Salmos 19:9 - Biblia Enxet

⁹ Tásek ma'a negáyo nak Wesse' egegkok, megkamassegwomek han. Ekmámnaqsoho agko' nahan ma'a apchánamakxa nak antéhek Wesse' egegkok, kelpéwók ma'a ekyókxoho nak,

Salmos 19:9 Referans Kwoze

1 Samuel 12:24

Kóláwhok sa' chá'a kéxegke m'a Wesse' egegkok, kólpeykeshok sa' han chá'a ekmámnaqsoho, yetlo kélméssamo agko' kélwáxok, kaxén sa' chá'a kélwáxok ekxámokma agko' aqsok apkelane, yaqwayam epasmok kéxegke.

Salmos 119:142

Megkatnégwomek chá'a néxa ekpéwomo m'a ektémakxa nak chá'a ekpéwomo apkelánéseykekxa apheykha énxet'ák, naqsók nahan ma'a nélxekmowásamáxche apagkok nak.

Salmos 119:1

Apkeleñémo énxet meyke nak apkelane xama aqsok ekmaso, apyetlókasso nak chá'a m'a ektémakxa nak Wesse' egegkok segánamakxa apagkok.

Salmos 115:13

etaqmelchessesek sa' han apheykha m'a ektáha nak chá'a apcháyo, kelwesse'e tén han ma'a meyke nak aqsok apagkok.

Salmos 111:10

Néltamhók agkok antéhek ekyawe negya'áseykegkoho, kéméxcheyk sekxók antéhek negáyo Wesse' egegkok; ektaqmeleykha élchetámeykha apwáxok etnehek ma'a apcháyo nak chá'a. ¡Megkamassegwomek sa' chá'a kélteméssesso apcheymákpoho Dios!

1 Reyes 18:12

Eyenyeykxeyk sa' agkok ko'o exchep, keñe sa' ey'ásekxak mók nekha m'a Wesse' egegkok espíritu apagkok, may'ásegkaxa nak ko'o. Ekya'aweykxeyk sa' agkok ko'o altennássekxak ma'a Ahab, méteyágweyk sa', keñe sa' heyaqhek. Nanók ko'o sekteme seyáyo Wesse' egegkok, sektémakxa axta wokma'ák, ko'o sektáha xeyep apkeláneykha.

Deuteronomio 4:8

¿Yaqsa apchókxa énxet apxámokma, ekha segánamakxa tén han nélánémaxchexa nak chá'a antéhek ekpéwomo agko', ekhawo nak ekyókxoho s'e nélxekmowásamáxche', séltennasa nak ko'o kéxegke s'e sakhem nak?

Génesis 42:18

tén axta ektáha ántánxo ekhem aptáha apkeláneya s'e: —Ko'o sekteme seyáyo Dios. Kólteme sa' se'e, keñe sa' megkóletsepe':

Isaías 26:8

Wesse', negyekpelchémók negko'óxa ektaqmalma nélxega m'a ámay senxekmóssamakxa nak ma'a segánamakxa apagkok. Egmenyeyk chá'a negko'o exchep kaxének egwáxok.

Salmos 119:106

Éltennássek axta exchep alának aqsok, alának sa' nahan: ¡alának sa' ma'a apchánamakxa nak antéhek élpéwomo!

Salmos 119:7

Alteméssesek sa' chá'a ko'o apcheymákpoho yetlo ekpéwomo élchetámeykha ewáxok, séltámeka sa' ma'a apchánamakxa nak antéhek ekpéwomo.

Salmos 36:6

Máxa eyke meteymog élyawe élekhahéyak la'a m'a aptémakxa ekpéwomo; máxa eyke wátsam ekwányam ekmattawóneg la'a m'a apchánamakxa nak antéhek. Wesse', xép apkeláneykha énxet'ák, tén han aqsok nawha'ák.

Salmos 36:1

Kapaqhetchesek chá'a kañók agko' apwáxok mey'assáxma m'a énxet ekmaso nak aptémakxa. Megkaxének chá'a apwáxok yeyk ma'a Dios.

Salmos 10:5

Tásek chá'a katnehek ekteyapma m'a ekyókxoho aqsok apkelánégkaxa enxoho. Megkaxegkáseykha elya'asagkohok ma'a ektémakxa nak xép apkelyekpelchémo énxet'ák. Elesmaksek aqsa m'a apkelenmexma nak,

Nehemías 5:15

Axta etnaheykegkok ma'a apkeltaqmelchesso apkelókxa apmonye'e axta aptamhéyak, matnamakxa axta ko'o, apyentaxnéssessegkek axta apheykha énxet'ák, hakte yókxoho ekhem axta apkelméyak chá'a cuarenta sawo selyaqye élmope, yaqwayam etegyagkok aptéyak, tén han vino. Apnaqtawáseykegkók axta han énxet'ák ma'a apkeláneykha nak, makke ko'o atneyk xa ektáha nak, eñama seyáyo m'a Dios.

Éxodo 21:1

“Keso segánamakxa yaqwayam sa' elmésagkok énxet'ák se'e:

Génesis 22:12

Aptáhak axta Dios apchásenneykha apcháneya s'e: —Ná etnéssessamho aqsa exma ekmaso apketche, ekya'ásegkók eyke kaxwók apcháyo exchep ma'a Dios, memyágweykxak peya hegkések apketche xama apagko'.

Proverbios 8:13

Negáyo Wesse' egegkok, nenteme nentaqnagko aqsok ekmaso. Ataqnawhok ko'o m'a eyeymáxkoho nak egwáxok tén han magésso nak ageyxkoho', ekmaso nentémakxa tén han negmowána amya'a.

Salmos 147:19

Cha'a apya'assásegwayam appeywa m'a Jacob, cham'a Israel, tén han ma'a segánamakxa apagkok ekweykekxoho m'a apkeltémókxa nak antéhek.

Salmos 119:75

Wesse', ekya'ásegkók ko'o apchánamakxa nak antéhek ekteme élpéwomo, ekya'ásegkók han chá'a ekpayhawo m'a señássásegkoho enxoho chá'a.

Salmos 119:62

Axta'a eyseksók chá'a axatakhak agkések ekxeyenma ewáxok, eñama élpéwomo m'a apchánamakxa nak antéhek.

Salmos 119:39

Hétnakhásses ko'o m'a sektaqnómaxche seyáya nak chá'a ko'o, hakte keltásók agko' ma'a apchánamakxa nak chá'a antéhek.

Salmos 12:7

Wesse', xép sa' hẽltaqmelchesek negko'o; ¡hẽltaqmelchesek sa' chá'a nepyeseksa xa aptéma nak énxet!

Salmos 119:111

Aqsok ahagkok meyke néxa ko'o m'a apchánamakxa nak antéhek, hakte cháxa sepeykessáseykekxa chá'a ko'o ewáxok ma'a.

Isaías 45:19

Meyxaxkók ko'o apaqmétek mapaqméswomek nahan ma'a kañe' ekyáqtéssamakxa nak exma keso náxop. Matnehek nahan alának Jacob aptawán'ák neptámen se'e: ‘Hélchetamsakxa m'a meykexa nak aqsok.’ Naqsók ko'o atnéssesek sekpeywa, ko'o sektáha nak Wesse', axének chá'a m'a aqsok ekpéwomo nak.