Salmos 4:6 - Biblia Enxet

⁶ Apxámok énxet apteme chá'a apkelpeywa s'e: “¿Yaqsa negko'o hegwetaksek ma'a ektaqmalma nak negheykha?” Wesse', ¡henlano negko'o yetlo ektaqmeleykha apwáxok!

Salmos 4:6 Referans Kwoze

Salmos 80:19

Oh Wesse', Dios ekha nak apyennaqte, ¡hentemessásekxa makham negko'o m'a ektémakxa axta negheykha nano'! ¡Kataqmalmakha apwáxok henlano', keñe sa' ólwomok teyp!

Números 6:26

Kataqmalmakha sa' apwáxok elanok xép Wesse' egegkok yetlo apchásekhayo; egkések sa' meyke ektáhakxa apwáxok.’

Salmos 119:135

Kataqmalmakha apwáxok hélanok ko'o, sektáha nak apkeláneykha, hélxekmós segánamakxa apagkok.

Salmos 80:7

Dios, ekha nak apyennaqte, ¡hentemessásekxa makham negko'o m'a ektémakxa axta negheykha nano'! ¡Kataqmalmakha apwáxok henlano', keñe sa' ólwomok teyp!

Salmos 89:15

Oh Wesse', apkeleñémo énxet'ák apkelmopwancha'a nak chá'a elpeykeshok yetlo élpayheykekxa apkelwáxok, tén han apkelxega nak chá'a éltátchessamakxa nak xép élseyéxma apagkok,

Salmos 67:1

Hẽláhapmakha sa' negko'o Wesse' egegkok, hempasmok sa' nahan, kataqmalmakha sa' apwáxok henlano',

Salmos 44:3

Háwe axta apmék, tén han sókwenaqte élmallahanchesso m'a ẽlyapmeyk; háwe axta apma xapop ma'a. ¡Xeyep apmopwána axta keñamak tén han apyennaqte! ¡Xeyep apha nepyeseksa axta keñamak, hakte apkelásekhayók axta!

Salmos 39:6

¡Apyókxoho énxet apteme aphémo pessesse ekmallanel'a! Kaqhok exámasagkok aqsok apagkok, hakte mey'asagkehek yaqsa sa' kalmekxak ma'a aqsok nak.

Salmos 21:6

Megkamassegwomek sa' apteméssesso apkeleñémo; kapayhekxohok agko' sa' chá'a apwáxok ma'a apha enxoho xamo' xép.

Isaías 55:2

¿Yaqsa ektéma kélyánmagkassama nak chá'a selyaqye m'a megkatnaha nak chá'a kélto? ¿Yaqsa ektéma kélméssama nak chá'a kélxawe ekyánmaga kéltamheykha m'a aqsok mehegyaqkánegkesso nak chá'a? Kóltaqmelchesho kélháxenmo sekpeywa keñe sa' kóltawagkok ma'a nento éltaqmalma nak, kóltawagkok sa' ma'a aqsok élmátsa nak.

Salmos 42:5

¿Yaqsa katnehek ko'o kayaqhapwomhok ewáxok? ¿Yaqsa katnehek ko'o katneykha ewáxok? Élhaxanmeyk eyke aqsa m'a Dios, cham'a peya nak ko'o alenxanmohok sélpeykessamo. ¡Cha'a apteme ko'o Dios ahagkok ma'a, tén han Sewagkasso teyp!

Deuteronomio 33:19

Elwónmakha sa' pók aptémakxa énxet'ák ma'a egkexe nak, sa' elmések kélnaqtósso ektekyawa ekpayhawo nak chá'a kólmések ma'a; étak sa' aqsok ekxámokma éleñama nak wátsam ekwányam, tén han ma'a aqsok élmomnáwa élpowásamáxche nak ma'a neyáwa'.”

Malaquías 3:3

Exek sa' Wesse' egegkok eláxñásekxak ma'a apkelmaxnéssesso nak énxet'ák apagkok, cham'a Leví aptawán'ák neptámen nak, ektémól'a énxet eláxñásekxak sawo ekmope élmomnáwa, tén han sawo ekyátekto élmomnáwa enegkenek nátex. Keñe sa' natámen apwanchek elsakxések apkelmésso naqsa aqsok ma'a Wesse' egegkok, ekpayhawo nak chá'a etnahagkok.