Salmos 27:6 - Biblia Enxet

⁶ Keñe sa' ko'o amallánek nepyeseksa m'a sélenmexma; keñe sa' ewanchek alnáhakkasek aqsok ma'a tegma appagkanamap nak, tén han awónchesha kapayhekxak ewáxok, tén han anneykmássesek negmeneykmasso m'a Wesse' egegkok.

Salmos 27:6 Referans Kwoze

Salmos 3:3

Wesse', xép eyke apteme seyáhakkásamáxche', xép segkésso m'a seyeymáxkoho nak, xép segkésso m'a sekwasqápeykekxoho nak.

Salmos 107:22

Kólmés kélnaqtósso kélnapma kélmésso nak ekxeyenma kélwáxok, kólxén yetlo ekpayheykekxa kélwáxok ma'a aqsok apkelane nak.

Isaías 12:6

Kólwehesha yetlo ekpayheykekxa kélwáxok, kélheykha nak Sión, hakte apheyk kélnepyeseksa kéxegke m'a Dios Aptaqmalma apagkok nak ma'a Israel, yetlo ekyawe apcheymákpoho.”

2 Samuel 22:49

Ewagkassegkek teyp nepyeseksa m'a sélenmexma nak, cham'a sénmexeykha sektámeykmo nak chá'a ko'o. ¡Wesse', ewagkassegkek ko'o teyp xép, nepyeseksa m'a énxet'ák apkelyennaqteyáseykha nak chá'a apyempe'ék!

Zacarías 9:9

¡Kapayhekxoho agko' apwáxok xép, tegma apwányam Sión! ¡Enneykmés kapayhekxak apwáxok, xép tegma apwányam Jerusalén! Apya'aweykteyk xép, Wesse' apwányam apagkok Wesse' appéwomo, tén han segwagkassamo teyp, háwe eyke eyeymáxkoho apwáxok, yámelyeheykok apchánte, yámelyeheykok étkok.

Jeremías 33:11

kélmeneykmasso kélessawássessamo, tén han ekpayheykekxa egwáxok, tén han kélmeneykmássesso nak élyamhopma. Kañexchek sa' makham katnehek se'e: Kólmés ekxeyenma kélwáxok Wesse' ekha nak apyennaqte, hakte Wesse' egegkok apteme ektaqmalma apwáxok, megkamassegwomek chá'a segásekhayo. Elsanták sa' aqsok apkelmésso naqsa m'a tegma appagkanamap apkelmésso nak chá'a élxeyenma apkelwáxok. Naqso', ayaqmagkassesek sa' ko'o mók ektémakxa s'e apchókxa nak, yaqwayam sa' katnekxak makham ma'a ektémakxa axta nano'. Ko'o sekxeyenma xa, sektáha nak Wesse'.”

Salmos 95:1

Kólxegma', agmeneykmássesek Wesse' egegkok yetlo ekpayheykekxa egwáxok; agmeneykmássesek ma'a sentaqmelchesso nak negko'o, tén han Segwagkasso teyp.

2 Samuel 7:9

sekxegexma axta chá'a ektemék ma'a apmahágkaxa enxoho chá'a, eksawhomók axta han sekmassésseykmo m'a apyókxoho katnaha axta apnámakkok, apkelenmexma axta exchep, keñe han sekteméssessama apxénamap chá'a ekyókxoho yókxexma, ekhawo aptamheykegkaxa nak ma'a énxet'ák ekha nak kéláyo s'e ekyókxoho nélwanmeygkaxa nak.

Jeremías 31:7

Aptáhak Wesse' egegkok se'e: “Kólmeneykmásses ekmátsa tén han élpayheykekxa kélwáxok ma'a Jacob énxet'ák apagkok, aptamhéyak nak apkelámha apmonye' nepyeseksa m'a apyókxoho énxet'ák. Kóleyxchesho kélmeneykmasso, sa' kóltéhek se'e: ‘Apkelwagkassek teyp énxet'ák apagkok Wesse' egegkok, apkeleymomap axta m'a Israel.’

Salmos 138:5

Elpeykeshok sa' Wesse' egegkok eñama m'a aqsok apkelane nak, hakte awanhek agko' ma'a apcheymákpoho nak Wesse' egegkok.

Salmos 110:7

Ének sa' yegmen ényé m'a ámay nak, kagkeyásekxak sa' apyennaqte m'a yegmen.

Salmos 81:1

¡Kólmeneykmásses Dios yetlo ekpayheykekxa kélwáxok, apteme nak segyennaqtésso! ¡Kólpeykesho yetlo kélwehéseykha kélátseykha m'a Jacob nak Dios apagkok!

Salmos 47:1

¡Kóltekpogmakha kélmék kélyókxoho kélheykha nak keso náxop! ¡Kólpeykesho Dios, yetlo kélwehéseykha kélátseykha!

Salmos 21:13

Wesse', ¡exnekxa néten yetlo apmopwána! ¡Ólátsaha sa' yetlo nélmeneykmasso eñama apmallanma!

Salmos 21:1

Wesse' egegkok, payhekxeyk apwáxok wesse' apwányam, hakte xép apmeyásak apyennaqte; ¡Payhékxók agko' apwáxok hakte xép apmeyásak apmallanma!

1 Crónicas 22:18

“Aphegkek kélnepyeseksa kéxegke Dios Wesse' kélagkok, aptaqmelcháseykekxeyk han apheykha m'a ekyókxoho apheykegkaxa nak, hakte cham'a apteme segkésso ko'o yaqwayam atnehek séltaqmelchesso m'a apyókxoho énxet'ák ekyókxoho apkelókxa nak, cháxa keñamak apkelmoma nak Wesse' egegkok ma'a, tén han aptéma énxet'ák apagkok.

2 Reyes 25:27

Apcheynamók axta apteme wesse' apwányam Babilonia m'a Evil-merodac, ekhem veintisiete, aptáhakxa axta doce pelten, ekwokmo axta treinta y siete apyeyam kéltekkesso kélya'asso megkatnahakxa apchókxa m'a wesse' apwányam Joaquín, apkeñama axta Judá, apyósek axta apkelano Evil-merodac ma'a Joaquín, keñe aptekkesa kañe' negmomaxchexa,

2 Samuel 22:1

Apmeneykmássessek axta David Wesse' egegkok se'e negmeneykmasso nak, apwagkasa axta teyp Wesse' egegkok megyahayo emok ma'a Saúl, keñe han ma'a apyókxoho apkelenmexma nak.

Génesis 40:13

Wokmek sa' agkok ántánxo ekhem, kaxénwók sa' xép apwáxok ma'a faraón, egkeyásekxak sa' makham ma'a aptamheykha, eyátegkásekxak sa' makham apyá m'a faraón, aptémakxa axta chá'a m'a nanók axta.

Génesis 40:20

Wokmek axta ántánxo ekhem, ekwokmo axta apteyeykemxa m'a faraón, apkelánessek axta ektámáxche ekyawe agko' apyókxoho apkeláneykha. Apkeltamhók axta kólántekkessekxak kañe' negmomaxchexa m'a apkemha apmonye' nak apkelyátegkesso chá'a apyá, tén han ma'a apkemha apmonye' apkelánesso kelpasmaga, nápaqta'awók ma'a ektáha axta apkeláneyeykha.

Salmos 3:4

Magweyságkohok ko'o sekwóneyncha'a Wesse' egegkok séltamho hepasmok, tén seyátegmowágko m'a ekpayhókxa nak egkexe apagkok ektaqmalma.

Salmos 57:8

Ewáxok, kaxatakha'; exatakha' arpa, tén han yát'axpog, ¡axatakhak sa' ko'o axto'ók agko'!

Salmos 119:108

Wesse', ema takha' sekmésso nak ekxeyenma ewáxok, hélxekmós apchánamakxa nak antéhek.