Salmos 27:8 - Biblia Enxet

⁸ Entáhak ko'o ekpaqméteykha ewáxok se'e: “Ektam aphakxa Wesse' egegkok.” Yetlókok han sétamso ko'o exchep aphakxa Wesse'.

Salmos 27:8 Referans Kwoze

Salmos 105:4

Kólyo'ókxa chá'a Wesse' egegkok, tén han ma'a apmopwána nak, kólyo'ókxa chá'a Wesse' egegkok yókxoho ekhem.

Salmos 119:58

Ekwasqápeykekxók ko'o ekweykmoho kañók agko' ewáxok séltémo apeykessásekxak apwáxok; kapyósho sa' hélano', ekhawo ektémakxa nak xép appeywa.

Salmos 24:6

Cháxa eyéméxko nak etnahagkok ma'a apketamso nak chá'a Wesse' egegkok, apkelye'eykekxa nak chá'a m'a Jacob nak Dios apagkok.

Oseas 5:15

“Keñe sa' ataqhohok makham ma'a séñamakxa, ekwokmoho apkelya'ásegwokmo melya'assáxma m'a, tén han apkelchexyekmo enxoho hektamok ko'o. ¡Hektamok sa' neyseksa apkellegeykegkoho!”

Isaías 45:19

Meyxaxkók ko'o apaqmétek mapaqméswomek nahan ma'a kañe' ekyáqtéssamakxa nak exma keso náxop. Matnehek nahan alának Jacob aptawán'ák neptámen se'e: ‘Hélchetamsakxa m'a meykexa nak aqsok.’ Naqsók ko'o atnéssesek sekpeywa, ko'o sektáha nak Wesse', axének chá'a m'a aqsok ekpéwomo nak.

2 Samuel 21:1

Teyepmeyk axta meyk segaqhe neyseksa apteme wesse' apwányam David ekweykmoho apqántánxo apyeyam. Tén axta David appaqhetchessama Wesse' egegkok, axta aptemék apchátegmoweykegko Wesse' egegkok: “Saúl aptémakxa ekmaso keñamak ektepa meyk segaqhe, tén han apkeltémakxa m'a apnámakkok, hakte apkelnapmeyk ma'a gabaonitas.”

2 Crónicas 7:14

keñe sa' ma'a énxet'ák ahagkok, apkeltamhomakpo nak sekwesey, élnapa enxoho apkelwáxok apkeltémakxa, tén han apkelmaxneyágko enxoho, sektama enxoho tén han apkelwáteságko enxoho apkeltémakxa ekmaso, weyxhok sa' ko'o m'a sekhakxa néten, mayaqmagkásekxeyk sa' apkeltémakxa melya'assáxma, axátekhassásekxak sa' makham apchókxa'.

Isaías 26:16

Wesse', agketmok chá'a exchep nenlegágkoho enxoho ekyentaxnamo egwáxok, cham'a senlegassásegkoho enxoho, yetlo magyennaqtésso nempaqhetchesso.