Salmos 21:7 - Biblia Enxet

⁷ Xép, wesse' apwányam, megkóltaqhesha sa' chá'a exchep, hakte mey'ásseykmok chá'a m'a Wesse' egegkok; ¡hakte mey'ásseykmok chá'a m'a segásekhayo nak Meyke Ekhémo!

Salmos 21:7 Referans Kwoze

Salmos 16:8

Malwátéssemek chá'a ko'o ekxéneykha ewáxok Wesse' egegkok, aphegkek ko'o neheykha' ekpayho sélya'assamakxa', méko kawának hetegkesek.

Salmos 91:2

etnehek chá'a yának Wesse' egegkok se'e: “Xép apteme sekyexánegweykekxexa', tegma apyennaqte ahagkok, Dios ahagkok seyásenneykekxo nak chá'a.”

Salmos 26:1

Wesse', hexén ko'o meyke sektémakxa, hakte malaneyk ko'o xama aqsok ekmaso neyseksa sekweynchámeykha. Wesse', may'ásseykmok ahagko' ko'o exchep;

Salmos 18:2

Xép apteme setaqmelchesso, sekyexánegweykekxexa', semallahanchesso, Dios ahagkok, semasma apyennaqte, seyáhakkásamáxche', sewagkasso teyp apmopwána, xép apteme sekyexanmomakxa netno' agko'.

Salmos 9:2

Xép Meyke nak Ekhémo, ekmakók ko'o exchep awónchessesha yetlo ekpayheykekxa agko' ewáxok, ¡ekmakók anneykmássesek ma'a apwesey nak xép!

Daniel 7:14

Kélméssek axta apmopwána, apcheymákpoho tén han aptémakxa wesse' apwányam. Apyókxoho énxet'ák apheykha nak ekyókxoho apkelókxa tén han mók ektémakxa nak chá'a apkelpeywa axta aptamhágkok chá'a apkeltamhókxa axta etnahagkok. Megkamassegwomek sa' ma'a ektémakxa nak apmopwána, megkólmasséssemek han ma'a aptémakxa nak wesse' apwányam.

1 Samuel 30:6

Tamháha agko' axta apwáxok ma'a David, hakte apmakók axta yaqhek ma'a sẽlpextétamo apagkok peya elyetnak meteymog, apkellókók apagko' axta apkelwet'a ektáhakxa m'a apketchek. Apwasqakkásekxók axta eyke David ma'a Dios Wesse' apagkok,

Salmos 61:4

Émenyeyk ko'o axek apxagkok meyke néxa, yetlo séláhakkasso m'a apxempenák.

Salmos 13:5

May'ásseykmok ko'o m'a ektémakxa nak xép seyásekhayo, payhekxeyk nahan ewáxok, hakte ewagkassek ko'o teyp xép.

Salmos 45:3

¡Etétekxa nepxet sókwenaqte apagkok, xép apteme nak apyennaqte! ¡Katxohok chá'a exchep emha xa, xép apteme nak apcheymákpoho!

Salmos 72:17

¡Megkamassegwomek sa' chá'a apwesey m'a wesse' apwányam; megkamassegwomek sa' ekxénamaxche apwesey ekhakxa nak makham ekhem! ¡Elxawagkok sa' chá'a ektaqmalma apheykha apyókxoho énxet'ák apheykha nak keso nélwanmeygkaxa, eñama xa wesse' apwányam nak! ¡Apyókxoho pók aptémakxa énxet'ák sa' chá'a eltéhek: “Apkeleñémo”.