Salmos 20:6 - Biblia Enxet

⁶ Ekya'ásegkók ko'o Wesse' egegkok egkések apmallanma m'a wesse' apwányam ektáha nak apkelyéseykha; ekya'ásegkók yátegmowagkok ma'a aphamakxa nak néten ekpagkanamaxche', ekya'ásegkók egkések ekxámokma apkelmalláneyak yetlo apmopwána.

Salmos 20:6 Referans Kwoze

Salmos 28:8

Wesse' egegkok apkelyennaqtésso m'a énxet'ák apagkok; tén han appasmo, apyexánegweykekxexa m'a wesse' apwányam apkelyéseykha nak.

Isaías 63:15

Wesse', yenmexentámho aphamakxa nak néten, cham'a aphamakxa ekpagkanamaxchexa eyeymáxkoho nak. ¿Háxko ekmahágkaxa m'a segásekhayo ekyawe axta tén han apyennaqte? ¿Háxko ekmahágkaxa m'a ekyetnakhassamo nak apwáxok negko'o? ¿Masseya nélmayóseka senlano negko'o?

Salmos 18:50

Apméssegkek xép apkelmalláneyak ekxámokma m'a wesse' apwányam ektáha axta apkelyéseykha; yásekhohok chá'a exchep ma'a David, tén han ma'a aptawán'ák neptámen.

Salmos 2:2

Apyepetchákxeyk pók kelwesse'e apkelwányam tén han apkelámha apmonye'e nak keso náxop, apkelánegkokxeyk aptamhágkaxa apkenmexa m'a Wesse' egegkok, yetlo m'a wesse' apwányam ektáha axta apkelyéseykha Wesse' egegkok.

Isaías 58:9

Ewóneyha sa' agkok chá'a, wátegmowagkok sa' ko'o; kélpáxamáha sa' agkok kóltegyaha ekpasmo, sa' atnehek alának se'e: ‘Ekhak ko'o s'e.’ Kélmasséssekmek sa' agkok ekyókxoho m'a kélnaqtawáseykegkoho nak chá'a kélnámakkok, megkólwanyeyncha'a enxoho chá'a kélmók megkólxéneyncha'a enxoho aqsa chá'a ekmaso kélnámakkok,

Isaías 57:15

Hakte aptáhak appeywa Meyke nak Ekhémo s'e, memassegwayam nak apwesey nak aptaqmalma: “Ekhegkek ko'o m'a netno' nak, ekpagkanamaxchexa nak, ekhegkek eyke nahan nepyeseksa m'a énxet'ák apkelyelqamákpoho nak tén han ma'a apkellegeykegkoho nak ekyentaxno apkelwáxok, yaqwayam enxoho alwasqakkásekxohok chá'a tén han agkeyásekxak chá'a apkelyennaqte.

Salmos 41:11

Sa' ay'ásegwók ko'o ekleklamo apwáxok ko'o exchep ektáha enxoho s'e: cham'a melessawásencha'a enxoho hetnessásekxak kóneg ma'a sélenmexma.

Salmos 18:35

Xép setaqmelchesso, tén han sewagkasso teyp, hemagkok chá'a apmek apkelya'assamakxa'; ektaqmeleykha apwáxok sélányo keñamak setaqmelchessessama sekha.

Salmos 17:7

Hexekmós ko'o ektaqmalma m'a ektémakxa nak seyásekhayo, xép apkelwagkassamo nak chá'a teyp nepyeseksa apkelenmexma m'a apkelye'eykekxa nak chá'a yaqwayam kamyók ma'a apmopwána.

1 Reyes 8:43

yeyxho sa' xeyep ma'a aphakxa nak néten, egkés sa' xép ekyókxoho m'a aqsok apkelmaxnagko, yaqwayam sa' elyekpelkohok xép ma'a apyókxoho pók aptémakxa nak énxet'ák keso náxop, tén han yáwhok chá'a, aptamheykegko nak ma'a énxet'ák apagkok Israel, tén han elya'asagkohok ekxénamaxchexa apwesey s'e tegma appagkanamap nak, sélánésso axta ko'o exchep.

1 Reyes 8:30

Yeyxho sélmaxnagko, tén han apkelmaxneyéyak nak énxet'ák apagkok Israel, apkelpayhentámho enxoho chá'a s'e. Yeyxho sa' ma'a aphakxa nak néten, ná eyaqmagkásekxa aqsa nentémakxa mólya'assáxma.

Salmos 9:15

Epallekxohok chá'a apagkok máxek apkelmeta m'a melya'áseyak nak Dios, kalpextétekxohok chá'a agkok apmagkok ma'a yám'én aptegyésso apagko' nak.

Miqueas 4:5

Elyahakxohok chá'a aqsok apcháyókxa m'a pók énxet'ák nak, keñe sa' negko'o ólyahakxohok chá'a Dios Wesse' egegkok meyke néxa.