Salmos 28:1 - Biblia Enxet

¹ Wesse', apteme nak semasma, ekwóneyha ko'o exchep. ¡Heyátegmowák sa'! Sa' agkok heyátegmowágkok, axhok sa' ma'a énxet'ák apkeletsapma nak.

Salmos 28:1 Referans Kwoze

Salmos 143:7

Wesse', ¡heyátegmowák heykxa', hakte yelqáxcheyk ko'o ewáxok! Ná etne mehelányo, axhok katnehek ma'a apkeletsapma nak.

Salmos 18:2

Xép apteme setaqmelchesso, sekyexánegweykekxexa', semallahanchesso, Dios ahagkok, semasma apyennaqte, seyáhakkásamáxche', sewagkasso teyp apmopwána, xép apteme sekyexanmomakxa netno' agko'.

Proverbios 1:12

Apkelyennákxoho sa' ólnápok ma'a énxet'ák meyke nak apkeltémakxa, ektémól'a nétsapma kalmenaqsapok énxet'ák kélxátawayam nak kañe' takhaxpop.

Salmos 83:1

Oh Dios, ¡ná ewanmeyha aqsa! ¡ná exa aqsa, epaqmésmakha!

Isaías 26:4

Kólteme chá'a kéláyo m'a Wesse' egegkok, hakte cha'a apteme segmasma apyennaqte memassegwayam ma'a.

Job 33:28

ewagkassegkek teyp meltémo watsapok, ekweynchámeykha makham ma'a élsakókxa exma.”

Isaías 38:18

Mopwanchek xép elpeykeshok ma'a aphagwayam nak kañe' takhaxpop, mopwanchek elteméssesek apcheymákpoho m'a apkeletsapma nak, mopwanchek elhaxnagkok ektémakxa nak xép mehegyenyaweykha m'a aphagwayam nak kañe' máxek.

Salmos 35:22

¡Apweteyak xeyep xa, Wesse'! ¡Ná ewanma aqsa elanha! ¡Ná heyenyow ko'o!

Salmos 30:9

¿Yaqsa kataksek xép sétsapa enxoho, sélsawa enxoho m'a takhaxpop? ¡Yawanchek xép kalpeykeshok ma'a ektamheykekxa nak xapop, tén han kaxének ma'a ektémakxa nak xép mehenyenyaweykha!

Salmos 22:2

Dios ahagkok, yókxoho ekhem chá'a exchep sekwóneykha, tén han yókxoho axta'a, makke heyátegmoweykegkok; ¡mallókasseykmok ko'o sekyampe!

Salmos 3:4

Magweyságkohok ko'o sekwóneyncha'a Wesse' egegkok séltamho hepasmok, tén seyátegmowágko m'a ekpayhókxa nak egkexe apagkok ektaqmalma.

Salmos 77:1

Ekyennaqtésawok ko'o sekpeywa sekwóneyncha'a Dios, yaqwayam enxoho heyeyxho'.

Salmos 69:15

¡Nágyoho heswok yegmen ényé! ¡Nágyoho heweykesagkok ma'a yegmen ényé ekyéhegwayam ekyennaqte nak, tén han heyápekxa'!

Salmos 142:1

Ekyennaqtésawók ko'o sekpeywa sekwóneyncha'a Wesse' egegkok, ekyennaqtésawók sekpeywa séltamho kapyóshok hélano'.

Salmos 39:12

“Wesse', yeyxho sélmaxnagko, ¡etaqmelchesho apháxenmo sélekxagweykha! ¡ná ewanma aqsa elanok ahaqta'ák égmen'ák nak! Ko'o sekteme sekwe yaqwatakxoho nápaqto' xép, ektémól'a m'a náta ekwél'a yaqwatakxoho, ektéma axta m'a ẽlyapmeyk nano'.

Salmos 42:9

Atnehek chá'a wának Dios, apteme nak semasma: “¿Yaqsa ektéma megkaxeyenma nak apwáxok ko'o? ¿Yaqsa katnehek ko'o kayaqhapmakha ewáxok, eñama setwáseykegkoho m'a sélenmexma nak?”

Salmos 30:4

Kéxegke megkólyenseyam nak Wesse' egegkok, ¡kólmeneykmásses negmeneykmasso! ¡kólpeykesho m'a apwesey ekpagkanamaxche nak!

Salmos 142:2

Nápaqtók éltennásak aqsok megkaleklo ewáxok, nápaqtók ekya'assásegwokmok ektémakxa ekyentaxno ewáxok,