Salmos 21:1 - Biblia Enxet

¹ Wesse' egegkok, payhekxeyk apwáxok wesse' apwányam, hakte xép apmeyásak apyennaqte; ¡Payhékxók agko' apwáxok hakte xép apmeyásak apmallanma!

Salmos 21:1 Referans Kwoze

Salmos 62:7

Dios keñamak ko'o sekwayam teyp, tén han kélteme chá'a séláyo; cha'a apteme chá'a setaqmelchesso m'a, tén han sekyexánegweykekxexa'.

Salmos 28:7

Wesse' egegkok apteme ko'o sénnaqtésso; tén han semasma; axta ko'o ay'ásseykmok, epasmomchek axta. Payhekxeyk ko'o ewáxok, anneykmaksek sa', agkések sa' ekxeyenma ewáxok Wesse' egegkok.

Salmos 2:6

“Élyéseyha ko'o xama wesse' apwányam ahagkok ma'a néten nak egkexe Sión, ekteme nak egkexe ahagkok sekpagkanma.”

Salmos 99:4

Xép apteme Wesse' Apwányam ekha apyennaqte, apmopmenyého nak nentémakxa ekpéwomo; xép apagko' appekkenma meyke ekyeykhamaxche mók nentémakxa. Appékessessamók axta chá'a exchep apkelánéseykekxa apheykha m'a Jacob énxet'ák apagkok, yetlo ektaqmalma aptémakxa.

Salmos 95:1

Kólxegma', agmeneykmássesek Wesse' egegkok yetlo ekpayheykekxa egwáxok; agmeneykmássesek ma'a sentaqmelchesso nak negko'o, tén han Segwagkasso teyp.

Salmos 71:17

Dios ahagkok, xép axta sélxekmósso eyeynamo m'a sektémakxa axta étkok, makhemek eyke makham ko'o sekxeyenma m'a aqsok élyawe apkelane nak.

Salmos 63:11

Kapayhekxak sa' eyke apwáxok wesse' apwányam eñama apmallahanchesso m'a Dios; apyókxoho énxet'ák sa' elmeneykmaksek, cham'a apkeltennasso axta elanaksek aqsok ma'a Dios, keñe sa' ma'a apkelyexancháseykha nak chá'a, kóláhakkasagkok chá'a apatña'ák.

Salmos 20:9

¡Wesse', emallahanches xép ma'a wesse' apwányam nak! ¡Hegátegmowák chá'a negko'o negwóneyncha'a enxoho!