Salmos 4:4 - Biblia Enxet

⁴ ¡Kóláwho sa', kólwátésák kélláneyak megkólya'assáxma! Kólhák kaxwo', meyke kélpaqméteykha, kólxénekxa kélagko' ma'a ektémakxa nak élchetamso kélwáxok;

Salmos 4:4 Referans Kwoze

Salmos 77:6

kaxének chá'a ewáxok nélmeneykmassama axta chá'a axta'a. Katnehek chá'a kalchetamha ewáxok se'e, keñe atnehek chá'a almaxneyha:

Proverbios 3:7

Ná exénmakha apteme apmopwána apagko' aqsok; etne apcháyo Wesse' egegkok, étnakhés ma'a aqsok ekmaso.

Salmos 63:6

Ekyetneyk agkok chá'a axta'a, kaxének chá'a ewáxok xép;

Salmos 46:10

“¡Kólwatés kélnápomáxche'! Kólya'asagkoho sektáha ko'o Dios! ¡Ko'o sekteme néten agko' nepyeseksa m'a pók aptémakxa énxet'ák! ¡Ko'o sekteme néten agko' ekyókxoho keso náxop!”

Salmos 33:8

Kólteme kéláyo Wesse' egegkok kélyókxoho kélheykha nak keso náxop, ¡tén han kélyókxoho kélheykha nak keso nélwanmeygkaxa!

Job 28:28

Keñe axta Dios aptáha apkeláneya énxet'ák: “Nágkólyensem chá'a kélyetleykha Wesse' egegkok: cháxa negya'áseykegkoho aqsok xa; negyamasma aqsok ekmaso: cháxa ekha negmowána aqsok xa.”

Proverbios 16:6

Kólmasseksohok chá'a nentémakxa magya'assáxma m'a negásekha'awo enxoho Wesse' egegkok yetlo magyenyaweykha; nentemék agkok negáyo Wesse' egegkok, cháxa negyenyékxo aqsok ekmaso xa.

Habacuc 2:20

Apheyk Wesse' egegkok ma'a tegma aptaqmalma appagkanamap apagkok: ¡Kólwanmeyák nápaqto' kélyókxoho kélheykha nak ekyókxoho keso náxop!

Proverbios 16:17

Negyamasma aqsok ekmaso apkeltémakxa nak ma'a énxet'ák élpéwomo nak apkeltémakxa; nenláneykegkoho nentémakxa', cháxa negmasma negyennaqte xa.

Salmos 119:161

Énmexeykha chá'a ko'o meykexho sektáhakxa m'a énxet'ák apkelwesse'e nak, cháyók eyke ko'o ewáxok ma'a appeywa nak.

Salmos 3:4

Magweyságkohok ko'o sekwóneyncha'a Wesse' egegkok séltamho hepasmok, tén seyátegmowágko m'a ekpayhókxa nak egkexe apagkok ektaqmalma.

Salmos 2:11

Kólpeykesho Wesse' egegkok, yetlo élpayheykekxa kélwáxok, tén han yetlo kéláyo, kóltekxeyák kéltapnák apmonye', yetlo kélpexyennama kélaye, elwok katnehek, tén kéxegke kóletsapok ma'a ámay, hakte ñohok chá'a katyapok ma'a aplo nak. ¡Apkeleñémo énxet'ák apkelyexánegweykekxa nak chá'a ektémakxa sentaqmelchesso Wesse' egegkok!

Jeremías 5:22

Ektáhak ko'o s'e, sektáha nak Wesse': ¿Yahélayék ko'o kéxegke? ¿Yagkólpexyennamák emonye' ko'o? Ekpekkenmeyk axta ko'o yagkamex néxa m'a wátsam ekwányam, néxa, megkamowána kayeykhak ma'a wátsam ekwányam. Kalnextog eykhe kayéhek ma'a élyaqyahayam agkok megkamallánek eyke kapáwak eykhe han awáxok, megkayeykhék eyke.

Salmos 3:2

¡apxámok apagko' énxet'ák apteme nak chá'a ko'o sexeyenma s'e: “Mewagkasek teyp Dios!”

Salmos 17:6

Dios ahagkok, élmaxnakkek ko'o exchep, hakte heyátegmowagkok chá'a; heyeyxho, yeyxho sekpeywa.