Salmos 39:9 - Biblia Enxet

⁹ “Ekwanmagkamchek aqsa ko'o, mapaqmeyesmak, hakte xép axta setnéssesso xa ektáha nak.

Salmos 39:9 Referans Kwoze

Job 2:10

Apchátegmowágkek axta aptáwa' m'a Job: —¡Máxa kelán'a ekyeyháxma táhak ekpaqmeta! Ólmok chá'a negko'o m'a aqsok éltaqmalma sẽlmésso nak chá'a m'a Dios, mogwanchek han antaqheksohok ma'a aqsok ekmaso nak séghé. Méko axta xama enxoho appeywa élánésso mey'assáxma Job, neyseksa ekteme xa ekyókxoho nak.

2 Samuel 16:10

Apchátegmowágkek axta wesse' apwányam: —Seruiá étchek, háwe kéxegke ekpayhémo xa. Eyemneyha ko'o m'a, Wesse' egegkok kexa apkeltémo. Temék agkok ma'a, ¡méko awanchek kanókasha!

Job 1:21

Aptáhak axta s'e: —Méko axta xama aqsok sekseykha sekwaya s'e nélwanmeygkaxa', méko sa' han xama aqsok asakxak ataqhoho'. Wesse' egegkok axta sélmésso ekyókxoho, keñe sélyementamákxo makham; ¡eyeymáxkoho sa' kólteméssesek apwesey Wesse' egegkok!

Daniel 4:35

Mékoho apancha'awók nápaqtók ma'a apyókxoho énxet'ák nak keso náxop. Elának chá'a apmakókxa enxoho chá'a elána', cham'a aqsok ekhéyak nak néten tén han keso náxop. Méko awanchek kanmexekxak apmopwána, tén han katnehek kának se'e: ¿Yaqsa ektáha aptáha nak xa ektáha nak?”

Salmos 38:13

Máxa meyke eheyk'ák akke ko'o ektemék, máxa mañeya ektemék; mapaqmeyesmak han, máxa ektemék ma'a meyke sekpeywal'a.

1 Samuel 3:18

Apkeltennáseyha axta Samuel ekyókxoho m'a aptáhakxa axta apcháneya, meyke appósso xama enxoho, keñe axta Elí aptáha s'e: —¡Wesse' egegkok ma'a! ¡Tásek elának ma'a apmakókxa enxoho elána'!

Levítico 10:3

Keñe axta Moisés aptáha apcháneya Aarón se'e: —Cháxa apmáheyo axta exének Wesse' egegkok aptéma axta appeywa s'e: ‘Énxet sépetchegwayo enxoho ko'o, axekmósek sa' sekteme sekpagkanamaxche ahagko', hélteméssesek sa' ko'o seyeymáxkoho nápaqta'awók apyókxoho israelitas.’ Apwanmakkek axta eyke aqsa Aarón.