Salmos 2:4 - Biblia Enxet

⁴ Apkesméssek Wesse' egegkok apteme nak wesse' apwányam ma'a néten;

Salmos 2:4 Referans Kwoze

Salmos 37:13

Yesmaksek eyke aqsa chá'a Wesse' egegkok, hakte apya'ásegkok kaxwók sa' elmassegwók ma'a élmasagcha'a nak apkeltémakxa.

Salmos 59:8

Wesse', yesmaksek eyke chá'a exchep ma'a, elwanyohok chá'a exchep xa melya'áseyak nak xép.

Isaías 40:22

Aphegkek Dios ma'a teyp yaphope eyapma nak keso náxop, máxa séta nahan aptemék apkeláneykencha'a m'a énxet'ák. Máxa kélpakxanma aptemék appeykessama yaphope m'a néten, máxa kélpakxanma aptemék appeykessama, negmowánal'a anxek ma'a kóneg.

Proverbios 1:26

¡Alesmaksek sa' eyke ko'óxa kéxegke eyáhapwa'a enxoho aqsok ekmaso! ¡Alya'ássók sa' ma'a kélyegwaya kélagko' sa',

Salmos 11:4

Apheyk Wesse' egegkok ma'a tegma appagkanamap apagkok aptaqmalma nak. Appekkenmeyk aphamakxa Wesse' egegkok ma'a néten nak, apsawheykha exma apkeláneykencha'a ektémakxa apkelweynchámeykha énxet'ák.

Isaías 57:15

Hakte aptáhak appeywa Meyke nak Ekhémo s'e, memassegwayam nak apwesey nak aptaqmalma: “Ekhegkek ko'o m'a netno' nak, ekpagkanamaxchexa nak, ekhegkek eyke nahan nepyeseksa m'a énxet'ák apkelyelqamákpoho nak tén han ma'a apkellegeykegkoho nak ekyentaxno apkelwáxok, yaqwayam enxoho alwasqakkásekxohok chá'a tén han agkeyásekxak chá'a apkelyennaqte.

Salmos 115:3

Apheyk Dios egagkok ma'a néten, elának chá'a ekyókxoho m'a apmakókxa enxoho elána'.

Salmos 53:5

Elpexyennók sa' apkelaye, melyegwaktamakxoho, hakte yexpánchesek sa' apexchakkok Dios ma'a apkelenmexma. Elmegqágwakxohok sa', hakte eltaqheksohok sa' ma'a Dios.

Isaías 66:1

Aptáhak Wesse' egegkok se'e: “Néten ekteme sekhamakxa ko'o keñe xapop sélteyeykemxa. ¿Háxko kélwanchek héllanaksek ko'o xama tegma? ¿Háxko sa' kélwanchek héllanaksek ko'o séllókassamakxa sekyampe?

Salmos 68:33

cham'a apxegamo nak chá'a netno' nak, néten nanók ekyetnamakxa nak! Kóleyxho ektáhakxa éxtegyawà appeywa, cham'a appeywa ekyennaqte nak.

2 Reyes 19:21

Keso aptáhakxa exchek appeywa Wesse' egegkok apxéna m'a wesse' apwányam Asiria: “Senaquerib, máxa kelán'a étkok entáhak ésmésa exchep ma'a Sión. Yeykáseyha akqátek neptámen ekwanyawo aptaqháwo m'a Jerusalén.

Salmos 59:9

Dios ahagkok, sa' eyke ótak chá'a sekmeyamáxche m'a aphakxa nak, hakte xép apteme semasma apyennaqte, tén han setaqmelchesso.

Salmos 123:1

Wesse', énmexawok ko'o exchep aphakxa sekwóneyncha'a, énmexawok ma'a aptémakxa nak Wesse' apwányam néten.