Salmos 27:1 - Biblia Enxet

¹ Wesse' egegkok apteme ko'o sélsássessóxma, tén han sewagkasso teyp, ¿yaqsa aqsok ko'o wé'? Wesse' egegkok apteme semasma, ¿yaqsa awanchek ko'o hégwakkasek?

Salmos 27:1 Referans Kwoze

Salmos 118:6

Wesse' egegkok apteme ko'o sekxegexma; méko seyekakxa'. ¿Háxko apwanchek ko'o hetnéssesek énxet?

Éxodo 15:2

Wesse' egegkok keñamak sekmeneykmasso, hakte cham'a sénnaqtésso m'a, tén han sewagkasso teyp. Cham'a apteme Dios ahagkok ma'a, alpeykeshok sa'; táta Dios apagkok ma'a, atnéssesek sa' apcheymákpoho.

Salmos 84:11

Hakte Dios Wesse' egegkok sẽlsássesso chá'a exma, tén han sẽlmasma; elásekhohok chá'a Wesse' egegkok ma'a apkeláneykegkoho nak chá'a aqsok ektaqmela, kataqmalmakha chá'a apwáxok epasmok, elmések chá'a aqsok éltaqmela.

Isaías 12:2

Dios apteme chá'a sewagkasso teyp; may'ásseykmok nahan, magwayék nahan. Wesse' egegkok apteme sekyexanmo tén han segkésso sekyennaqte, cha'a apteme sewagkasso teyp ma'a.”

Isaías 61:10

¡Appeykásekxeyk ewáxok Wesse' egegkok! Awanhók agko' segkésso sélsawassamo m'a Dios ahagkok, hakte egkéssek ma'a nélwagkásamáxche teyp apagkok, ¡ewagkásawók ahagko' teyp! Máxa ektáhak ma'a ektémól'a énxet élyamhopma kélatchessessól'a apqátek ma'a apkelháxaqxo ektaqmalma, ektémól'a m'a xama kelán'a ekmáheyól'a kalyamhápok kélnáxegkáseykhal'a kólnatmeyásekxak ma'a élnatanma éltaqmalma.

Salmos 62:6

Wánxa apteme sewagkasso teyp ma'a, tén han setaqmelchesso. Meheltemessásekxeyk sa' kóneg, hakte cha'a apteme sekyexánegweykekxexa m'a.

Salmos 18:28

Wesse' egegkok, xép sélsássesso chá'a exma; Dios ahagkok, xép sélsássesso exma m'a ekyáqtésakxa exma nak.

Job 29:3

sélsássessama axta chá'a exma, keñe sekmowagko chá'a ko'o axog neyseksa ekyáqtésakxa exma;

Salmos 118:21

Wesse', ekméssek ko'o exchep ekxeyenma ewáxok, hakte eyátegmoweykegkokxeyk xép, apteme han sewagkasso teyp.

Salmos 19:14

Oh Wesse', apteme nak sekyexanmo, tén han sewagkasso teyp, ema sa' yetlo ektaqmeleykha apwáxok sekpeywa tén han élchetámeykha ewáxok.

Salmos 62:2

Wánxa apteme sewagkasso teyp ma'a, tén han setaqmelchesso. Meheltemessásekxeyk sa' kóneg, hakte cha'a apteme sekyexánegweykekxexa m'a.

Malaquías 4:2

Keñe sa' kéxegke kélteme nak séláyo ko'o, kalyenmok sa' kélnepyeseksa m'a ektémakxa nak ekpéwomo sektémakxa, ektémól'a ekhem éltátchesso, segméssamól'a ekyennaqte egyempehek hẽltátchesek. Kólnextegmakha sa' néten kéxegke kólátsaha, ektémól'a weyke étkók kelennay'a élánteyapmal'a m'a axanák.

Isaías 2:5

¡Nók, Jacob énxet'ák apagkok, ólxog éltátchesakxa nak Wesse' egegkok élseyéxma apagkok!

Salmos 18:46

¡Megyetsepek chá'a Wesse' egegkok! ¡Apcheymákpoho sa' chá'a kólteméssesek ma'a setaqmelchesso nak chá'a! ¡Meyke ekhémo sa' chá'a kólteméssesek ma'a Dios sewagkasso nak teyp!

Salmos 11:1

Ekye'eykekxeyk ko'o sekyexánegweykekxo m'a Wesse' egegkok. Kaqhok katnehek amya'a wánéxchek se'e: “Emhók exyenmok ma'a élámhakxa nak meteymog, ektémól'a náta.

Salmos 3:8

Wesse', xép apteme segwagkasso teyp, ¡Elmés sa' ektaqmalma apheykha m'a énxet'ák apagkok nak xép!

Isaías 45:24

Sa' etnehek elpaqmétek se'e: ‘Wesse' egegkok aqsa yetnók ma'a negmallane nak tén han negyennaqte.’ Elmegqágwakxohok sa' apyókxoho m'a setaqnagko nak chá'a ko'o.

Salmos 43:2

hakte xép apteme Dios ahagkok, tén han setaqmelchesso! ¿Yaqsa ektéma sétnakhassama nak ko'o? ¿Yaqsa katnehek ko'o kayaqhapmakha ewáxok, eñama setwáseykegkoho m'a sélenmexma nak?

Deuteronomio 7:18

¡Nágkóle' aqsa! Kaxénwakxoho sa' kélwáxok apteméssessamakxa axta Dios Wesse' kélagkok ma'a faraón tén han ma'a apyókxoho egipcios;

Deuteronomio 7:21

Nágkólyegwe aqsa apmonye'e xa énxet'ák nak, hakte apheyk kélnepyeseksa kéxegke m'a Dios Wesse' kélagkok, apteme nak Dios apyennaqte tén han mageysso agè'.

Salmos 18:29

Epasmeyk sa' agkok xép aktamagkok sa' sélenmexma, almallanagkok sa' ma'a meteymog kélhaxtegkesso nak tegma apkelyawe apagkok.

Jeremías 20:11

Wesse', sekxegexma eyke ko'o exchep, máxa m'a kempakhakma yáp apyennaqte meykel'a ekhémo; elpelapmok sa' ma'a énxet'ák sénmexeykha nak chá'a ko'o, mehexók sa', megkatyepek sa' apmakókxa etnahagkok, elmegqágwakxak sa', megkatnégwomek sa' néxa apkelxénamap ekmaso apkeltémakxa.