Salmos 16:5 - Biblia Enxet

⁵ Wesse', xép apwánxa apagkok segkésso aqsok eyeyméxchexa; apyánchessamók xép segkésso seyemleykekxoho, xép apmeykha sekyennaqte.

Salmos 16:5 Referans Kwoze

Salmos 73:26

Yelqamáxcheyk ko'o sekyókxa, tén han ewáxok, Dios akke sénnaqtésso, tén han apteme chá'a ahagkok meyke néxa.

Salmos 142:5

Wesse', ekwóneyha ko'o exchep, ektáhak seyáneya s'e: “Xép apteme sekyexánegweykekxexa'; xép apteme wánxa ahagkok neyseksa m'a ekyókxoho aqsok ahagkok, neyseksa sekha.”

Lamentaciones 3:24

Keñe axta ektéma ewáxok se'e: ¡Wesse' egegkok apteme ekyókxoho aqsok ahagkok; cháxa keñamak may'ásseykmo nak!

Salmos 23:5

Ektámáxche ekyawe éláneyásak xép nápaqta'awók ma'a sélenmexma nak, éxpaqhássessek han épátek sokmátsa, elánessásawók han seyátegkesso sekya.

Salmos 119:57

Wesse', Xép apteme wánxa ahagkok neyseksa m'a ekyókxoho aqsok ahagkok; ekxénchek ko'o alának ma'a appeywa nak xép.

Deuteronomio 32:9

hakte Wesse' egegkok axta apkelyéseykha m'a, énxet'ák apagkok axta m'a Jacob énxet'ák apagkok nak.

Salmos 89:4

“Wának sa' chá'a ko'o etnahagkok apkelwesse'e apyaqmagkasso exchep ma'a aptawán'ák neptámen.”

Jeremías 10:16

¡Megkaxnawok agko' Jacob nak Dios apagkok xa, apkelane nak ekyókxoho aqsok élánteyapma nak! Axta apkelyéseykha énxet'ák Israel ma'a yaqwayam etnehek apagkok apagko'. Wesse' ekha apyennaqte: cháxa apwesey xa.

Isaías 53:12

Cháxa keñamak Dios peya nak exnéssók nepyeseksa m'a énxet'ák ekyawe nak kéláyo, epasmekxak sa' apkelxawéyak aqsok eñama apkelmallane m'a apkelyennaqte nak, hakte apmeyásamákpók apagko' yaqwayam emátog, máxa énxet ekmaso aptémakxa axta kélteméssessók kélpáxaqtesseykmo m'a énxet'ák élmasagcha'a nak apkeltémakxa, apmeykekxeyk melya'assáxma apxámokma apagko' ma'a énxet, apkelmaxnéssáseykegkek nahan chá'a m'a énxet'ák melya'assáxma nak yaqwayam enxoho megkólyaqmagkásekxeyk chá'a m'a apkeltémakxa.

Salmos 116:13

¡Ay'aksek sa' ko'o néten ma'a egheykok segwagkassamo nak teyp, keñe sa' awónmakha m'a apwesey!

Salmos 9:4

Xép apteme segyekpelchémo appéwomo: apheyk ma'a aptaháno ektaqmalma nak yaqwayam hélánekxések amya'a ekpéwomo.

Salmos 132:11

Apkeltennassegkek axta Wesse' egegkok elanaksek ekmámnaqsoho aqsok ma'a David, mopwanchek chá'a epeynchámekxak appeywa aptéma axta apkenagkama s'e:

Salmos 2:6

“Élyéseyha ko'o xama wesse' apwányam ahagkok ma'a néten nak egkexe Sión, ekteme nak egkexe ahagkok sekpagkanma.”

Salmos 125:3

megqawegqók aptamhéyak kelwesse'e apkelwányam apheykegkaxa nak Dios énxet'ák apagkok ma'a élmasagcha'a nak apkeltémakxa, hakte elanagkok katnehek aqsok ekmaso m'a énxet'ák apagkok élpéwomo nak apkeltémakxa.

Salmos 11:6

Yahak sa' Wesse' egegkok átex, táxa tén han aqsok eyáléwomól'a m'a énxet'ák élmaso nak apkeltémakxa, yahak sa' éxchahayam yaqwayam sa' kalwatnek ma'a apyókxoho nak. ¡Ellegássesagkohok sa' Wesse' egegkok ekpayhawo nak etnéssesek!

Isaías 42:1

“Keso seyásenneykha ko'o s'e, sekpasmoma nak chá'a, sélyéseykha axta, ekleklamo nak ewáxok aptémakxa'. Ekméssegkek ko'o espíritu ahagkok xa yaqwayam enxoho etaqmelchessásekxak apheykha m'a apyókxoho pók aptémakxa nak chá'a énxet'ák.

Deuteronomio 18:2

Melxawagkehek sa' chá'a xapop apagkok ektéma nak chá'a m'a apchókxa xamo' nak, hakte cha'a ekpayhémo yaqwayam elxewekxak ma'a Wesse' egegkok, ekhawo m'a aptémakxa axta chá'a apkeltennassama.

Josué 22:25

Appekkenmeyk axta Wesse' egegkok wátsam Jordán yaqwayam hẽxpánchesek negko'o kéxegke, kéltáha nak Rubén énxet'ák apagkok, keñe han Gad énxet'ák apagkok. Megkapayhawok kéxegke kóllanha Wesse' egegkok.’ Keñe sa' kélketchek nak kéxegke yának elwátésagkok apteme apcháyo Wesse' egegkok ma'a egketchek nak negko'o.

Josué 22:27

wánxa yaqwayam katnehek ekxeyenweykekxoho chá'a egwáxok negko'o tén han kéxegke, keñe han ma'a entawán'ák nentámen nak, negmowána chá'a negko'o magyensemek nélpeykessamo m'a Wesse' egegkok, keñe han ólwakxak ma'a aphakxa nak yetlo nenseykekxésso aqsok nélwatno, tén han ma'a aqsok nélnapma nak ekyaqmageykekxa mólya'assáxma, tén han segwetassamo nak sẽlásekheykekxoho. Tén sa' ma'a kéltawán'ák kélnentámen nak kéxegke, mopwanchek etnehek elának entawán'ák nentámen nak negko'o: ‘Háwe kéxegke Wesse' egegkok énxet'ák apagkok.’