Salmos 27:5 - Biblia Enxet

⁵ Wa'ak sa' agkok ekhem ekmaso, hekpósek sa' Wesse' egegkok ma'a kañe' nak tegma appagkanamap apagkok, hexnések sa' hetaqmelchesek ma'a kóneg nak. ¡Hewagkasek sa' teyp hexnéssók ma'a netnók agko' nak meteymog!

Salmos 27:5 Referans Kwoze

Proverbios 18:10

Wesse' egegkok apwesey ekteme segmasma ekyennaqte, apkelmeyeykekxexa nak chá'a elyexánegwakxak ma'a énxet'ák apkelpéwomo nak.

Salmos 31:20

Aphakxa chá'a exnések megyohok etnéssessamhok exma m'a énxet'ák élmasagcha'a nak apkeltémakxa; kóneg aphakxa chá'a exnések etaqmelchesek yeksek apkelya'ásseyam ma'a apkelenmexma nak.

Salmos 138:7

Ekwet'ak agkok chá'a ko'o ekmaso sekha, megyohok chá'a watsapok; apmopwána chá'a emha, keñe hewagkasek chá'a teyp setaqnawaya enxoho m'a sélenmexma.

Salmos 91:1

Énxet apchásenneykekxa nak Dios Meyke Ekhémo segmasma, cham'a Ekha nak Apyennaqte,

Salmos 119:114

Xép apteme semasma, tén han setaqmelchesso; may'ásseykmok ma'a appeywa nak.

Salmos 50:15

Hélwónmakha chá'a ko'o ekwa'a enxoho ekyentaxno kélheykha; ko'o sa' almallahanchesek, tén sa' kéxegke hélpeykeshok chá'a.”

Salmos 40:2

elekwákxeyk axta m'a máxek nétsapmakxa nak, etekkessek axta sekweywegko eykhe m'a yáma yelpa' nak. Énegkessákxeyk axta néten meteymog; etaqmelchessessekmek axta sekxega.

Salmos 17:8

Hetaqmelches, ektéma nak apkeltaqmelchessama m'a apaqta'ák, hexnés kóneg apxempenák,

Salmos 46:1

Dios apteme negko'o segmasma, tén han segyennaqtésso, apteme han sempasmo ekwa'a enxoho ekmaso negha.

Isaías 26:20

Kólxeg, énxet'ák ahagkok, kólántex kañe' kélxanák kólápekxa sa' atña'ák kélagkok. Kólyexánem sekxók yaqwatakxoho, ekwokmoho ekyeyk'a m'a Wesse' egegkok aplo.

Salmos 91:15

Ewóneyha sa' agkok chá'a, wátegmowagkok sa'; ¡ko'o ahagko' sa' han axek xamók ma'a! Amallahanchesek sa' ekyentaxno apha, ayánchesseshok sa' sekmésso apteme ekha kéláyo;

Salmos 57:1

Dios ahagkok, yepyósho ko'o hélano', yepyósho hélano', hakte ekya'aweykteyk xép séltamho hemyók. Axnaták sa' ko'o kóneg apxempenák yaqwayam hemyók, ekwokmoho ekyeyk'a m'a aqsok ekmaso.

Isaías 32:2

Máxa sa' etnehek chá'a xama m'a negyexánegkesseykekxexal'a éxchahayam, segmasmal'a kawak ma'a éxchahayam ekyennaqte agko', máxa sa' etnahagkok ma'a ektémól'a yegmen atamnek ényél'a m'a neyseksa ekyamáyekxa nak xapop, máxa sa' etnahagkok ma'a ektémól'a meteymog ekyawe agko' pessesse agkok émha m'a meykexa nak énxet.

Salmos 61:2

Ekwóneyha ko'o exchep ma'a makhawók agko' nak xapop, hakte yelqáxcheyk ewáxok. Hexnés ko'o netnók agko' nak meteymog, yaqwayam sa' megkatnégwomók exma sekha,

Salmos 18:33

cha'a setnéssesso ko'o meyke sekpelápegwayam ma'a ektémól'a xenaq, cha'a segkésso han sekmowána atnamha m'a netnók agko' nak,

Salmos 83:3

Apkelyexákpók apkelánegkokxo yaqwánxa etnéssesek ma'a énxet'ák apagkok, ¡apkelmasmo nak chá'a exchep!

Salmos 77:2

Aktamok chá'a ko'o Wesse' egegkok élapwokmo enxoho chá'a ewáxok, malwátessemek chá'a sélya'ássesso néten emék, sélmaxneya enxoho axta'a. Makke óteyágweykmok sepeykessáseykekxa ewáxok.

Isaías 26:16

Wesse', agketmok chá'a exchep nenlegágkoho enxoho ekyentaxnamo egwáxok, cham'a senlegassásegkoho enxoho, yetlo magyennaqtésso nempaqhetchesso.

Salmos 10:1

Wesse', ¿yaqsa ektéma mexma nak ketók negheykegkaxa? ¿Yaqsa ektéma segyexánegkessama nak ekwa'a enxoho ekyentaxno negheykha?

2 Crónicas 22:12

Kélpóssegkek axta xamo' Wesse' egegkok tegma appagkanamap apagkok Joás ma'a kelán'a nak. Éláneykha apchókxa axta temék ma'a Atalía.

Salmos 31:21

Kólteméssesek sa' chá'a apcheymákpoho Wesse' egegkok, hakte aqsok ektaqmela axta éláneyásak yetlo seyásekhayo eyesagko axta setnahakxa', sekwakhéxko axta.

Salmos 40:3

Epekkenchessek axta ahátog negmeneykmasso axnagkok, negmeneykmasso nélpeykessamo nak Dios egagkok. Yeyk sa' apxámokma énxet apkelwet'a enxoho, keñe sa' etnehek melya'ásseyam Wesse' egegkok.

Salmos 61:3

hakte xép apteme semasma. ¡Aphawók xép ma'a tegma apwenaqte apyennaqtél'a, sewagkassól'a chá'a teyp nepyeseksa sélenmexma!