Salmos 24:8 - Biblia Enxet

⁸ ¿Yaqsa xa Wesse' apwányam apcheymákpoho nak? ¡Neykhe m'a Wesse' egegkok apyennaqte nak, megyeye nak apmonye'! ¡Neykhe m'a Wesse' egegkok apyennaqte nak kempakhakma!

Salmos 24:8 Referans Kwoze

Éxodo 15:3

Wesse' egegkok apteme xama kempakhakma yáp apwányam apagko'. Wesse' egegkok apwesey xa.

Salmos 93:1

¡Wesse' egegkok apteme Wesse' Apwányam! Apcháhakkásamákpek Wesse' egegkok ma'a apkelyenma, aptémól'a nentaxno, apwakhésamakpek ma'a apmopwána ektémól'a nentétamáxche'! Apyennaqtéssamók appekkenma nélwanmeygkaxa m'a, yaqwayam enxoho megkayawheykha.

Isaías 9:6

Hakte apteyekmek xama sakcha'a negyeseksa, Dios segmésso xama apketche, cham'a peya sa' exkak apmopwána yaqwayam etnehek aptaqmelchesso apchókxa. Sa' nahan kólteméssesek apwesey s'e: Eyaqheykha kélwáxok aqsok apkelane, Dios apyennaqte, Egyáp Memassegwayam, Wesse' meyke ektáhakxa negha.

Salmos 50:1

Appaqmetchek Wesse' egegkok, cham'a Dios apteme nak néten ekyókxoho m'a aqsok kéláyókxa; apkelwóneyha apheykha nak keso náxop, cham'a teyapmakxa ekhem nak, tén han ma'a taxnegwánxa ekhem.