Salmos 32:10 - Biblia Enxet

¹⁰ Xámok sa' katnehek apkellegeykegkoho m'a élmasagcha'a nak apkeltémakxa, kápok sa' eyke Wesse' egegkok apchásekhayo m'a aptáha nak chá'a mey'ásseyam.

Salmos 32:10 Referans Kwoze

Proverbios 16:20

Tásek katnehek apha m'a énxet apkelyeheykekxoho nak chá'a kélxekmowáseyak; ¡apkeleñémo énxet apteme nak apcháyo Wesse' egegkok!

Proverbios 13:21

Megkayeykhók chá'a aqsok ekmaso m'a énxet'ák melya'assáxma nak; aqsok éltaqmela sa' eyke elxawak ma'a énxet'ák élpéwomo nak apkeltémakxa'.

Salmos 147:11

eyke kalkohok chá'a apwáxok ma'a ektáha nak chá'a apcháyo, melya'ásseyam nak chá'a ektémakxa segásekhayo.

Salmos 146:5

Apkeleñémo énxet appasmo nak chá'a m'a Jacob nak Dios apagkok, apkelhaxanma nak chá'a Wesse' Dios apagkok,

Salmos 34:8

Kólyepkeyn kólya'ásegwók Wesse' egegkok apteme ektaqmalma apwáxok. ¡Apkeleñémo énxet apye'eykekxa nak chá'a!

Salmos 5:12

hakte xép Wesse' egegkok, eltaqmelchesseshok chá'a apheykha m'a ektáha nak meyenyaweykha, eláhakkashok chá'a m'a apchásekhayo nak, ektémól'a negáhakkásamaxche'.

Salmos 84:12

Wesse', ekha nak apyennaqte, ¡apkeleñémo apcháyo nak chá'a exchep!

Salmos 16:4

cham'a apxámáseyak nak chá'a aqsok apcháyókxa, apkelyetleykekxa nak chá'a yetlo melyenseyam. ¡Mapasmekxeyk ko'o m'a apkelánéyak nak aqsok apkelnapma! ¡Maxének xama enxoho élwesey m'a aqsok apkeláyókxa!

Isaías 3:11

Énxet'ák élmasagcha'a apkeltémakxa sa' laye, asagkek sa' chá'a katnehek ma'a aqsok apkelánéyák, Dios sa' ellegássesagkohok ekhawo m'a ektémakxa nak aqsok apkelánéyák.

Eclesiastés 8:12

¡Cháxa ektémakxa nak chá'a m'a énxet apkelane nak aqsok ekmaso, cham'a apkelenxanmeykegkoho nak chá'a apkelane aqsok ekmaso, kawegqohok chá'a apha! (Ekya'áseykegkók eyke ko'o m'a énxet'ák apkeláyo nak chá'a Dios, tén han ma'a apkelyeheykekxoho nak chá'a, tásek héxta chá'a katnehek apheykha;

Salmos 140:11

Megkawegqók sa' apheykha náxop ma'a megkalyexnegwayam nak chá'a apkelpeywa; ekmaso apheykha sa' aqsa chá'a katnehek ma'a apkelyennaqteyáseykha nak chá'a apyempe'ék, ekwokmoho ekmasséssekmo.

Salmos 40:4

¡Apkeleñémo énxet apteme nak mey'ásseyam Wesse' egegkok, mepaxqeykha nak énxet'ák éleymáxkoho apkelwáxok, tén han melpeykessamo nak chá'a aqsok kéláyókxa élmowancha'a amya'a nak!

Isaías 57:21

Méko ektaqmalma apheykha m'a énxet'ák élmasagcha'a nak apkeltémakxa.” Dios apxeyenma xa.

Salmos 11:6

Yahak sa' Wesse' egegkok átex, táxa tén han aqsok eyáléwomól'a m'a énxet'ák élmaso nak apkeltémakxa, yahak sa' éxchahayam yaqwayam sa' kalwatnek ma'a apyókxoho nak. ¡Ellegássesagkohok sa' Wesse' egegkok ekpayhawo nak etnéssesek!