Salmos 30:2 - Biblia Enxet

² Dios Wesse' ahagkok, élmaxnakkek axta exchep séltamho hepasmok, tén setaqmelchessekmo han;

Salmos 30:2 Referans Kwoze

2 Reyes 20:5

“Etaqhoho eltennássekxa makham Ezequías, apkemha apmonye' nak énxet'ák ahagkok: ‘Aptáhak Wesse' egegkok se'e, cham'a Dios apagkok nak ma'a apyáp nano' David: Ekleg'ak ko'o exchep apkelmaxnagko, ekwet'ak nahan ma'a apaqtégmenek. Eynnaqtéssók sa' makham, wokmek sa' agkok ántánxo ekhem, keñe sa' emyekxak makham ma'a Wesse' egegkok tegma appagkanamap apagkok.

Salmos 6:2

Wesse', yepyósho ko'o hélano', hakte ekyelqáxcheyk ko'o. Wesse', hegkeyásekxa sekyennaqte, kelpexyennegkek ko'o ekyókxoho émpehek.

Salmos 147:3

Eltaqmelchessásekxak chá'a apkelwáxok ma'a élyentaxno nak apkelwáxok, elpextehetchesagkok han chá'a m'a apkelyense.

Éxodo 15:26

Aptáhak axta apkeláneya s'e: “Kélhaxnawók agkok chá'a kéxegke meyke kéltawásseyo kóleyxhok ma'a sektáhakxa enxoho chá'a séláneya, ko'o sektáha nak Wesse' Dios kélagkok, tén han kéllana enxoho chá'a m'a ekpeykeseykekxoho nak chá'a ko'o ewáxok, kélyahákxoho enxoho nahan chá'a m'a séltémókxa nak chá'a kóltéhek, tén han kéllana enxoho chá'a m'a segánamakxa ahagkok nak, magwáphaksek sa' ko'o xama enxoho m'a aqsok ekmaso nenlegeykegkoho, seyáphasa axta ko'o nepyeseksa m'a egipcios, hakte ko'o sekteme Wesse', ektáha nak chá'a apkelmeyáseykekxa kélyennaqte kéxegke.”

Salmos 88:13

Wesse'; ekwóneyha eyke ko'o exchep, axto'ók chá'a almaxnak xép.

Génesis 20:17

Apkelmaxnakkek axta Dios ma'a Abraham, keñe axta Dios apmeyásekxo makham apyennaqte m'a Abimélec tén han aptáwa'. Apkeltaqmelchessekmek axta han ma'a apkelásenneykha kelwán'ák, yaqwayam enxoho kalwetak étchek,

Salmos 51:8

Hegkeyásekxa makham ekpayheykekxa agko' ewáxok, tén han ekmátsa, hepeykessásekxa makham ewáxok, neyseksa eykhe seyaqhakkassáseykha ewáxok tén han seháxésso.

Salmos 118:18

Eñássáseykegkók ekyentaxno agko' Wesse' egegkok, makke yahayók watsapok.

Salmos 35:24

Wesse' Dios ahagkok, hetnésses ko'o ekhawo aptémakxa nak xép appéwomo. ¡Nágyoho wasmésaxche'!

Salmos 41:12

Ko'o eyke hepásem, eñama eyáxñeyo sektémakxa, hexnés chá'a m'a aphakxa nak.

Salmos 145:1

Dios ahagkok, Wesse' apwányam ahagkok, axének sa' chá'a exchep apteme apwányam, axénmakha sa' chá'a ektaqmela apwesey meyke néxa.