Salmos 23:3 - Biblia Enxet

³ hegkeyásekxak chá'a axnagkok sekyennaqte, hey'ásekxak chá'a m'a ámay ekpéwomo nak, eñama apmasma m'a apwesey.

Salmos 23:3 Referans Kwoze

Isaías 42:16

Sa' alya'ásekxak anaqlakxak énxet'ák meyke nak apaqta'ák ma'a ámay melya'ásegkaxa nak. Élseyéxma sa' atnessásekxak apmonye'e m'a ekyaqtéssóxma nak, keñe sa' xapop éláxñeyo m'a élyapwáteyak nak chá'a. Alának sa' ko'o ekyókxoho xa aqsok nak.

Salmos 31:3

¡Xép apteme semasma apyennaqte, tén han tegma apyennaqte ahagkok! ¡Héntamha chá'a ko'o, hemyow nahan chá'a; ¡elána' eñama apmasma apwesey!

Salmos 19:7

Péwók han ma'a Wesse' egegkok nak nélxekmowásamáxche apagkok, hakte hegmeyásekxohok chá'a axnagkok negyennaqte. Mogwanchek agya'ássók ma'a apkeltémókxa nak antéhek Wesse' egegkok, hakte kagkéshok chá'a apmopwána aqsok ma'a énxet meyke nak apya'áseyak.

Salmos 51:10

Oh Dios, ¡Hegkeyásekxa ko'o makham eyáxñeyo ewáxok! ¡hegkeyásekxa makham axnagkok sektémakxa, tén han mayenyaweykha!

Salmos 5:8

Wesse', hepékessessák ko'o yaqwayam atnehek ma'a aptémakxa nak xép ekpéwomo aptémakxa, hakte apxámok ma'a sélenmexma nak, heyaxñásses ma'a ámay apagkok nak.

Salmos 51:12

Hegkeyásekxa makham ekpayheykekxa ewáxok, eñama m'a sewagkasso teyp, hegkés ewáxok ekmámenyého nak kalyahakxoho,

Job 33:30

elwagkasek chá'a teyp megyánhek yetsapok, elenxánegkesho aqsa chá'a apweynchámeykha élsakókxa exma'.

Proverbios 8:20

Eytlók chá'a ko'o m'a ámay ekpéwomo nak, cham'a ámay ektaqmelchessamo nak negha.

Salmos 79:9

Oh Dios, Sẽlwagkasso nak chá'a teyp negko'o, ¡hempásem, hẽlmallahanches aqsok ekmaso, ná eyaqmagkásekxa mólya'assáxma, ¡eñama apkelmeyeykha apwesey eyeymáxkoho!

Salmos 85:13

Nentémakxa ekpéwomo sa' kaxog apmonye', kalanaksek sa' ámay apagkok.

Proverbios 4:11

Ko'o sa' eyntamok ma'a ámay ekyetnamakxa nak negya'ásegwayam aqsok: wának sa' nahan étlók ma'a ámay ekpéwomo nak,

Salmos 119:176

Ekxegáneykmek ko'o, aptémól'a nepkések, ¡hey'óta' hektamok! Mehelwagqeykmok ko'o m'a apkeltémókxa nak antéhek.

Ezequiel 20:14

Sekmasma sekwesey axta eyke keñamak malana xa, yaqwayam enxoho mehexénmakha ekmaso m'a énxet'ák apweteykegkoho axta ektáhakxa sélántekkesa m'a Egipto.

Jeremías 31:8

Wának sa' ko'o elchexyók makham apkeleñama m'a apkelókxa ekpayho nak nexcheyha, wánchásekxak sa' makham ekweykmoho m'a néxa xapop nak. Elyetlanták sa' nahan elchexyók ma'a meyke nak apaqta'ák, tén han ma'a ekmaso nak apkelxega, tén han kelán'a lós'awo', tén han ma'a naqláw'ák nak; ¡elchexyók sa' apxámokma apagko'!

Salmos 34:3

Ansawhaxkohok sa' ólpeykeshok Wesse' egegkok, anteméssesek ekwányam ma'a apwesey nak.

Salmos 31:4

¡Nágyoho hemok ma'a kelhanma sélpekenchessama nak emonye', hakte xép apteme setaqmelchesso!

Salmos 106:8

Apkelwagkassegkek axta eyke teyp ma'a Dios, apxekmóssegkek axta apmopwána eñama apmasma m'a apwesey.

Salmos 109:21

Xép eyke Wesse', hetaqmelches eñama apmasma apwesey. ¡Hewagkas teyp, eñama m'a segásekhayo nak!

Jeremías 31:25

Hakte alagkok sa' ko'o aptéyak tén han apyenéyak ekyawe agko' yegmen ma'a apkelyampayo nak, tén han meyke nak apkelyennaqte.”