Salmos 22:5 - Biblia Enxet

⁵ apkelmaxnagkamchek axta exchep apkeltémo epasmok, tén axta exchep apkelmallahanchessama ekyentaxno apheykha; axta elya'ásseykmok xép, axta kaqhémok apkelhaxanma.

Salmos 22:5 Referans Kwoze

Isaías 49:23

Sa' katnehek ekteme yapmeyk ma'a kelwesse'e apkelwányam nak keñe sa' ektaqmelchesso chá'a m'a kelwesse'e kelwán'ák nak. Eltekxeyagkok sa' chá'a aptapnák xóp amonye' exche', ekwokmoho apkeltekxeya nápaqta'a xóp ekweykekxoho m'a kelwesse'e kelwán'ák nak, awanhók agko' sa' katnehek apcháyo. Keñe sa' kay'asagkohok ko'o sekteme Wesse', kay'asagkohok sa' nahan memegqáyhek chá'a m'a ektáha nak ko'o mehey'ásseyam.”

Isaías 45:17

Apwagkassek eyke teyp Wesse' egegkok ma'a Israel, apwagkassek teyp meyke néxa, memegqáyhek sa' chá'a xama enxoho, megyaháxeheykha sa' chá'a apmegqakto.

Salmos 106:44

Keñe axta apweteya apkellegeykegkoho, tén han aplegaya apkellekxagweykha,

Salmos 71:1

Wesse', ekya'awekteyk ko'o exchep séltamho hetaqmelchesek; ¡nágyoho ko'o amegqeyk xama enxoho!

Salmos 31:1

Wesse', ekya'awekteyk ko'o exchep séltamho hetaqmelchesek; ¡nágyoho ko'o amegqeyk xama enxoho! ¡Hewagkas teyp, hakte péwók xép aptémakxa!

Jueces 6:6

Meyke aqsok axta tamheykegkok israelitas eñama m'a madianitas, tén axta apkeltémo epasmok ma'a Wesse' egegkok.

Jueces 4:3

Yetneyk axta han novecientos yátnáxeg apkelyenyawasso sawo émpe'ék ma'a Jabín, veinte apyeyam axta weykmok apnaqtawáseykegkoho m'a israelitas, ekweykmoho apkelwóneykencha'a m'a Wesse' egegkok apkeltémo epasmok.

1 Crónicas 5:20

appasmomchek axta eyke m'a Dios, apkelmomakpek axta m'a agarenos yetlo m'a apkelxegexma'a axta, hakte apkelmaxneyeykegkek axta apkeltémo epasmok Dios neyseksa apkelnápomap. Appasmomchek axta han ma'a Dios, hakte axta elya'ásseykmok.

Jeremías 50:7

Apkeltahanya'awók axta agkok chá'a m'a apkelenmexma nak, elnápok axta chá'a etawagkok, axta etnehek chá'a elpaqmétek se'e: ‘Manlánegkok negko'o aqsok ekmaso, hakte apkeláneykegkek melya'assáxma nápaqtók Wesse' egegkok ma'a, apkelmésso nak chá'a ekyókxoho aqsok, melya'ásseykmo axta chá'a m'a apyapmeyk nano'.’

Daniel 3:28

Yetlókok axta apteme appeywa Nabucodonosor se'e: “¡Apcheymákpoho sa' kólteméssesek Dios apagkok nak Sadrac, Mesac tén han Abed-negó, apcháphássesa nak apchásenneykha yaqwayam elwagkasek teyp ma'a apkeláneykha melyenseyam nak apkelyetleykha, meláneyák nak ma'a apkeltémókxa nak elanagkok ma'a wesse' apwányam, apkeltémo nak eletsapok, meltekxeyéyak nak aptapnák elpeykeshok ma'a mók kéláyókxa, metnaha nak Dios apagkok!