Salmos 19:7 - Biblia Enxet

⁷ Péwók han ma'a Wesse' egegkok nak nélxekmowásamáxche apagkok, hakte hegmeyásekxohok chá'a axnagkok negyennaqte. Mogwanchek agya'ássók ma'a apkeltémókxa nak antéhek Wesse' egegkok, hakte kagkéshok chá'a apmopwána aqsok ma'a énxet meyke nak apya'áseyak.

Salmos 19:7 Referans Kwoze

Salmos 119:130

Hẽlsássesek chá'a exma sẽltennáseyncha'a enxoho chá'a m'a appeywa, kaltamaksek chá'a m'a énxet'ák meyke nak apkelya'áseyak.

Salmos 111:7

Péwók ma'a aqsok apkelane nak, naqso' nahan; payhawók magya'ássók ma'a segánamakxa apagkok nak,

Proverbios 1:4

ólya'assásegwók aqsok ma'a wokma'ák melya'áseyak nak aqsok, tén han agmések apkelyekpelchágwayam tén han agya'assásegwók ektémakxa ektaqmalma élchetámeykha apkelwáxok.

Salmos 23:3

hegkeyásekxak chá'a axnagkok sekyennaqte, hey'ásekxak chá'a m'a ámay ekpéwomo nak, eñama apmasma m'a apwesey.

Salmos 119:105

Xép appeywa ekteme cháléwasso sélsássesso chá'a exma sekmahágkaxa enxoho chá'a, séltátchessesso chá'a m'a ámay ahagkok.

Deuteronomio 32:4

Cha'a apteme segmasma m'a; kelpéwók ma'a aptamheykha nak, kelpéwók nahan chá'a m'a aqsok apkelane nak. Cha'a apteme Dios apmámnaqsoho m'a, méko xama aqsok enxoho megkapéwomo apkelane; ¡appéwomo m'a tén han apmámnaqsoho!

Salmos 93:5

Oh Wesse', payhawok kóláwhok chá'a m'a segánamakxa apagkok. ¡Aptémakxa appagkanamap chá'a katnéssesek aptaqmalma apagko' ma'a tegma appagkanamap apagkok nak!

Isaías 8:20

yaqwayam enxoho elxawagkok chá'a apkeláneyákpexa etnahagkok, essenhan xama amya'a!” Megkatnehek sa' metne apkelpeywa xa, amya'a ekyeyháxma eyke xa aptamheykegkaxa nak apkelpeywa.

Salmos 119:111

Aqsok ahagkok meyke néxa ko'o m'a apchánamakxa nak antéhek, hakte cháxa sepeykessáseykekxa chá'a ko'o ewáxok ma'a.

Josué 1:8

Ná eyensem apkelyetsete ektémakxa nak ekpeywa m'a weykcha'áhak segánamakxa nak antéhek Dios, keñe sa' kalchetamha chá'a apwáxok ekhem tén han axta'a, yaqwayam enxoho elának ma'a éltamhókxa enxoho elána'. Hakte cháxa ekyókxoho ektáhakxa enxoho aqsok apkelane, tásek sa' katnehek chá'a ekteyapma.

Salmos 119:72

Tásók agko' ko'o sélányo m'a nélxekmowásamáxche apagkok, megkaxnawok ma'a ekwánxa nak ekyókxoho m'a selyaqye nak keso náxop.

Salmos 18:30

Péwók ma'a Dios ámay apagkok; payhawók megkólya'ássemek ma'a apxeyenma nak elának Wesse' egegkok. ¡Eltaqmelcheshok chá'a Dios ma'a énxet'ák ektáha nak chá'a apcháyo!

Job 23:12

Éláneyak chá'a ko'o m'a segánamakxa apagkok nak, tén han apchánamakxa nak antéhek, malaneyk ma'a sekmámenyého ahagko' nak.

Salmos 119:24

Hepeykessásekxohok chá'a ko'o ewáxok ma'a apchánamakxa nak chá'a antéhek; cha'a ekteme ko'o sepaqhetcháseykha chá'a m'a.

Salmos 119:14

Kapayhekxohok agko' sa' ko'o ewáxok eytlakxak ma'a apchánamakxa nak antéhek, megkaxók sa' ma'a ekweykenxa nak chá'a ekpeykáseykekxa ewáxok ekxámokma aqsok ahagkok.

Isaías 8:16

Kóltaqmelchesho sa' kélpekkenma s'e amya'a nak; kólpósha sa' chá'a s'e segánamakxa nak, keso nélxekmowásamáxche ahagkok nak ko'o.

Salmos 119:152

Nanók agko' ko'o sekya'áseyak ma'a apchánamakxa nak antéhek, appekkenmeyk axta exchep meyke néxa'.

Salmos 119:9

¿Háxko etnehek elanagkohok aptémakxa wokma'ák elának aptémakxa ekpéwomo? ¡Etnehek ma'a ektémakxa nak xép appeywa!

2 Samuel 23:5

Cháxa keñamak melyenseykmo nak Dios ma'a étawán'ák nak ko'o, hakte élánéssegkek axta ko'o ekhémo mók nélpaqhetchásamáxkoho meyke néxa m'a, penchásamáxcheyk ektáxésamaxche', méko han kamasseksek. Élmallahancháseykegkek ko'o m'a, etekkessessegkek han ma'a ekyókxoho aqsok sekmámenyého.