Salmos 28:2 - Biblia Enxet

² Yeyxho sa' sekwóneykha séltamho enxoho hepasmok, sélya'asa enxoho emék ma'a ekpayho nak apyetnakxa tegma appagkanamap apagkok aptaqmalma.

Salmos 28:2 Referans Kwoze

Salmos 138:2

Altekxók sa' ko'o etapnák apayhohok ma'a tegma appagkanamap apagkok aptaqmalma nak, yaqwayam agkések ekxeyenma ewáxok eñama segásekhayo, tén han apteme apmámnaqsoho, hakte apteméssessegkek xép apwesey tén han appeywa néten agko' ma'a ekyókxoho aqsok.

Salmos 141:2

Yána kaxhok ko'o sélmaxnagko aphakxa m'a aqsok ekmátsa nak ekpaqneyam éten agkok, yána kaxhok aqsok kélmésso naqsa nak chá'a taxnám ma'a sélya'asso nak chá'a néten emék,

Salmos 140:6

Ektáhak ko'o seyáneya Wesse' egegkok se'e: “Xép apteme Dios ahagkok; ¡yeyxho sekwóneykha séltémo hepasmok!

Salmos 134:2

¡Kólye'és néten kélmék neyseksa kélchaqneykha m'a tegma appagkanamap, kólpeykesho Wesse' egegkok!

Salmos 5:7

Ewanchek eyke ko'o atxek tegma appagkanamap apagkok eñama seyásekhayo ko'o exchep; ¡Ewanchek alpeykeshok yetlo ekyawe agko' seyáyo, wanmexhok ma'a apyetnamakxa tegma appagkanamap apagkok!

Daniel 6:10

Xama axta apleg'a Daniel ektáxésáxko m'a segánamakxa, apmeyákxeyk axta apxagkok, apkelmeykessákxeyk átog étkók apteyenmakxa', élpayhémo axta m'a ekpayho nak ekteyapmakxa ekhem ma'a Jerusalén, apkeltekxekkek axta aptapnák peya elmaxnak ma'a Dios, tén han elpeykesho'. Ántánxo apteme axta han chá'a aptemék xama ekhem xa ektáha nak, aptémakxa axta chá'a.

Lamentaciones 2:19

Kaxnekxa néten, kalpáxamha axta'a, nágkalwátessem élpáxameykha; kaltennés ekyókxoho nápaqtók Wesse' egegkok ma'a ektémakxa nak, koho aqsa kaxog ektémól'a yegmen; kalya'ásses néten apmék yetlo ekwóneykha, kalmaxnésses yaqwayam elwetak apkelyennaqte m'a sakcha'a agkok, apkeletsapa nak ámay eñama meyke aptéyak.

Salmos 143:6

Élya'ássessek ko'o emék ekpayhókxa aphakxa exchep, émenyeyk ahagko', máxa m'a xapop ekyamayél'a kámenyéhok yegmen.

Salmos 125:5

exnésho apteméssessamakxa nak chá'a élmasagcha'a apkeltémakxa m'a apkelyetleykekxa nak chá'a ámay ekmaso. ¡Keytek sa' chá'a meyke ektáhakxa negha m'a Israel!

Salmos 63:4

Axénmakha sa' chá'a ektaqmela neyseksa sekha makham, alya'ássesek sa' chá'a néten emék sélmaxneya enxoho chá'a.

2 Crónicas 6:13

Apkeláneyak axta han Salomón negkenmeykegkaxa néten ma'a neyseksa apwáxok tegma nak, sawo ekyexwase, dos metros veinticinco centímetros axta ekwegqakxa', hawók axta han ma'a ekpayhakxa nak, keñe un metro treinta y cinco centímetros ma'a ekmahéyak ma'a néten, cha'a apkenmágkaxa axta néten nak, apkeltekxekkek axta aptapnák nápaqta'awók ma'a apyókxoho énxet'ák Israel, apkelya'ássek axta néten apmék,

1 Reyes 8:38

yeyxho sa' xép ekyókxoho kélmaxnagko aptamhéyak nak chá'a m'a énxet'ák, essenhan ma'a apyókxoho énxet'ák Israel, apkelwet'a enxoho chá'a ekmaso apheykha tén han apkellegeykegkoho, apkelya'asa enxoho chá'a néten apmék etnahagkok nempeywa nélmaxnagko elpayhentámhok se'e tegma appagkanamap nak. Yeyxho sa' xeyep ma'a aphakxa nak néten, ná eyaqmagkásekxa aqsa apkeltémakxa melya'assáxma; etnésses sa' chá'a xama m'a ekpayhawo nak chá'a etnéssesek ektémakxa aqsok apkelane, hakte xép apwánxa apya'áseykegkoho ektémakxa ekmáheyo apwáxok elának énxet.

1 Reyes 6:19

Apkelanak axta Salomón kañe' Ekpagkanamaxchexa agko' ma'a tegma appagkanamap nak, yaqwayam enxoho epekkenek Wesse' egegkok yántéseksek apagkok ma'a.

1 Reyes 6:5

Apkeláneyak axta han tegma apketkók nápakha kélhaxtegkesso nak tegma, cham'a nekha kélhaxtegkesso kélwakheyáseykekxa nak ma'a tegma, cham'a neyáwa nak kañe' ekyetno neyseksa, tén han ma'a kañe' ekyetno nak yókxexma, apkelanak axta han tegma apketkók ma'a nepyáwa'.

Salmos 130:2

Wesse', ¡yeyxho sekpeywa!, ¡eñoho sekwóneykha séltémo hepasmok!

Salmos 141:1

Wesse', ekwóneyha ko'o exchep, ¡epekhaksoho exegma'! ¡yeyxho chá'a sekpeywa sekwóneyncha'a enxoho!

Daniel 6:11

Apkelántaxnegwokmek axta Daniel apxagkok ma'a énxet'ák nak, apwetágwokmek axta apkelmaxneya Dios, tén han apkelpeykásawo.