Salmos 24:3 - Biblia Enxet

³ ¿Yaqsa awanchek kántek ma'a Wesse' egegkok egkexe apagkok nak? ¿Yaqsa awanchek katnegwók ma'a kañe' tegma appagkanamap apagkok aptaqmalma nak?

Salmos 24:3 Referans Kwoze

Salmos 15:1

Wesse', ¿yaqsa sa' awanchek kaxek ma'a tegma appagkanamap apagkok nak? ¿yaqsa sa' awanchek kaxek ma'a egkexe apagkok ektaqmalma nak?

Salmos 65:4

Apkeleñémo énxet apkelyéseykha nak xép, apyentameykekxa nak xép ma'a aphakxa nak, apwáxok nak ma'a tegma appagkanamap apagkok. ¡Kalpeykásekxohok agko' sa' negko'o egwáxok ma'a aqsok éltaqmalma ekhéyak nak apxagkok, aqsok élpagkanamaxche ekhéyak nak ma'a tegma appagkanamap apagkok!

Malaquías 3:1

Aptáhak Wesse' egegkok ekha apyennaqte s'e: “Wáphaksek sa' ko'o apseykha amya'a ahagkok, yaqwayam enxoho ko'o hélanaksek ámay. Kaxwók sa' etaxnegwaták tegma appagkanamap apagkok ma'a Wesse' egegkok, kélchetamsama nak chá'a kéxegke. ¡Apxegakmek ma'a apseykha amya'a apxeyenmo nak chá'a m'a ekhémo mók nélpaqhetchásamáxkoho kélmámenyého nak chá'a kéxegke!”

Salmos 2:6

“Élyéseyha ko'o xama wesse' apwányam ahagkok ma'a néten nak egkexe Sión, ekteme nak egkexe ahagkok sekpagkanma.”

Salmos 68:18

Oh Dios, apxámok xép apnaqlákxo énxet'ák apkelmomap apmeyákxo m'a netno' agko' nak; apkelxakak nahan chá'a m'a aqsok apkelmésso m'a énxet'ák, wokmók nahan apkelmeyásamap ma'a apkenmexeykekxa nak chá'a exchep, Wesse'.

Levítico 10:3

Keñe axta Moisés aptáha apcháneya Aarón se'e: —Cháxa apmáheyo axta exének Wesse' egegkok aptéma axta appeywa s'e: ‘Énxet sépetchegwayo enxoho ko'o, axekmósek sa' sekteme sekpagkanamaxche ahagko', hélteméssesek sa' ko'o seyeymáxkoho nápaqta'awók apyókxoho israelitas.’ Apwanmakkek axta eyke aqsa Aarón.

1 Crónicas 15:1

Apkeltamhók axta kóllánésagkok apxagkok David ma'a Tegma Apwányam apagkok nak David, keñe han apkelánesa yaqwánxa keytek ma'a Dios yántéseksek apagkok.

Ezequiel 44:5

Aptáhak axta seyáneya Wesse' egegkok se'e: “Xép énxet, nágyés elano', etaqmelchesho sa' nahan apháxenmo ekyókxoho sekmako nak altennaksek eñama nak ma'a segánamakxa tén han segánamakxa apagkok ma'a tegma appagkanamap. Etaqmelchesho apkelányo ekmowána nak chá'a kalántexek ma'a tegma appagkanamap tén han ekmowancha'a nak chá'a kalántépok ma'a.

Ezequiel 44:9

“Cháxa keñamak sektáha nak ko'o sekpeywa s'e sektáha nak Wesse': Metxehek sa' tegma appagkanamap ahagkok xama énxet megkatnaha nak kélókxa xamo', meyke nak kélqahasso apyempehek tén han apwáxok ma'a ekhémo mók nélpaqhetchásamáxkoho ahagkok; megkeyxek sa' xama énxet metnaha nak kélókxa xamo' apha m'a nepyeseksa israelitas.