8 etnehek se'e: “Cháxa apcháyo nak chá'a Wesse' egegkok; Wesse' egegkok sa' han ewagkasek teyp. Ewagkasek sa' teyp, hakte apmenyeyk apagko' chá'a.”
“Awagkasek sa' chá'a ko'o teyp, ay'aksek sa' chá'a meykexa ektemégweykmoho exma, hakte eyásekhayók ko'o m'a, ey'ásegkok nahan.
etekkessegkek axta m'a eyesagkexa axta; ¡ewagkassegkek axta teyp hakte eyásekhayók ko'o!
“Keso seyásenneykha ko'o s'e, sekpasmoma nak chá'a, sélyéseykha axta, ekleklamo nak ewáxok aptémakxa'. Ekméssegkek ko'o espíritu ahagkok xa yaqwayam enxoho etaqmelchessásekxak apheykha m'a apyókxoho pók aptémakxa nak chá'a énxet'ák.
Kólána chá'a epasmok Wesse' egegkok ma'a ekyókxoho aqsok kéllanakxa enxoho chá'a, keñe sa' kalanaxchek chá'a m'a aqsok kélmáheyo kóllána'.
Egkés Wesse' egegkok ma'a aqsok ekyetnakhassamo nak apwáxok, sa' ewasqakkasek xép ma'a; megyohok chá'a eyaqnenek ma'a énxet apkelyeheykekxoho nak.
Egkés Wesse' egegkok ma'a aptémakxa nak; ná ey'ássem ma'a, keñe sa' epasmok.
Aptáhak chá'a s'e: “¡Kólemhák, kólma sa', hakte apyenyókek ma'a Dios, méko kawagkasek teyp!”
Weykmok élmásse exchakkok, eñama sexéneykha ekmaso m'a sélenmexma nak, yókxoho ekhem kélteme sélmaxneyeykha s'e: ¿Háxko aphakxa Dios apagkok?
Temék agkok han kéxegke s'e setnamakxa nak ko'o, atnehek ko'óxa alpaqhetchesek kéxegke xa ektáha nak; ayeykesha chá'a épátek alanok kéxegke, keñe alpaqhetchesek chá'a ekxámokma agko',
¡Ellektegmaha chá'a hélanok énxet'ák! ¡Elyeykesha chá'a apqatkok hey'ássók sét'a enxoho!