Salmos 26:9 - Biblia Enxet

⁹ Náheyaqha aqsa ko'o xamo' ma'a énxet'ák melya'assáxma nak; Nágyoho aqsa hetnehek ma'a ektamheykegkaxa nak énxet'ák ekyetno nak chá'a apkelyógkexma',

Salmos 26:9 Referans Kwoze

Salmos 139:19

Oh Dios, elnáhap élmasagcha'a nak apkeltémakxa, hélya'ásses makhawók ma'a ekyetno nak chá'a apkelyógkexma',

Malaquías 3:18

Keñe sa' kéxegke kólyekpelchágwok makham mexnémo pók ma'a éltaqmalma nak apkeltémakxa, tén han ma'a ekmaso nak apkeltémakxa, tén han ma'a apkelpeykessamo nak Dios, tén han ma'a melpeykessamo nak.”

Salmos 55:23

Dios ahagkok, megkawegqók sa' chá'a apkelweynchámeykha m'a énxet'ák ekyetno nak chá'a apkelyógkexma', tén han ma'a apkelmopwancha'a nak chá'a amya'a; xép sa' epalchesegmak ma'a kañók agko' nak takhaxpop, keñe ko'o may'ásseykmok xép.

Salmos 51:14

Nágyoho ko'o keytek sekyógkexma waqhek émók, oh Dios, Dios apteme nak sewagkasso teyp, anneykmaksek sa' ko'o añeksek xép apteme appéwomo.

2 Samuel 21:1

Teyepmeyk axta meyk segaqhe neyseksa apteme wesse' apwányam David ekweykmoho apqántánxo apyeyam. Tén axta David appaqhetchessama Wesse' egegkok, axta aptemék apchátegmoweykegko Wesse' egegkok: “Saúl aptémakxa ekmaso keñamak ektepa meyk segaqhe, tén han apkeltémakxa m'a apnámakkok, hakte apkelnapmeyk ma'a gabaonitas.”

2 Samuel 16:7

Apyemneyha axta eyke aqsa m'a Simí aptáha apcháneya s'e: —¡Exeg ma'a, énxet ekmaso aptémakxa', ekyetno apyógkexma'!

1 Samuel 25:29

Yetneyk sa' agkok xép xama énxet apkenmexeykha apmáheyo yaqhek, méko sa' katnehek ektáhakxa exchep, eñama aptaqmelchesso m'a Dios Wesse' apagkok. Ekxák sa' apkelenmexma m'a Wesse' egegkok, aptémól'a xama énxet eyenyók meteymog mélwakto apmeykha.