Salmos 39:5 - Biblia Enxet

⁵ Yaqwátawók ko'o exchep segkésso sekha, yaqwátawók ko'o sekyennaqte nápaqto' xép. ¡Apyókxoho énxet apteme máxa éxchahayam ekmassegweykmohol'a aqsa!

Salmos 39:5 Referans Kwoze

Salmos 144:4

Aphawók xama nentekkesól'a nennama m'a énxet; yahamok kamaskok apyennaqte ektémól'a pessesse kamallánek,

Salmos 89:47

Wesse', kaxén apwáxok ko'o yaqwátawók sekha; yaqwátawók apha m'a énxet ektáha axta exchep apkelane.

Salmos 62:9

Aphawók énxet ma'a xama negwátekhapma ekmanyehel'a kamaskok, cham'a énxet meyke nak aqsok apagkok, tén han ma'a ekxámokma nak aqsok apagkok; kélyetsátegkek agkok xama kelyetsáteyák xa apyókxoho nak, exhok pók apkelexyawe.

Eclesiastés 2:11

Kelchetagkassegkek axta ewáxok xa aqsok sélane ahagko' nak, cham'a sektamheykha sekwasqápeykekxoho axta sélane, keñe nak sekyekpelchágweykmo ektáha han aqsok eyaqhémo agwetak xa, máxa m'a negmáheyól'a agmagkok éxchahayam, méko aqsok hentekkessesek keso náxop.

Salmos 39:11

Elánekxések chá'a exchep apkeltémakxa énxet'ák, ellegássesagkohok eñama apkeltémakxa melya'assáxma, xapop chá'a etnessásekxak ma'a aqsok negásekhayo egagko' nak chá'a. ¡Apyókxoho énxet apteme máxa éxchahayam!

Job 7:6

Chágketwokmek néxa sekha, méko kaxwók aleyxek, yahamok agko' ekxega máxa m'a yámet ekmanyehel'a kélatcháseyak kélótma.

Isaías 40:17

Mékoho apancha'awók nápaqtók Dios ma'a apyókxoho pók aptémakxa nak chá'a énxet'ák; apkelyelqákpók elano'.

Génesis 47:9

Aptáhak axta apchátegmowágko Jacob se'e: —Ciento treinta apyeyam ahagkok ko'o entáhak sekweynchámeykegkaxa'. Apqántawók apyeyam ahagkok sekweynchámeykha, yókxoho apyeyam sekwete ekmaso sekha, mathanyeykekxak ma'a ekweykenxa axta apheykha élyapmeyk nano'.

2 Samuel 19:34

Keñe axta Barzilai aptáha apchátegmowágko: —Megkawegqók eyke ko'o kaxwók sekha, mowanchek amhagkok xamo' xép ma'a Jerusalén,

Salmos 90:12

Hegya'assásegwom negko'o ekyaqwátawo negheykha, yaqwayam sa' negko'o antéhek negya'áseykegkoho aqsok.