten apmék yetlo ekwóneykha, kalmaxnésses yaqwayam elwetak apkelyennaqte m'a sakcha'a agkok, apkeletsapa nak ámay eñama meyke aptéyak.

2 Crónicas 7:10

Keñe axta ekhem veintitrés aptáha axta siete pelten, apkelaphássek axta wesse' apwányam ma'a énxet'ák, eltaqhekxak apxanák yetlo élpayheykekxa apkelwáxok, tén han éltaqmeleykha apkelwáxok eñama m'a ektaqmalma axta apteméssessamakxa Wesse' egegkok ma'a David, tén han Salomón tén han ma'a énxet'ák apagkok Israel.

Rut 1:21

Xámok axta ko'o aqsok ahagkok sekteyapma s'e, keñe kaxwók sekwa'akto meyke aqsok ahagkok, hakte chá'a apkeltémo ko'o hetnehek ma'a Wesse' egegkok. ¿Yaqsa ektáha séltáha nak ko'o Noemí? Etaqnawágweykmek ko'o kaxwók ma'a Dios ekha nak apyennaqte, egkéssegkek ekyaqhápeykha ewáxok.

Deuteronomio 16:11

Kóllának sa' kélessawassamo nápaqtók Dios Wesse' kélagkok ma'a apkelyéságkaxa sa' ekyetnamakxa m'a apwesey, yetlo m'a kélketchek tén han ma'a kélásenneykha naqsa nak, tén han yetlo m'a levitas, tén han ma'a énxet'ák apkeleñama nak mók apkelókxa, tén han ma'a élyeheykha nak tén han ma'a xentampe'e ekheykha nak ma'a kañe' kélheykegkaxa.

Lamentaciones 4:1

¡Peysamákxeyk ma'a sawo ekyátekto ekmomnáwa nak! ¡Massegwokmek élyenma m'a sawo ekyátekto ekmomnáwa agko' nak! ¡Kexpaqneykha ekyókxoho máséyak ámay ma'a meteymog apagkok nak ma'a tegma appagkanamap!

2 Reyes 18:30

Apkeltamhók sa' agkok kóltéhek kéláyo Wesse' egegkok ma'a Ezequías, aptáha enxoho elának se'e: ‘Naqsók sa' hẽlwagkasek teyp ma'a Wesse' egegkok; megkéshek sa' yaqwayam emok wesse' apwányam Asiria s'e tegma apwányam nak’,

2 Reyes 18:32

Keñe sa' enaqlakxak ma'a xama apchókxa ekhémo nak ma'a kélókxa nak kéxegke, xama apchókxa apkemhakxa nak ma'a hótáhap tén han ma'a anmen yámet, yaqwayam sa' kóllanagkok ma'a kelpasmaga tén han vino, ekyetnamakxa nak han pexmok égmenek agkok ma'a olivo yámet, tén han ma'a yányawhéna'. Keñe sa' tásek katnehek kélheykha megkóletsepek sa'. Eyke nágkólyahakxoho m'a Ezequías, hakte apkelyexancháseyha apkeltennasa peya elwagkasek teyp ma'a Wesse' kélagkok.

Salmos 79:10

Nágyoho etnehek apkelpeywa m'a pók énxet'ák nak: “¿Háxko aphakxa Dios apagkok?” ¡Hégho negko'o anlanha aphéssessamo mók apkeletsapma m'a apkeláneykha! ¡Keñe sa' elya'asagkohok han ma'a melpeykessamo nak chá'a exchep!

Salmos 80:6

Apkeltémók chá'a exchep hegya'ássók ma'a apheykha nak neyáwa negókxa', ẽlasméssegkek chá'a m'a sẽlenmexma nak.

Salmos 102:10

eñama exchep aplo, tén han setaqnagko, ey'assegkek néten yaqwayam heyenyók.

Salmos 115:2

Yaqsa ektéma aptéma nak chá'a sẽlmaxneyeykencha'a pók énxet'ák se'e: ¿Háxko aphakxa Dios kélagkok?

Salmos 122:8

Sa' atnehek ko'o alának kaxwók élyáxeg'a, tén han énámakkok se'e: “Keytek sa' meyke ektáhakxa kélheykha kéxegke.

Ezequiel 46:10

Yetlo énxet nahan chá'a payhawók etxohok xamók ma'a wesse' apkeláneykha nak chá'a apchókxa, tén etyaphok nahan chá'a xamók ma'a.

Joel 2:17

Kóllekxagwaha apkelmaxnéssesso énxet'ák ahagkok, apkeltamheykha nak chá'a sekhakxa ko'o sektáha nak Wesse', kólteme kólpaqmétek émha amonye' apwáxok nak tegma appagkanamap, tén han élwatnamáxchexa nak aqsok se'e: “Wesse', elásekhekxoho énxet'ák apagkok; nágyoho aqsa ey'ássók xama énxet enxoho m'a énxet'ák apagkok; nágyoho enaqtawasagkohok ma'a pók énxet'ák nak, nágyoho etnehek énxet melya'áseyak nak xép se'e: ¿Háxko aphakxa Dios apagkok?”