Salmos 3:4 - Biblia Enxet

⁴ Magweyságkohok ko'o sekwóneyncha'a Wesse' egegkok séltamho hepasmok, tén seyátegmowágko m'a ekpayhókxa nak egkexe apagkok ektaqmalma.

Salmos 3:4 Referans Kwoze

Salmos 34:4

Élmaxnakkek axta ko'o sétama Wesse' egegkok, eyátegmowágkek axta han, emallahanchessek axta ekyókxoho m'a aqsok seyáya nak.

Salmos 91:15

Ewóneyha sa' agkok chá'a, wátegmowagkok sa'; ¡ko'o ahagko' sa' han axek xamók ma'a! Amallahanchesek sa' ekyentaxno apha, ayánchesseshok sa' sekmésso apteme ekha kéláyo;

Isaías 65:24

Wátegmowagkok sa' chá'a ko'o, amonye' sewóneykha xa énxet'ák nak; añak sa' nahan chá'a aptáhakxa apkelpeywa, amonye' apsawhéyak apkelpaqmeyesma.

Salmos 34:6

Ekwóneyha axta ko'o Wesse' egegkok, ko'o sektáha nak sekmayósa, ehaxnawók axta han, emallahanchessek axta han ekyókxoho ektémakxa ekmaso sekha.

Salmos 43:3

Heyaphásses ko'o élseyéxma apagkok, tén han aqsok ekmámnaqsoho apagkok, yaqwayam sa' ko'o hexekmósek ma'a ámay, ekmahéyak nak egkexe ekpagkanamaxche' apagkok, aphamakxa nak xép.

Salmos 2:6

“Élyéseyha ko'o xama wesse' apwányam ahagkok ma'a néten nak egkexe Sión, ekteme nak egkexe ahagkok sekpagkanma.”

Salmos 138:3

Ekwóneyha axta, eyátegmowágkek axta, egkeyásekxeyk axta makham mók sekyennaqte.

Salmos 99:9

Kólpeykesho Dios Wesse' egegkok, ¡kóltekxeyák kéltapnák ma'a amonye' nak egkexe apagkok ekpagkanamaxche'! ¡Appagkanamap ma'a Dios Wesse' egegkok, cham'a Wesse' egegkok nak!

Salmos 50:15

Hélwónmakha chá'a ko'o ekwa'a enxoho ekyentaxno kélheykha; ko'o sa' almallahanchesek, tén sa' kéxegke hélpeykeshok chá'a.”

Génesis 15:1

Appaqhetchessek axta Wesse' egegkok Abram natámen xa, apwanmagko axta eyke, aptáhak axta apcháneya s'e: —Abram, nágyé aqsa, ko'o sekteme sekmasma exchep, awanhek sa' katnehek ekyaqmageykekxa aqsok yaqwayam exkak xép.

Salmos 18:3

Wesse' egegkok, payhawók xép kólpeykesho'; ekwóneyha agkok chá'a, hewagkasek chá'a teyp nepyeseksa sélenmexma.

Salmos 27:6

Keñe sa' ko'o amallánek nepyeseksa m'a sélenmexma; keñe sa' ewanchek alnáhakkasek aqsok ma'a tegma appagkanamap nak, tén han awónchesha kapayhekxak ewáxok, tén han anneykmássesek negmeneykmasso m'a Wesse' egegkok.

Salmos 28:7

Wesse' egegkok apteme ko'o sénnaqtésso; tén han semasma; axta ko'o ay'ásseykmok, epasmomchek axta. Payhekxeyk ko'o ewáxok, anneykmaksek sa', agkések sa' ekxeyenma ewáxok Wesse' egegkok.

Salmos 62:8

¡Énxet'ák ahagkok, nágkólya'ássem chá'a Dios! ¡Kóltennés chá'a ekyókxoho ektáhakxa kélwáxok! ¡Dios apteme negko'o segmasma!

Salmos 84:12

Wesse', ekha nak apyennaqte, ¡apkeleñémo apcháyo nak chá'a exchep!

Salmos 89:19

Apkelpaqhetchessegkek axta exchep apkeláneykha apteme axta melyenyaweykha, cham'a nanók agko' axta, apkelwanmagko axta eyke. Axta aptemék apkelanagkama s'e: “Élyesáha ko'o xama apyennaqte énxet'ák ahagkok, néten agko' kéláyo nahan ektemessásak, ekpasmeyk nahan.

Salmos 119:114

Xép apteme semasma, tén han setaqmelchesso; may'ásseykmok ma'a appeywa nak.

Proverbios 2:7

Epasmok chá'a Wesse' egegkok ma'a énxet'ák élpéwomo nak apkeltémakxa', elmeyók han chá'a m'a meyke nak aqsok ekmaso apkeláneyak;

Lamentaciones 3:56

apháxenmok axta nahan sekpeywa, yahamok axta seyátegmowágko sélmaxnagko.