Salmos 32:6 - Biblia Enxet

⁶ Cháxa keñamak peya nak chá'a ewónmakha exchep ekwa'a enxoho chá'a ekmaso apheykha m'a melyenyaweykha nak chá'a exchep, katyapok sa' eykhe m'a yegmen ekmattawóneg nak, megkammók sa' eyke m'a apheykegkaxa nak.

Salmos 32:6 Referans Kwoze

Isaías 55:6

“Kólchetam Wesse' egegkok kélewagkexa nak makham kólwetekxa', kólwónmakha apha nak makham keto'.

Isaías 43:2

Peyk sa' agkok eyeykhekxak neyseksa yegmen, ko'o sa' atnehek sekxegexma, peyk sa' agkok eyeykhekxak neyseksa wátsam, meweywagkek sa'; peyk sa' agkok exog neyseksa táxa, memyetek sa', megkawatnek sa' xép ma'a táxa eyáléwe nak.

Proverbios 1:28

“Hélwónmakha sa' eykhe xa ekhem nak, magwátegmowagkehek sa' eyke ko'o; hélchetmok sa' eykhe, mehelwetekxeyk sa' eyke;

Salmos 4:3

Kólya'asagkoho sa' kéxegke, wánxa aqsa apmenyeyk Wesse' egegkok ma'a énxet apteme nak chá'a meyenyaweykha; kólya'asagkoho sa' kéxegke, heyeyxhok chá'a ko'o Wesse' egegkok ma'a sekwóneyncha'a enxoho chá'a.

Salmos 144:7

Ey'ásenta apmek neyseksa apha m'a néten, hewagkas teyp neyseksa wátsam ekwányam; nágyoho ko'o hemok ma'a pók énxet'ák nak,

Salmos 42:7

Anleghok ekpáwà awáxok ekyennaqte élpexyaweykenta yegmen ényé m'a xapop ekweyweykenta apagkok nak; eyapmeyk ko'o m'a yegmen ényé ekyennaqte apcháphasso nak xép.

Salmos 40:3

Epekkenchessek axta ahátog negmeneykmasso axnagkok, negmeneykmasso nélpeykessamo nak Dios egagkok. Yeyk sa' apxámokma énxet apkelwet'a enxoho, keñe sa' etnehek melya'ásseyam Wesse' egegkok.

Isaías 49:8

Aptáhak Wesse' egegkok se'e: “Wokmek yaqwánxa axekmósek seyásekhayo, eyátegmowágkokxeyk nahan; wokmek ekhem nélwagkásamáxchexa teyp, ekpasmeyk nahan. Ektaqmelchessegkek ko'o exchep yaqwayam sa' elánekxak makham ekhémo mók sélpaqhetchásamáxkoho m'a énxet'ák, yaqwayam sa' elánekxak makham ma'a apchókxa, tén han etnehek apagkok ma'a xapop kélsawhomo axta aqsok ekhéyak ma'a kañe',

Salmos 91:7

mil sa' eletsapok ma'a ekpayho nak nepsagqalwa, keñe sa' diez mil ma'a ekpayho nak apkelya'assamakxa, keñe sa' xép méko katnehek.