Salmos 30:1 - Biblia Enxet

¹ Wesse', ekteméssessek ko'o exchep apcheymákpoho, hakte emallahanchessek ko'o exchep aqsok ekmaso, megyahayók hésmaksek ma'a sélenmexma nak.

Salmos 30:1 Referans Kwoze

Salmos 25:2

Dios ahagkok, may'ásseykmok ko'o exchep: nágyoho ko'o amegqáwhok ahagko', nágyoho hésmaksek sélenmexma.

Salmos 35:19

Nágyoho kalpayhekxak apkelwáxok hélanok ma'a sélenmexma nak ko'o; nágyoho kalátsaha nápaqta'a hey'ássók ma'a setaqnagko nak chá'a meykexho sektáhakxa.

Daniel 4:37

“Élpeykessamók ko'o kaxwók ma'a Wesse' Apwányam apha nak néten, ko'o Nabucodonosor, eyáyók han, ekteméssessegkek han apcheymákpoho, hakte naqsók agko' ma'a ekyókxoho aqsok apkelane nak, péwók nahan, apwanchek etnessásekxak mékoho m'a apkenè nak chá'a etnahak ekha kéláyo.”

Salmos 140:8

Wesse', ná egkés aqsok apkelmopmenyého m'a élmasagcha'a nak apkeltémakxa; nágyoho katyapok ma'a aqsok apmáheyo elanagkok. Apkeleykpok ma'a apheykha nak neyáwa' sekhakxa; ¡yána kápekxak ma'a aptamhágkaxa nak apkelpeywa apkeltamho hetnégwomhok exma ekmaso ko'o!

Salmos 13:4

¡Yaqwayam sa' metnehek elpaqmétek sélenmexma nak: “Meheghawo'!” ¡Yaqwayam sa' megkalpayhekxeyk apkelwáxok setnégwokmoho enxoho exma ekmaso!

2 Samuel 5:11

Axta keñamak Hiram, wesse' apwányam nak Tiro, apkeláphassama apkeláneykha aphakxa David, tén han ma'a apkeláneyak nak yántéseksek, meteymog apkelpáxqatma, apkelsákxéssama axta m'a yámet cedro, keñe apkelánéssama apxagkok apyawe m'a David.

Lamentaciones 2:15

Eltekpogmakha chá'a apmék yesmaksek elwetak ma'a apkelyeykhágwayam nak chá'a; elmóheykha chá'a elyeykesha apqatkok ey'ássók, etnehek chá'a elxének ma'a Jerusalén ektaqmalma nak: “Keyaxa ekxénamaxko nak chá'a ektaqmalma agko' keso náxop, élpeykessáseykekxoho nak chá'a apkelwáxok énxet'ák”.

Salmos 145:1

Dios ahagkok, Wesse' apwányam ahagkok, axének sa' chá'a exchep apteme apwányam, axénmakha sa' chá'a ektaqmela apwesey meyke néxa.

Salmos 79:10

Nágyoho etnehek apkelpeywa m'a pók énxet'ák nak: “¿Háxko aphakxa Dios apagkok?” ¡Hégho negko'o anlanha aphéssessamo mók apkeletsapma m'a apkeláneykha! ¡Keñe sa' elya'asagkohok han ma'a melpeykessamo nak chá'a exchep!

Salmos 41:11

Sa' ay'ásegwók ko'o ekleklamo apwáxok ko'o exchep ektáha enxoho s'e: cham'a melessawásencha'a enxoho hetnessásekxak kóneg ma'a sélenmexma.

Salmos 28:9

Wesse', elwagkas teyp énxet'ák apagkok; elmésák éltaqmalma apheykha m'a ektáha nak xép apagkok. Eltaqmelches aptémól'a keláneykha nepkések; ¡elqeynmakha chá'a meyke néxa!

Salmos 27:6

Keñe sa' ko'o amallánek nepyeseksa m'a sélenmexma; keñe sa' ewanchek alnáhakkasek aqsok ma'a tegma appagkanamap nak, tén han awónchesha kapayhekxak ewáxok, tén han anneykmássesek negmeneykmasso m'a Wesse' egegkok.

1 Crónicas 21:6

Axta eyke kólnaqtáxésagkok apkelwesey m'a énxet'ák nak Leví tén han ma'a Benjamín nak énxet'ák apagkok, hakte axta kalchak apwáxok Joab apkeltamhókxa etnehek ma'a wesse' apwányam.

2 Samuel 24:25

apkelánessek axta Wesse' egegkok ekwatnamáxchexa aqsok ma'a, apkelméssek axta aqsok apkelwatno, keñe han aqsok ektekyawa segwetassamo nak sẽlásekheykekxoho. Tén axta apma takha' Wesse' egegkok kélmaxnagko m'a apchókxa nak, massék axta han negmasse m'a Israel.

2 Samuel 7:2

axta aptáhak apcháneya Natán, apteme axta Dios appeywa aplegasso: —Ekheyk ko'o kaxwók tegma apyawe apkelánamap nak yámet cedro, ekhawo ektáhakxa nak apwet'a, keñe Dios yántéseksek apagkok ekyetna kóneg apáwa kélpakxanma.

2 Samuel 6:20

Aptaqhákxeyk axta han apxagkok ma'a David yaqwayam elmaxnéssessekxak aqsok éltaqmela m'a apketchek; keñe axta Mical, Saúl axta apketche, élanyexakmo ekma takha', tén axta ektáha eyáneya s'e: —¡Taxnawo nak la'a aptáhakxa sakhem wesse' apwányam Israel, apxekmowásekpoho meyke apáwa naqta'awók ma'a apkeláneykha kelwán'ák nak apkeláneykha, máxa aptáhak ma'a énxet memegqaktól'a etnégwomhok exma'!

Deuteronomio 20:5

“Keñe sa' natámen elpaqhetchesek énxet'ák ma'a apkelámha apmonye'e nak sẽlpextétamo. Sa' etnehek se'e: ‘Yetneyk sa' agkok chá'a kélxama kéxegke kéllane kélxagkok aphaxnagkok, megkólhayam nak makham ma'a kañe', tásek sa' kólmeyekxak makham ma'a kélxagkok, hakte kóletsapwók katnehek neyseksa kempakhakma keñe pók énxet etnehek amonye' apxagkok ma'a kélxagkok.

Salmos 79:4

Ẽlya'ásseykmek chá'a negko'o m'a apheykha nak neyáwa negókxa; ẽlasméssegkek ma'a segwakhaya nak, ẽlxéneykha nahan chá'a ekmaso.

Salmos 66:17

Ekpaqmeyesmeyk axta ko'o sekwóneykencha'a, ekmeneykmássessegkek axta sélpeykessamo.

2 Samuel 20:3

Xama axta apwákxo David ma'a apxagkok apyawe, apyetnama nak Jerusalén, apnaqlákxeyk axta m'a diez kelán'ák apkelmeykha naqsa, apkeltémo axta kalánésha apxagkok apyawe, apkelhéssakxeyk axta kañe' tegma apkeltamho kóllanha. Axta han kélláneykha chá'a m'a, massegkek axta apkelpathetéyak, máxa tampe' axta tamheykegkok ekwokmoho életsapa.

1 Reyes 8:63

Veintidós mil weyke kelennay'awók axta apkelmeyásak Salomón ma'a Wesse' egegkok, keñe ciento veinte mil nepkések, yaqwayam etnéssesek aqsok ektekyawa segwetassamo nak sẽlásekheykekxoho. Cháxa ektáhakxa axta m'a wesse' apwányam tén han apyókxoho énxet'ák Israel, apteméssesa appagkanamap ma'a Wesse' egegkok tegma appagkanamap apagkok.