Salmos 27:9 - Biblia Enxet

⁹ ¡Ná héxánegkes aqsa ko'o! ¡Ná hétnakhés aqsa hetaqnók! ¡Xép apwánxa apagko' sepasmo! Ná heyenyow aqsa exakko', ná hetnésses meyke sekya'awánxa, hakte xép apteme Dios ahagkok, tén han sewagkasso teyp.

Salmos 27:9 Referans Kwoze

Salmos 69:17

¡ná etne aqsa mehelányo, ko'o sektáha nak xép apkeláneykha! ¡Heyátegmowák sa' heykxa', asagkek ko'o setnahakxa!

Salmos 143:7

Wesse', ¡heyátegmowák heykxa', hakte yelqáxcheyk ko'o ewáxok! Ná etne mehelányo, axhok katnehek ma'a apkeletsapma nak.

Salmos 102:2

Ná etne ko'o mehelányo ekwa'a enxoho ekyentaxnamo sekha; ¡heyeyxho sa'! ¡heyátegmowák sa' heykxa sekwóneyncha'a enxoho chá'a!

Jeremías 32:40

Alának sa' ko'o ekhémo mók sélpaqhetchásamáxkoho meyke néxa: altennaksek sa' ko'o malwátessemek chá'a ektaqmalma sekteméssesakxa, ayánchesseshok sa' ko'o apkelmopmenyého etnahagkok seyáyo, tén han memáheyo chá'a heyenyók xama enxoho.

Salmos 24:5

Egkések sa' ektaqmalma apha m'a Dios Wesse' apagkok apwagkasso nak teyp, exének sa' apteme ekpéwomo aptémakxa.

Salmos 119:121

Malwátésseykmok chá'a ko'o sélane m'a aqsok ekpéwomo; ná heyenyaw aqsa hegkések ma'a setwáseykegkoho nak chá'a.

Salmos 88:1

Wesse', Dios ahagkok, Sewagkasso nak chá'a teyp, yókxoho ekhem ko'o séltémo exchep hepasmok tén han yókxoho axta'a,

Salmos 51:11

Ná hetekkes aphakxa nak xép, ná hémentemekxa han ma'a espíritu appagkanamap apagkok nak.

Salmos 44:24

¿Yaqsa ektéma apyexanmoma nak? ¿Yaqsa ektéma megkaxeyenma nak apwáxok negko'o, néllegeykegkoho egagko' nak?

Salmos 13:1

Wesse', ¿háxko sa' ekwánxa kammok megkaxeyenma apwáxok ko'o? ¿Kamaskohok agko' ya sa' ekxeyenma apwáxok ko'o? ¿Háxko sa' ekwánxa katnégwók néxa séxánegkesso ko'o?

1 Samuel 7:12

Keñe axta Samuel apma xama meteymog, apkenegkessek axta teyp Mispá halep nak Sen, apteméssessek axta han ekwesey Eben-ézer, hakte axta aptáhak se'e: “Empasmeyk makham negko'o Wesse' egegkok se'e negwánxa nak.”

Isaías 50:1

Aptáhak Wesse' egegkok se'e: “¡Nagkólána aqsa atneyk ko'o sekyamasma Israel ma'a, aptémól'a xama énxet eyenyók ma'a aptáwa', cham'a egken nak kéxegke! ¡Nagkólána aqsa akxakhák ko'o kéxegke ekha ekyánmaga yaqwayam kóltéhek kélásenneykha naqsa eñama ekha sekméyak aqsok ma'a xama énxet! Kélchexakhamchek kéxegke hakte kélláneykegkek megkólya'assáxma; kélyamasmeyk ma'a Israel, egken nak kéxegke, hakte asagkek kéltémakxa kéxegke.

1 Crónicas 28:9

Keñe sa' xép, hatte Salomón, ey'asagkoho sa' Dios apagkok nak apyáp, elána' sa' chá'a ekweykmoho kañók agko' apwáxok ma'a apkeltémókxa nak etnehek, tén han yetlo ekmáheyo apwáxok, hakte elanok chá'a Wesse' egegkok ma'a ektémakxa nak egwáxok, ékpelkohok han ma'a ektáhakxa enxoho chá'a ekmámenyého egwáxok, tén han élchetamso egwáxok. Apketamchek sa' agkok chá'a exchep ma'a, megkatnehek sa' chá'a méteyeykekxa'; apyenyókek sa' agkok xép ma'a, eyenyók sa' megkatnégwayam néxa m'a.

Isaías 59:2

Aqsok ekmaso kélláneyák akke keñamak kéxegke ekhaxtegkessama kélmonye'e m'a Dios; megkólya'assáxma keñamak melányo chá'a kéxegke m'a tén han megyaháxenmo chá'a kélpeywa.

Salmos 69:18

¡Hépetchegwatámho, hewagkas teyp nepyeseksa sélenmexma!

Salmos 102:3

Hakte massegwokmek ko'o sekyennaqte ektémól'a éten, kelmexneyk exchakkok ektémól'a táxa,