9 Kóláwho chá'a Wesse' egegkok, kélpagkanchásamáxche nak chá'a m'a, hakte méko sa' katnehek eyéméxchexa m'a énxet apteme nak chá'a apcháyo.
Wesse' egegkok ko'o apteme séláneykha, méko aqsok eyeyméxchexa.
Kólásekhoho chá'a Wesse' egegkok, kélyókxoho megkólyenseyam nak chá'a kélyetleykha. Eltaqmelchesek chá'a Wesse' egegkok ma'a melya'ásseyam nak chá'a ekmámnaqsoho, eyeykhássamhok eyke chá'a apkellegassáseykegkoho m'a éleymáxkoho nak apkelwáxok.
Yeykpohok chá'a Dios nepyeseksa m'a apkelásenneykha apheykha nak néten, apwányam apagko' nepyeseksa m'a apheykha nak nepyáwa'.
Aptáhak axta Dios apchásenneykha apcháneya s'e: —Ná etnéssessamho aqsa exma ekmaso apketche, ekya'ásegkók eyke kaxwók apcháyo exchep ma'a Dios, memyágweykxak peya hegkések apketche xama apagko'.
Keñe sa' natámen xa, elchexyók ma'a israelitas, elchetmok sa' Dios Wesse' apagkok, tén han ma'a David apteme nak wesse' apwányam apagkok, elyo'ótak sa' yetlo apkeláyo Wesse' egegkok amonye' ektemegwánxa néxa', tén han etegyagkok aqsok éltaqmela yaqwayam nak elmések.
Kéxegke kéláyo nak Wesse' egegkok, ¡kólpeykesho! ¡Kóltemésses apcheymákpoho kélyókxoho kéxegke kélteme nak Jacob aptawán'ák neptámen! ¡kóltemésses apwányam kélyókxoho kéltáha nak Israel aptawán'ák neptámen!