Salmos 19:2 - Biblia Enxet

² Kaltennasha chá'a mók ma'a ekhem; kaxénekxohok chá'a axta'a kaltennasha m'a mók axta'a.

Salmos 19:2 Referans Kwoze

Salmos 74:16

Xép apagkok ma'a ekhem, tén han axta'a; xép axta appekkenma pelten, tén han ekhem;

Isaías 38:19

Wánxa eyke apwanchek elpeykeshok xép ma'a énxet'ák apkelyenná nak makham, ekhawo nak sektáhakxa ko'o s'e ekhem nak. Eltennasha chá'a apketchek apyapmeyk ma'a ektémakxa nak xép mehegyenyaweykha.

Génesis 8:22

“Kaxek sa' chá'a aqsok kélcheneykekxa tén han eknakxamáxche', megkamassegwánxa nak makham keso nélwanmeygkaxa', áthek sa' chá'a katnehek, samágek sa' han chá'a katnehek, keytek sa' ekmexanmakxal'a exma, tén han apmopsamágexal'a, ekhem tén han axta'a.”

Salmos 148:12

¡Apkelennay'a, kelwán'ák, wokma'ák, kelán'a étkók, apkelwányam tén han sakcha'a!

Génesis 1:6

Aptáhak axta makham Dios se'e: “Katyep xama ekméyak neyseksa yegmen, yaqwayam keytek ánet ekyetnamakxa yegmen.” Temék axta han xa.

Génesis 1:7

Apkelanak axta Dios xama ekméyak yegmen, yenyókassek axta han mók ekyetnamakxa m'a yegmen; nekha yegmen axta yetnákxak kóneg ekmeykegkaxa nak yegmen, keñe axta mók ekyetnákxo néten.

Salmos 8:4

katnehek chá'a élchetamso ewáxok se'e: ¿Yaqsa m'a énxet? ¿Yaqsa m'a nentáha nak énxet? ¿Yaqsa ektéma ekxéneykencha'a nak chá'a apwáxok ma'a, tén han ekyetnakhassamo nak chá'a apwáxok?

Salmos 150:1

¡Aleluya! ¡Kólpeykesho Dios ma'a tegma appagkanamap apagkok nak! ¡Kólpeykesho m'a apmopwána ekwetamaxko nak ma'a néten!