Salmos 30:3 - Biblia Enxet

³ xép Wesse', ewagkassek axta teyp keto' sétsapmakxa', egkeyásekxeyk axta sekyennaqte, emallahanchessek axta m'a nétsapmakxa nak.

Salmos 30:3 Referans Kwoze

Salmos 86:13

¡Awanhók agko' ko'o exchep seyásekhayo! ¡Megyahayók amhagkok ma'a apkelmaheykegkaxa nak apkeletsapma!

Salmos 28:1

Wesse', apteme nak semasma, ekwóneyha ko'o exchep. ¡Heyátegmowák sa'! Sa' agkok heyátegmowágkok, axhok sa' ma'a énxet'ák apkeletsapma nak.

Salmos 16:10

hakte megyohok sa' axnamok ma'a apkelmaheykegkaxa nak chá'a apkeletsapma, ¡megyohok sa' axnamok kañe' máxek ko'o sektáha nak xép apkeláneykha meyenyaweykha!

Salmos 116:8

emallahanchessek nahan nétsapma, tén han sélekxagweykha, tén han sélpelapmeykha.

Salmos 71:20

Xámok eykhe exchep segkésso aqsok ekmaso, tén han ekyentaxno sekha, hélenxánegkeshok sa' eyke makham sekha; megyohók sa' amhagkok ma'a apkelmaheykegkaxa nak apkeletsapma,

Salmos 56:13

hakte emallahanchessek ma'a nétsapma, megya'awok ayaqnenek héltemessásekxak kóneg, yaqwayam enxoho aweynchamha chá'a nápaqtók Dios, neyseksa élseyéxma segméssamo nak chá'a ekyennaqte egnények.

Job 33:28

ewagkassegkek teyp meltémo watsapok, ekweynchámeykha makham ma'a élsakókxa exma.”

Salmos 107:20

apcháphássessegkek axta appeywa, tén axta apkeltaqmelcháseykekxo; ¡apkelmallahanchessegkek axta nétsapmakxa!

Isaías 38:16

Elweynchamha sa' chá'a m'a apkelmasma nak chá'a Wesse' egegkok, apaxqaha sa' eyke nahan ko'óxa xa apyókxoho nak. Etaqmelchásekxeyk makham xép, egkeyásekxeyk makham sekyennaqte.