Salmos 34:2 - Biblia Enxet

² Awanhek ko'o eyaqheykha ewáxok Wesse' egegkok eñama m'a aqsok apkelane; ¡kóleyxho, énxet'ák apkelmopyósa nak, kalpayhekxa kélwáxok!

Salmos 34:2 Referans Kwoze

Jeremías 9:24

Apmakók agkok keyxkohok appeywa exénakpekxohok xama énxet, kéméxcheyk keyxkohok appeywa hexének ko'o sey'áseyak, sey'ásegkoho sektáha ko'o, Wesse', séláneyól'a chá'a aqsok keso náxop yetlo seyásekhayo, tén han ektaqmalma, tén han ekpéwomo, hakte cháxa ekleklamo nak chá'a ko'o ewáxok xa. Ko'o sekxeyenma xa, sektáha nak Wesse'.”

Salmos 119:74

Kalpayhekxak sa' apkelwáxok sét'a enxoho m'a apcháyo nak chá'a exchep, hakte may'ásseykmok ko'o m'a appeywa nak xép.

Salmos 44:8

¡Oh Dios, kaqheykha sa' chá'a negko'o egwáxok xép, ólpeykeshok sa' chá'a apwesey!

Isaías 45:25

Ko'o sa' kañék elmallánek apyókxoho m'a énxet'ák Israel, kaqheykha sa' apkelwáxok hélanok ko'o.”

Salmos 105:3

Kaqheykha kélwáxok ma'a apwesey ekpagkanamaxche nak. ¡Kalpayhekxoho kélwáxok kéxegke, kélchetamso nak chá'a Wesse' egegkok!

Salmos 142:7

Hemallahanches ko'o seklegeykegkoho, yaqwayam enxoho ko'o alpeykeshok xép. Hewakhegwaták sa' ko'o m'a meyke nak apkeltémakxa', ektaqmela sa' setnéssesakxa exchep.

Job 1:21

Aptáhak axta s'e: —Méko axta xama aqsok sekseykha sekwaya s'e nélwanmeygkaxa', méko sa' han xama aqsok asakxak ataqhoho'. Wesse' egegkok axta sélmésso ekyókxoho, keñe sélyementamákxo makham; ¡eyeymáxkoho sa' kólteméssesek apwesey Wesse' egegkok!