Salmos 24:2 - Biblia Enxet

² Hakte Wesse' egegkok axta appekkenma awhak xapop, tén han appekkenma m'a néten nak wátsam élyawe tén han ma'a wátsam.

Salmos 24:2 Referans Kwoze

Jeremías 5:22

Ektáhak ko'o s'e, sektáha nak Wesse': ¿Yahélayék ko'o kéxegke? ¿Yagkólpexyennamák emonye' ko'o? Ekpekkenmeyk axta ko'o yagkamex néxa m'a wátsam ekwányam, néxa, megkamowána kayeykhak ma'a wátsam ekwányam. Kalnextog eykhe kayéhek ma'a élyaqyahayam agkok megkamallánek eyke kapáwak eykhe han awáxok, megkayeykhék eyke.

Salmos 136:6

Appekkenma axta xapop néten yegmen, hakte megkamassegwomek chá'a segásekhayo.

Salmos 96:10

Kólteme sa' kólának pók aptémakxa énxet'ák se'e: “¡Wesse' egegkok apteme Wesse' apwányam!” Apyennaqtéssamók axta appekkenma nélwanmeygkaxa, yaqwayam enxoho megkayawheykha; aphéssamók han mók apkeltaqmelchesso m'a énxet'ák.

Job 38:4

¿Háxko axta aphakxa exchep séláneya axta ko'o s'e náxop? ¡Héltennés sa' apya'ásegkoho enxoho naqso'!

Salmos 33:6

Appeywa axta keñamak Wesse' egegkok apkeláneya m'a néten, apwátekhapma axta keñamak élánteyapma m'a ekyókxoho aqsok élápogwáteyák nak néten.

Génesis 8:22

“Kaxek sa' chá'a aqsok kélcheneykekxa tén han eknakxamáxche', megkamassegwánxa nak makham keso nélwanmeygkaxa', áthek sa' chá'a katnehek, samágek sa' han chá'a katnehek, keytek sa' ekmexanmakxal'a exma, tén han apmopsamágexal'a, ekhem tén han axta'a.”

Salmos 95:4

Apkeláneykha nahan ma'a kañók agko' nak xapop; apagkok ma'a egkexe élwenaqte agko' nak.

Salmos 93:1

¡Wesse' egegkok apteme Wesse' Apwányam! Apcháhakkásamákpek Wesse' egegkok ma'a apkelyenma, aptémól'a nentaxno, apwakhésamakpek ma'a apmopwána ektémól'a nentétamáxche'! Apyennaqtéssamók appekkenma nélwanmeygkaxa m'a, yaqwayam enxoho megkayawheykha.

Salmos 89:12

Xép apkelane nexcheyha tén han nepyeyam; kelmeneykmássek ekmátsa agko' élxéna apwesey m'a egkexe Tabor, tén han Hermón.