Salmos 2:10 - Biblia Enxet

¹⁰ Kelwesse'e apkelwányam, tén han apkelámha apmonye'e nak keso náxop, kóltaqmelchesho kélháxenmo s'e, ¡kalestegák se'e, kóláwho han!

Salmos 2:10 Referans Kwoze

Oseas 14:9

Kéméxcheyk elya'asagkohok apkelmopwancha'a nak aqsok, tén han ekha nak apkelya'áseyak aqsok se'e amya'a nak: Kelpéwók agko' ámay apagkok ma'a Wesse' egegkok, elyetlók chá'a m'a énxet'ák apkelpéwomo nak, keñe m'a énxet'ák élmasagcha'a nak apkeltémakxa kalpelápagkasek chá'a.

Isaías 60:3

Elya'áwak sa' apyókxoho énxet'ák ma'a élseyéxma kélagkok nak, elya'áwak sa' kelwesse'e apkelwányam ma'a élyenmakxa nak ekhem axnagkok kélagkok.

Salmos 45:12

Peyk elsókasegmak xeye' aqsok apkelmésso naqsa m'a énxet'ák Tiro, cham'a apkelwesse'e apancha'awo nak yaqwayam kataqmalmakha awáxok kalano'.

Jeremías 6:8

Kastégho sa', Jerusalén, sa' agkok kastégak, ayenyók sa' eñama megkaleklo ewáxok, yókxexma meyke xama aqsok sa' atnessásekxa', meyke énxet apheykha kañe' sa' atnessásekxa'.”

Isaías 52:15

sa' katnehek nahan kalpelakkasek elwetak ma'a apyókxoho pók aptémakxa nak chá'a énxet'ák; apkelwet'ak sa' agkok ma'a kelwesse'e apkelwányam nak, elwanmeyagkok sa' aqsa, hakte elwetak sa' ma'a aqsok megkóltennassama axta, elyekpelkohok sa' ma'a mellegaya axta kaxénaxche'.

Isaías 49:23

Sa' katnehek ekteme yapmeyk ma'a kelwesse'e apkelwányam nak keñe sa' ektaqmelchesso chá'a m'a kelwesse'e kelwán'ák nak. Eltekxeyagkok sa' chá'a aptapnák xóp amonye' exche', ekwokmoho apkeltekxeya nápaqta'a xóp ekweykekxoho m'a kelwesse'e kelwán'ák nak, awanhók agko' sa' katnehek apcháyo. Keñe sa' kay'asagkohok ko'o sekteme Wesse', kay'asagkohok sa' nahan memegqáyhek chá'a m'a ektáha nak ko'o mehey'ásseyam.”

Zacarías 14:17

Yetneyk sa' agkok chá'a xama énxet apheykegkaxa chá'a pók aptémakxa énxet'ák keso náxop memyeykekxa chá'a elpeykessekxohok Wesse' Apwányam ma'a Jerusalén, Wesse' ekha nak apyennaqte, megkammakyek sa' chá'a m'a xapop apagkok nak.