6 Étleykha chá'a exchep yetlo ektaqmeleykha apwáxok neyseksa sekha makham tén han seyásekhayo. Wesse', axek sa' chá'a ko'o meyke néxa m'a apxagkok nak.
Xama aqsok akke élmaxneyk Wesse' egegkok, xama aqsok aqsa émenye': axek chá'a Wesse' egegkok tegma appagkanamap apagkok ekyókxoho ekhem, neyseksa sekha makham, yaqwayam enxoho alpeykeshok neyseksa sekha m'a kañe' tegma appagkanamap apagkok, tén han alanok ma'a ektémakxa nak aptaqmalma.
Hexekmósek sa' ko'o exchep ma'a ámay ekyennaqte nak egnények agyetlakxa'. Yetnegkek ekpayheykekxa egwáxok ma'a aphakxa nak xép, tén han ekmátsa egwáxok meyke néxa m'a nekhók aphakxa nak xép.
Megkamassegwomek eyke chá'a apkelásekhayo Wesse' egegkok ma'a ektáha nak chá'a apcháyo; megkatnégwomek chá'a néxa aptaqmelchessáseykekxa apheykha apyókxoho m'a aptawán'ák neptámen nak,
Kapayhekxak sa' eyke ko'o ewáxok sekwet'a sa' ahaqta'ák ahagko', ¡sekha sa' nápaqto' sekxatakha'a enxoho!
Apkelmaxnakkek axta ekyennaqte apnények, apméssek axta han: cham'a ekwenaqte nak apha, tén han meyke néxa.