Salmos 148:8 - Biblia Enxet

⁸ ¡Takha' apkelyenma, tén han yegmen élyennaqte, yeyam appok, tén han téyáméten! ¡Éxchahayam ekyennaqte, élyeheykekxoho nak chá'a apchánamakxa katnehek!

Salmos 148:8 Referans Kwoze

Jonás 1:4

Aptekkessek axta eyke éxchahayam ekyennaqte agko' Wesse' egegkok ma'a neysekso nak wátsam ekwányam, yetlo élyaqyahayam élyawe agko' yegmen. Máxa axta entáhak peya enxoho katnéssesek nekha'a étkók yántakpayhe.

Amós 7:4

Keso sexekmósa axta ko'o Wesse' egegkok se'e: ekwet'ak axta apcháphasa táxa ekmexanma agko' yaqwayam hẽllegássesagkoho', yamássek axta ekyókxoho m'a wátsam ekwányam ekmattawóneg nak, kelwatneyk axta han ekyókxoho aqsok ma'a yókxexma.

Amós 4:13

Wesse' egegkok, apkelane nak meteymog élwenaqte tén han éxchahayam, apya'assásegwayam nak aqsok apmáheyo elának énxet, aptemessáseykekxoho nak han élseyéxma m'a ekyaqtéssóxma, apweychámeykencha'awól'a m'a yókxexma ektáhakxa nak netnók agko' xapop keso náxop, Wesse' egegkok, Dios ekha apyennaqte: cháxa apwesey xa.

Joel 2:30

axekmósek sa' ko'o aqsok sempelakkasso nak agwetak ma'a néten, keñe sa' náxop axekmósek ma'a éma, táxa, tén han éten ekpánma.

Isaías 66:16

Yetlo táxa sa' etnehek Wesse' egegkok elyekpelkohok énxet keso náxop, elyekpelkohok sa' apyókxoho énxet yetlo sókwenaqte apagkok, apxámok sa' etnehek apkelnapma.

Salmos 103:20

¡Kólpeykesho Wesse' egegkok kélyókxoho kélteme nak apkelásenneykha kélyennaqte! Kéxegke kéllane nak chá'a m'a apkeltamhókxa enxoho chá'a kóltéhek, kélhaxanma nak chá'a yaqwayam kólyahakxoho'.

Salmos 18:12

Xama apkelyenma ekyennaqte agko' axta teyapmak ma'a apkenmágkaxa axta; palleykenteyk axta yegmen élyennaqte éleñama m'a yaphope nak, tén han átex éláléweyak.

Josué 10:11

Apkelántepók axta aqsa amorreos ma'a ekweyweykentamxa nak ma'a Bet-horón, neyseksa apmenxenma m'a énxet'ák Israel, keñe axta Wesse' egegkok apkexénto nepyeseksa yegmen élyennaqte élyawe agko', apxámok axta élnapa m'a amorreos, axta kaxnawok ekwánxa axta élnapma sókwenaqte apagkok ma'a énxet'ák nak Israel.

Números 16:35

Apcháphássek axta han táxa Wesse' egegkok, kelnapchek axta m'a doscientos cincuenta énxet'ák apkelseykekxésso axta m'a aqsok ánek ekmátsa nak ekpaqneyam éten agkok.

Levítico 10:2

Keñe axta ektepa táxa m'a aphakxa nak Wesse' egegkok, apsawhékpók axta nahan apkelmeta m'a. Cháxa ektáhakxa axta apkeletsapa nápaqto' Wesse' egegkok.

Éxodo 14:21

Apya'ássek axta apmék ekpayhókxa neyseksa wátsam ekwányam ma'a Moisés, tén axta Wesse' egegkok apcháphasa éxchahayam ekyennaqte agko' eñama m'a ekteyapmakxa ekhem, kexchahakmek axta nahan yókxoho axta'a m'a, tén axta ekmeykásekxo neyseksa élana ánet nekhaw'ék ma'a wátsam ekwányam nak. Xapop agko' axta aptemessásekxak Wesse' egegkok ma'a neyseksa wátsam ekwányam,

Éxodo 10:19

Keñe axta Wesse' egegkok apyaqmagkasa makham mók éñamakxa m'a éxchahayam. Aptemessásekxeyk axta ekyennaqte agko' éxchahayam eñama m'a ektaxnegwánxa ekhem, cham'a élsawa axta nahan sawa' m'a, kexakhagwokmek axta m'a kañe' Wátsam Ekyexwase awáxok. Méko axta xama enxoho apkeymomap sawa' m'a ekyókxoho kañe' Egipto.

Éxodo 10:13

Apya'ássek axta apmek ekpayhókxa Egipto m'a Moisés, tén axta Wesse' egegkok aptekkesa éxchahayam eñama m'a ekteyapmakxa ekhem, kexchahakmek axta nahan xama ekhem tén han xama axta'a m'a apchókxa nak. Mók ekhem axta nahan entáhak, élwagkassa'a sawa' xa éxchahayam nak,

Génesis 19:24

keñe axta Wesse' egegkok appalchesánto táxa, tén han aqsok ánek ekyátekto eyáléwomo nak, néten Sodoma tén han Gomorra;

Job 37:12

kaltaqhahagkok chá'a apkelyenma m'a néten, kalának ma'a apkeltamhókxa enxoho kalának Dios ekyókxoho keso náxop.

Jonás 1:5

Keñe m'a ektáha nak apkeltamheykha yántakpayhe, awanhek axta apkelyegwakto, apsawhékpók axta apkelmaxneyágko m'a aqsok apcháyókxa nak chá'a. Keñe axta apmako yexyawásekxak yántakpayhe, apkexénteyk axta wátsam ekwányam ma'a ekyókxoho aqsok apkelseykha axta. Apmeyánteyk axta Jonás kóneg ekheykegkaxa nak aqsok neyseksa ekteme xa; axta apteyenwokmok ekyentaxno agko' ma'a.