Salmos 20:8 - Biblia Enxet

⁸ Kalyelqaxkohok eyke chá'a apyay'ák ma'a, keñe elyaqnenek chá'a, keñe negko'o, mólyaqnenek chá'a, ólchempekxak chá'a néten.

Salmos 20:8 Referans Kwoze

Salmos 125:1

Megkólwanchek kóltaqhesha m'a apcháyo nak chá'a Wesse' egegkok; aphawók ma'a egkexe Sión, émha nak chá'a meyke néxa'.

Miqueas 7:8

Énxet'ák sélenmexma nak, nágkalpayhekxa kélwáxok kólwetak ekmaso sekha, ekyaqnenmeyk eykhe ko'o, wampekxak sa' eyke makham néten; ekhegkek eykhe ko'o ekyáqtésakxa exma, Wesse' egegkok akke sélsássesso chá'a exma.

Jueces 5:31

“¡Wesse', sa' kóltéhek kólmasséssók apyókxoho apkelenmexma xa, elyenmok sa' ma'a apchásekhayo nak chá'a, ektémól'a ekhem kalsaksek exma kaltátchesek!” Keñe axta ektéma meyke ektáhakxa apheykha énxet'ák natámen xa, ekweykmoho cuarenta apyeyam.

Josué 11:4

Apkelxegkek axta xa apyókxoho apkelwesse'e yetlo sẽlpextétamo apagkok, apxámok apagko' axta han ma'a yátnáxeg, keñe han ma'a yátnáxeg apyenyawasso apkenchesso nak kempakhakma. Apxámok apagko' axta han ma'a sẽlpextétamo, mogwanchek axta ólyetsetek, máxa axta m'a xapop ánek agko' ekheykegko nak neyáwa wátsam ekwányam.

1 Samuel 17:45

Aptáhak axta apchátegmowágkokxo David se'e: —Ey'awak xép yetlo sókwenaqte, sawhéwa tén han héwa, ay'ammok sa' eyke ko'o exchep yetlo Wesse' egegkok ekha apyennaqte apwesey, Dios apagkok nak ma'a Israel sẽlpextétamo apagkok, apkellókáseykegko nak chá'a exchep.

2 Reyes 19:23

Apkeláneykha axta exchep apkeláphásak apwanyeyncha'a m'a Wesse' egegkok. “Axta aptáhak se'e: ‘Yetlo ekxámokma yátnáxeg apkelyenyawasso ahagkok eyántak ma'a egkexe étseksek nak, cham'a ektáhakxa nak netnók agko' ma'a Líbano. Élyaqténchessek ma'a yámet cedros agkok élwenaqte agko' nak, tén han ma'a yámet pinos éltaqmalma agko' nak. Ekwokmók ma'a naw'ék netnók agko' nak, tén han ma'a naxma agkok ekyentaxno ekhémo nak kélcheneykekxexa aqsok.

2 Crónicas 14:10

Apkelañexakmek axta m'a Asá, apkelánegwa'ak axta aptáhakxa yetlo sẽlpextétamo apagkok yaqwayam yempakhak ma'a ekyapwátegweykenxa xapop nak Sefata, nekha nak Maresá.

2 Crónicas 14:11

Apwóneyha axta Asá m'a Dios Wesse' apagkok, aptáhak axta s'e: “Wesse' egegkok, xép apwánxa apagkok apmopwána epasmok ma'a énxet ekha nak apyennaqte, tén han ma'a énxet apyelqamákpoho nak. ¡Hempásem negko'o, Dios Wesse' egegkok, hakte magya'ásseykmok negko'o exchep, yetlo nenxeyenma apwesey negko'o nélxegakmok peya ólnapaxchek se'e sẽlpextétamo nak! Xép apteme Dios Wesse' egegkok ¡Méko exchep awanchek kanmexekxa'!”

Esdras 8:22

Hakte ekmegqaktegkek axta ko'o almaxnak sẽlpextétamo apkelchánte nak yátnáxeg ma'a wesse' apwányam, yaqwayam enxoho hẽltaqmelchesek neyseksa nélxega hegaksek ma'a sẽlenmexma nak, hakte néltennassegkek axta negko'o wesse' apwányam, apkeltaqmelchessama chá'a Dios ma'a apyókxoho ektáha nak chá'a apkelya'eykekxa', keñe yehekxak chá'a apmopwána tén han aplo m'a apyókxoho ektáha nak chá'a apyamasma.

Salmos 33:16

Mewagkasakpek teyp xama wesse' apwányam eñama apxámokma m'a sẽlpextétamo apagkok, melwagkasakpek han teyp énxet'ák apkelyennaqte, eñama m'a apkelyennaqte apagko' nak;

Salmos 33:17

mopwanchek elwagkasek teyp énxet'ák ma'a yátnáxeg; apmelyeyha'ak eykhe katnehek, mopwanchek eyke elwagkasek teyp.

Salmos 124:8

Wesse' egegkok chá'a kañék sempasmo, apkelane nak néten, tén han keso náxop.

Proverbios 21:31

Eltahanchesek chá'a apchánte énxet yaqwayam emhagkok kempakhakma, Wesse' egegkok akke apmallahanchesso chá'a.

Oseas 14:4

Aptáhak Wesse' egegkok se'e: “Amasséssesek sa' ko'o m'a ektémakxa nak sénmexeykha; alásekhekxohok sa' aqsa makham, megkapayhawok eykhe alásekhekxoho', hakte massék kaxwók séltaqnaweygko.