Salmos 3:3 - Biblia Enxet

³ Wesse', xép eyke apteme seyáhakkásamáxche', xép segkésso m'a seyeymáxkoho nak, xép segkésso m'a sekwasqápeykekxoho nak.

Salmos 3:3 Referans Kwoze

Salmos 27:6

Keñe sa' ko'o amallánek nepyeseksa m'a sélenmexma; keñe sa' ewanchek alnáhakkasek aqsok ma'a tegma appagkanamap nak, tén han awónchesha kapayhekxak ewáxok, tén han anneykmássesek negmeneykmasso m'a Wesse' egegkok.

Salmos 28:7

Wesse' egegkok apteme ko'o sénnaqtésso; tén han semasma; axta ko'o ay'ásseykmok, epasmomchek axta. Payhekxeyk ko'o ewáxok, anneykmaksek sa', agkések sa' ekxeyenma ewáxok Wesse' egegkok.

Génesis 15:1

Appaqhetchessek axta Wesse' egegkok Abram natámen xa, apwanmagko axta eyke, aptáhak axta apcháneya s'e: —Abram, nágyé aqsa, ko'o sekteme sekmasma exchep, awanhek sa' katnehek ekyaqmageykekxa aqsok yaqwayam exkak xép.

Salmos 119:114

Xép apteme semasma, tén han setaqmelchesso; may'ásseykmok ma'a appeywa nak.

Isaías 60:19

“Kamaskok sa' kólámenyéhok ekhem yaqwayam kalsássesexma m'a ekhem, kamaskok sa' nahan kólámenyéhok pelten yaqwayam elsássesexma m'a axta'a, hakte ko'o sa' atnehek, cháléwasso kélagkok meyke néxa, sektáha nak Wesse'; ko'o sa' atnehek élseyéxma kélagkok sektáha nak Dios kélagkok.

Salmos 62:7

Dios keñamak ko'o sekwayam teyp, tén han kélteme chá'a séláyo; cha'a apteme chá'a setaqmelchesso m'a, tén han sekyexánegweykekxexa'.

Salmos 84:11

Hakte Dios Wesse' egegkok sẽlsássesso chá'a exma, tén han sẽlmasma; elásekhohok chá'a Wesse' egegkok ma'a apkeláneykegkoho nak chá'a aqsok ektaqmela, kataqmalmakha chá'a apwáxok epasmok, elmések chá'a aqsok éltaqmela.

Salmos 18:2

Xép apteme setaqmelchesso, sekyexánegweykekxexa', semallahanchesso, Dios ahagkok, semasma apyennaqte, seyáhakkásamáxche', sewagkasso teyp apmopwána, xép apteme sekyexanmomakxa netno' agko'.

Salmos 110:7

Ének sa' yegmen ényé m'a ámay nak, kagkeyásekxak sa' apyennaqte m'a yegmen.

Salmos 4:3

Kólya'asagkoho sa' kéxegke, wánxa aqsa apmenyeyk Wesse' egegkok ma'a énxet apteme nak chá'a meyenyaweykha; kólya'asagkoho sa' kéxegke, heyeyxhok chá'a ko'o Wesse' egegkok ma'a sekwóneyncha'a enxoho chá'a.

Deuteronomio 33:29

Apkeleñémo exchep, Israel, ¿Yaqsa kélwanchek kólhéshok xép? Wesse' egegkok apagko' apwagkasso teyp xép; cha'a aptaqmelchesso chá'a exchep ma'a tén han appasmo chá'a, ¡cha'a apteme sókwenaqte apagkok segmallahanchessamo nak chá'a m'a! Elmésakpok sa' xép ma'a apkelenmexma nak, keñe sa' xép emasséssesek apkeleymákpoho.”

Génesis 40:13

Wokmek sa' agkok ántánxo ekhem, kaxénwók sa' xép apwáxok ma'a faraón, egkeyásekxak sa' makham ma'a aptamheykha, eyátegkásekxak sa' makham apyá m'a faraón, aptémakxa axta chá'a m'a nanók axta.

Isaías 45:25

Ko'o sa' kañék elmallánek apyókxoho m'a énxet'ák Israel, kaqheykha sa' apkelwáxok hélanok ko'o.”

2 Reyes 25:27

Apcheynamók axta apteme wesse' apwányam Babilonia m'a Evil-merodac, ekhem veintisiete, aptáhakxa axta doce pelten, ekwokmo axta treinta y siete apyeyam kéltekkesso kélya'asso megkatnahakxa apchókxa m'a wesse' apwányam Joaquín, apkeñama axta Judá, apyósek axta apkelano Evil-merodac ma'a Joaquín, keñe aptekkesa kañe' negmomaxchexa,

2 Reyes 18:30

Apkeltamhók sa' agkok kóltéhek kéláyo Wesse' egegkok ma'a Ezequías, aptáha enxoho elának se'e: ‘Naqsók sa' hẽlwagkasek teyp ma'a Wesse' egegkok; megkéshek sa' yaqwayam emok wesse' apwányam Asiria s'e tegma apwányam nak’,

2 Reyes 18:32

Keñe sa' enaqlakxak ma'a xama apchókxa ekhémo nak ma'a kélókxa nak kéxegke, xama apchókxa apkemhakxa nak ma'a hótáhap tén han ma'a anmen yámet, yaqwayam sa' kóllanagkok ma'a kelpasmaga tén han vino, ekyetnamakxa nak han pexmok égmenek agkok ma'a olivo yámet, tén han ma'a yányawhéna'. Keñe sa' tásek katnehek kélheykha megkóletsepek sa'. Eyke nágkólyahakxoho m'a Ezequías, hakte apkelyexancháseyha apkeltennasa peya elwagkasek teyp ma'a Wesse' kélagkok.