Salmos 32:3 - Biblia Enxet

³ Kaxtemék axta maltennáseykekxoho Dios may'assáxma, kataqmelchesagkohok axta aqsa eymhowak, eñama sélekxagweykha yókxoho ekhem,

Salmos 32:3 Referans Kwoze

Salmos 38:8

Ekyelqamáxcheyk ahagko', meyke sekyennaqte temék; ¡legeykegkók ewáxok, eyápentegkessegkek ekmáske!

Salmos 38:3

Aplo keñamak eklegágkoho sekyókxa, méko ektaqmelakxa enxoho exchakkok, eñama may'assáxma

Lamentaciones 3:8

élpáxameykha axta eykhe séltémo hepasmok, axta eyke yaháxenmok sélmaxnagko;

Salmos 22:1

Dios ahagkok, ¿yaqsa ektáha seyenyawa nak?, ¿yaqsa ektáha mehey'aweykto nak hewagkasek teyp?, ¿yaqsa ektáha megyahaxnawo nak sélekxagweykha?

Oseas 7:14

Elpáxamha eykhe chá'a ekyennaqte neyseksa aphéyak néten apkelyetnamakxa', háwe eyke ekmámnaqsoho chá'a sewóneykha. Elyensasha chá'a apyempe'ék sélmaxneya enxoho chá'a hótáhap tén han vino, ¡énmexeykekxeyk ko'o m'a!

Proverbios 28:13

Asagkek katnehek apha m'a énxet appósso nak chá'a mey'assáxma; yásekhekxohok eyke chá'a Dios ma'a énxet apkeltennasso nak chá'a aptémakxa, tén han apyenyeykekxa nak chá'a.

Job 30:30

Ekpésyam tamheykekxak émpehek, meyesmeyk sekyókxa eñama ekmexanma émpehek.

Salmos 51:8

Hegkeyásekxa makham ekpayheykekxa agko' ewáxok, tén han ekmátsa, hepeykessásekxa makham ewáxok, neyseksa eykhe seyaqhakkassáseykha ewáxok tén han seháxésso.

Lamentaciones 3:4

Apkelyaqsáseykegkek axta émpehek, nekha'a étkók axta apteméssessók exchakkok;

Lamentaciones 1:3

Apkelmákpek ma'a énxet'ák Judá, kélnaqlákxeyk megkatnahakxa apkelókxa', apkellegágkók apagko', kélméssek ekyentaxno apkeltamheykha. Aphegkek nepyeseksa pók énxet'ák, méteyágweykmok kaxwók apkellókasso apyampe. Aptahañekxeyk han ma'a apyaqmasso axta, mey'assásegkok aptáhakxa'.

Isaías 59:11

Máxa méwa élyexwéweykha nentemék negko'o negyókxoho nélpáxameykencha'a, máxa yágwáx'ay apkelpáweykha nentemék nélápentegeykencha'a; nélhaxanmeyk eykhe m'a nélwagkásamáxche teyp, makke kaweyk; nélhaxanmeyk eykhe m'a sẽlmallahanchesso nak aqsok ekmaso, tayépe eyke ekyetnamakxa.

Isaías 51:20

Apkelyelqákpek ma'a étchek, máxa aptamhágkok ma'a popyet kelhanma ekmál'a, aphágkek ma'a ekyókxoho ámay awáxok, eñama ellegassáseykegkoho m'a Wesse' egegkok aplo, eñama appékessáseykekxa aqsok melaqhémo m'a Dios agkok nak.

Salmos 6:2

Wesse', yepyósho ko'o hélano', hakte ekyelqáxcheyk ko'o. Wesse', hegkeyásekxa sekyennaqte, kelpexyennegkek ko'o ekyókxoho émpehek.

Job 30:17

Weykmók élántaxno exchakkok ma'a ekmáske; megkayetyapwágweykmok señassáseykegkoho axta'a.

Job 3:24

Sélekxagweykha tamheykekxak ma'a sekto nak; seklegeykegkoho ekmáske tamheykekxak ma'a sekya nak.

2 Samuel 11:27

xama axta ekwokmo néxa' élapwayam, apkeltamhók axta kólyentawakxések ma'a David, apmeyk axta takha' m'a kañe' apxagkok apyawe nak, aptáwa' axta han aptáhak, wetássek axta han xama apketche apkenna. Axta eyke kalchak apwáxok Wesse' egegkok aptáhakxa m'a David.

Isaías 57:17

Énxet'ák Israel melya'assáxma axta eyke keñamak seklama ko'o yaqwatakxoho, éllegassáseykegkók axta ko'o m'a, éxakhamchek axta nahan; énmexeykekxeyk axta eyke ko'o m'a, apkelyeheykekxók axta m'a ektémakxa axta ekmámenyého apkelwáxok elanagkok.

1 Samuel 31:13

Tén axta apkelátawaña apexchakkok ma'a Jabés, kóneg axta m'a yámet ekyawe. Keñe axta natámen xa metókagko aptéyak ekweykmoho siete ekhem.

Proverbios 17:22

Pánaqte ektaqmela m'a ekmátsa nak egwáxok, hegyélaqtéshok eyke m'a ekyaqhápeykha egwáxok nak.