Salmos 20:5 - Biblia Enxet

⁵ Keñe sa' negko'o ólátsaha kalpayhekxak egwáxok eñama apmallanma, ólya'aksek sa' néten bandera yetlo nenxeyenma apwesey Dios egagkok. ¡Wesse' egegkok sa' elának ekyókxoho aqsok apkelmaxneyeykha nak!

Salmos 20:5 Referans Kwoze

Éxodo 17:15

Apkelanak axta nahan Moisés xama ekwatnamáxchexa aqsok, cham'a apteméssesa axta nahan ekwesey: “Wesse' egegkok apteme bandera ahagkok séxanmól'a néten”,

Salmos 60:4

Apkelméssegkek axta chá'a exchep xama aqsok magkenatchesso ektáha nak chá'a apcháyo, yaqwayam melyátakpehek yágke.

1 Samuel 1:17

—Kataqhekxa sa' yetlo meyke ektáhakxa awáxok —axta aptáhak apcháneya m'a Elí—. Egkések sa' aqsok élmaxneyeykha m'a Dios apagkok nak Israel.

Isaías 61:10

¡Appeykásekxeyk ewáxok Wesse' egegkok! Awanhók agko' segkésso sélsawassamo m'a Dios ahagkok, hakte egkéssek ma'a nélwagkásamáxche teyp apagkok, ¡ewagkásawók ahagko' teyp! Máxa ektáhak ma'a ektémól'a énxet élyamhopma kélatchessessól'a apqátek ma'a apkelháxaqxo ektaqmalma, ektémól'a m'a xama kelán'a ekmáheyól'a kalyamhápok kélnáxegkáseykhal'a kólnatmeyásekxak ma'a élnatanma éltaqmalma.

Isaías 25:9

Sa' katnehek kalpaqmetaxchek, cháxa ekhem nak: “Cháxa Dios egagkok xa, negáyo nak chá'a, nélhaxanma nak hẽlwagkasek teyp. Kalpayhekxa egwáxok, ólátsaha, ẽlwagkassek teyp ma'a.”

Salmos 118:15

Legáxcheyk kélmeneykmasso negmallane apxanák ma'a énxet'ák apkelpéwomo: “¡Wesse' egegkok apmopwána keñamak apkelmallana!

Salmos 35:9

Keñe sa' hepeykessásekxak ewáxok Wesse' egegkok, sewagkasa enxoho teyp.

Salmos 13:5

May'ásseykmok ko'o m'a ektémakxa nak xép seyásekhayo, payhekxeyk nahan ewáxok, hakte ewagkassek ko'o teyp xép.

Salmos 9:14

Keñe sa' atnehek alának apyókxoho énxet neyseksa sénmeykha m'a atña'ák nak Jerusalén, payhawók xép kólteméssesek apcheymákpoho, axének sa' ekpayhékxo ewáxok hakte ewagkassek teyp xép.

Miqueas 4:5

Elyahakxohok chá'a aqsok apcháyókxa m'a pók énxet'ák nak, keñe sa' negko'o ólyahakxohok chá'a Dios Wesse' egegkok meyke néxa.

Salmos 19:4

kasawhekxohok eyke ekyókxoho nélwanmeygkaxa m'a élpeywa, ekweykmoho m'a néxa xóp nak nélwanmeygkaxa. Cha'a appekkenchessamakxa Dios ekyetnamakxa ekhem ma'a,

Isaías 11:10

Kólhések sa' néten kólteméssesek aqsok magkenatchesso apagkok énxet'ák Jesé aptáwen neptámen xa ekhem nak; cham'a aphémo nak yámet éltektépeykekxa m'a kepmenák, elyo'ókxak sa' chá'a ektamok ma'a apyókxoho énxet'ák keso náxop, keñe sa' ma'a aphakxa nak katnehek ektaqmalma agko'.

Salmos 21:1

Wesse' egegkok, payhekxeyk apwáxok wesse' apwányam, hakte xép apmeyásak apyennaqte; ¡Payhékxók agko' apwáxok hakte xép apmeyásak apmallanma!

1 Samuel 17:45

Aptáhak axta apchátegmowágkokxo David se'e: —Ey'awak xép yetlo sókwenaqte, sawhéwa tén han héwa, ay'ammok sa' eyke ko'o exchep yetlo Wesse' egegkok ekha apyennaqte apwesey, Dios apagkok nak ma'a Israel sẽlpextétamo apagkok, apkellókáseykegko nak chá'a exchep.

Salmos 21:3

Apkelanyexágkek yetlo apkelmésso aqsok éltaqmalma, apketchessessek han apqátek ma'a apketchesso apqátek sawo ekyátekto ekmomnáwa.